महिला क्रिकेट स्पर्धेत देवगिरी कॉलेजला सातव्यांदा विजेतेपद

औरंगाबाद:

अंबाजोगाई येथे झालेल्या आंतर महाविद्यालयीन महिला क्रिकेट स्पर्धेत देवगिरी महाविद्यालयाच्या महिला क्रिकेट संघाने सलग सातव्यांदा विजेतेपद पटाकावले. अंतिम सामन्यात देवगिरी संघाने जालन्याच्या जेईएस कॉलेज संघास पराभूत केले.

योगेश्वरी महाविद्यालयातर्फे या स्पर्धेचे आयोजन करण्यात आले होते. अंतिम सामन्यात देवगिरी कॉलेज संघाने जालन्याच्या जेईएस कॉलेज संघावर मात करुन जेतेपद संपादन केले. विजेत्या देवगिरी कॉलेज संघात मुक्ता मगरे, मयुरी पाटील, छाया पवार, रुपाली वरदे, प्रियांका सहानी, मनीषा सातपुते, सारिका मिसार, पूजा राठोड, कविता साबळे, करिष्मा चव्हाण, अर्शिया खान, आरती डाके, प्रीती चौधरी, परमिंदर भट्टल, निकिता सागेकर, रंजना शेळके यांचा समावेश आहे.

देवगिरी कॉलेजच्या महिला क्रिकेट संघाने सलग सातव्यांदा जेतेपद पटाकावत या स्पर्धेवर निविर्वाद वर्चस्व गाजवले. या घवघवीत यशाबद्दल मंडळाचे सरचिटणीस व आमदार सतीश चव्हाण, सदस्य पंडीतराव हर्षे, प्राचार्य डॉ. शिवाजी थोरे, उपप्राचार्य डॉ. दिलीप खैरनार, डॉ. सी. एस. पाटील, डॉ. अर्दड, क्रीडा विभागाचे शेखर शिरसाठ यांनी खेळाडूंचे अभिनंदन केले. या संघास डॉ. शेखर शिरसाठ, इशांत राय यांचे मार्गदर्शन लाभले आहे.