लंडन
ऑस्ट्रेलियाचा सलामवीर डेव्हिड वॉर्नरचं दिलखुलास व्यक्तीमत्त्व पाकिस्तानविरुद्धच्या सामन्यानंतर चाहत्यांना पाहायला मिळालं.
वॉर्नरने त्याला मिळालेला सामनावीराचा पुरस्कार प्रेक्षकांमध्ये उपस्थित असलेल्या ऑस्ट्रेलियाच्या चिमुकल्या चाहत्याला दिला. वॉर्नरच्या या दिलदारपणाचा व्हिडिओ आयसीसीने ट्विट केला आहे. वॉर्नरकडून मिळालेल्या अनोख्या सरप्राइजने चिमुकला खूष झाला. डेव्हिड आपला आवडता खेळाडू असल्याचं चिमुकल्यानं म्हटलं.
वर्ल्डकप स्पर्धेत बुधवारी पाकिस्तानविरुद्धच्या सामन्यात डेव्हिड वॉर्नरने दमदार शतकी खेळी साकारली होती. वॉर्नरच्या शतकी खेळीच्या जोरावर ऑस्ट्रेलियाने पाकिस्तानवर ४१ धावांनी विजय प्राप्त केला. वॉर्नरला सामनावीराच्या पुरस्काराने सन्मानित करण्यात आलं. वॉर्नरने पुरस्कार स्विकारल्यानंतर प्रेक्षकांचं अभिवादन स्विकारलं आणि चाहत्यांना ऑटोग्राफ देऊ लागला. प्रेक्षकांमध्ये ऑस्ट्रेलियाची जर्सी घातलेला चिमुकला चाहता वॉर्नरला दिसला. वॉर्नरनं लगेच त्या चिमुकल्याला सामनावीराचा पुरस्कार भेट म्हणून दिला. सोबत त्यावर ऑटोग्राफही दिला. अशाप्रकारे वॉर्नरनं सामना तर जिंकलाच सोबत चिमुकल्या प्रेक्षकाचं मनंही जिंकलं.
ऑस्ट्रेलियाचा सलामवीर डेव्हिड वॉर्नरचं दिलखुलास व्यक्तीमत्त्व पाकिस्तानविरुद्धच्या सामन्यानंतर चाहत्यांना पाहायला मिळालं.
वॉर्नरने त्याला मिळालेला सामनावीराचा पुरस्कार प्रेक्षकांमध्ये उपस्थित असलेल्या ऑस्ट्रेलियाच्या चिमुकल्या चाहत्याला दिला. वॉर्नरच्या या दिलदारपणाचा व्हिडिओ आयसीसीने ट्विट केला आहे. वॉर्नरकडून मिळालेल्या अनोख्या सरप्राइजने चिमुकला खूष झाला. डेव्हिड आपला आवडता खेळाडू असल्याचं चिमुकल्यानं म्हटलं.
वर्ल्डकप स्पर्धेत बुधवारी पाकिस्तानविरुद्धच्या सामन्यात डेव्हिड वॉर्नरने दमदार शतकी खेळी साकारली होती. वॉर्नरच्या शतकी खेळीच्या जोरावर ऑस्ट्रेलियाने पाकिस्तानवर ४१ धावांनी विजय प्राप्त केला. वॉर्नरला सामनावीराच्या पुरस्काराने सन्मानित करण्यात आलं. वॉर्नरने पुरस्कार स्विकारल्यानंतर प्रेक्षकांचं अभिवादन स्विकारलं आणि चाहत्यांना ऑटोग्राफ देऊ लागला. प्रेक्षकांमध्ये ऑस्ट्रेलियाची जर्सी घातलेला चिमुकला चाहता वॉर्नरला दिसला. वॉर्नरनं लगेच त्या चिमुकल्याला सामनावीराचा पुरस्कार भेट म्हणून दिला. सोबत त्यावर ऑटोग्राफही दिला. अशाप्रकारे वॉर्नरनं सामना तर जिंकलाच सोबत चिमुकल्या प्रेक्षकाचं मनंही जिंकलं.