म.टा.क्रीडा प्रतिनिधी, नागपूर
विदर्भाचा २३ वर्षांखालील संघातील जलद गोलंदाज दर्शन नळकांदेने सी.के. नायडू क्रिकेट स्पर्धेत जम्मू काश्मीरविरुद्धच्या लढतीत सहा गडी बाद करत संघाच्या विजयात महत्त्वाची भूमिका बजावली आणि दर्शनला या कामगिरीची भेटही काही तासातच मिळाली. किंग्ज इलेव्हन पंजाब संघाने मंगळवारी झालेल्या आयपीएलच्या लिलावात दर्शनला संघात घेण्याचा निर्णय घेतला.
जयपूर येथे २०१९ च्या आयपीएलच्या हंगामासाठी खेळाडूंचा लिलाव सुरु होता. यंदाच्या लिलावासाठी विदर्भाचे ९ खेळाडू पात्र ठरले होते. मंगळवारी लिलावाची पहिली फेरी झाली. यात विदर्भाच्या या युवा गोलंदाजाला किंग्ज इलेव्हन पंजाब संघाने ३० लाखात खरेदी केले. दर्शनने यंदाच्या हंगामात आतापर्यंत तीन लढतीत १९ गडी बाद केले आहे. इतकेच नव्हे तर १९ वर्षीय दर्शनने यंदाच्या विजय हजारे क्रिकेट स्पर्धेत सिनीअर विदर्भ संघाकडून पहिलीच लढत खेळताना महाराष्ट्राविरुद्ध विजयी खेळी केली होती. दर्शनने ३० चेंडूत ५६ धावांची खेळी केली होती. तसेच सी.के. नायडू क्रिकेट स्पर्धेत गोव्या विरुद्धच्या लढतीत १० गडी बाद करण्याची कामगिरीही त्याने केली होती.
विदर्भाचा २३ वर्षांखालील संघातील जलद गोलंदाज दर्शन नळकांदेने सी.के. नायडू क्रिकेट स्पर्धेत जम्मू काश्मीरविरुद्धच्या लढतीत सहा गडी बाद करत संघाच्या विजयात महत्त्वाची भूमिका बजावली आणि दर्शनला या कामगिरीची भेटही काही तासातच मिळाली. किंग्ज इलेव्हन पंजाब संघाने मंगळवारी झालेल्या आयपीएलच्या लिलावात दर्शनला संघात घेण्याचा निर्णय घेतला.
जयपूर येथे २०१९ च्या आयपीएलच्या हंगामासाठी खेळाडूंचा लिलाव सुरु होता. यंदाच्या लिलावासाठी विदर्भाचे ९ खेळाडू पात्र ठरले होते. मंगळवारी लिलावाची पहिली फेरी झाली. यात विदर्भाच्या या युवा गोलंदाजाला किंग्ज इलेव्हन पंजाब संघाने ३० लाखात खरेदी केले. दर्शनने यंदाच्या हंगामात आतापर्यंत तीन लढतीत १९ गडी बाद केले आहे. इतकेच नव्हे तर १९ वर्षीय दर्शनने यंदाच्या विजय हजारे क्रिकेट स्पर्धेत सिनीअर विदर्भ संघाकडून पहिलीच लढत खेळताना महाराष्ट्राविरुद्ध विजयी खेळी केली होती. दर्शनने ३० चेंडूत ५६ धावांची खेळी केली होती. तसेच सी.के. नायडू क्रिकेट स्पर्धेत गोव्या विरुद्धच्या लढतीत १० गडी बाद करण्याची कामगिरीही त्याने केली होती.