इंडिया ‘बी’चा २३ धावांनी विजय

विशाखापट्टणम : शिखर धवनचे शतकच्या शतकानंतर गोलंदाजांनी केलेल्या अचूक माऱ्याच्या जोरावर इंडिया ‘बी’ संघाने देवधर ट्रॉफी वन-डे क्रिकेट स्पर्धेत इंडिया ‘ए’ संघावर २३ धावांनी मात केली.

डॉ. वाय. एस. राजशेखर रेड्डी स्टेडियममध्ये शनिवारी ही लढत झाली. इंडिया ‘बी’ संघाने प्रथम फलंदाजी करताना ८ बाद ३२७ धावा फलकावर लावल्या. कर्णधार पार्थिव पटेल आणि धवनने ९३ धावांची सलामी दिली. पटेल ४८ चेंडूंत ९ चौकारांसह ५० धावा केल्या. पटेल आणि श्रीवत्स गोस्वामी एकाच षटकात बाद झाले. यानंतर धवनने इशांक जग्गीसह तिसऱ्या विकेटसाठी शतकी भागीदारी रचली. जग्गीने ५१ चेंडूंत ५३ धावा केल्या. धवनने इंडिया ‘बी’ संघाला अडीचशे धावांचा टप्पा ओलांडून दिला. धवन १२२ चेंडूंत १३ चौकार व ३ षटकारांसह १२८ धावा काढून बाद झाला. इतर फलंदाजांनी इंडिया ‘बी’ संघाला ८ बाद ३२७ धावांपर्यंत पोहोचविले.

लक्ष्याचा पाठलाग करताना इंडिया ‘ए’ संघाचा डाव ४८.२ षटकांत ३०४ धावांत आटोपला. अम्बटी रायुडूने एका बाजूने किल्ला लढवून इंडिया ‘ए’ला अडिचशे धावांचा टप्पा ओलांडून दिला होता. रायुडूने ९२ चेंडूंत ८ चौकार व २ षटकारांसह ९२ धावा केल्या. दीपक हुडाने २७ चेंडूंत ३ षटकार व २ चौकारांसह ४६ धावा केल्या. मात्र, हुडाला इंडिया ‘ए’ संघाला विजय मिळवून देता आला नाही.

संक्षिप्त धावफलक : इंडिया बी – ५० षटकांत ८ बाद ३२७ (शिखर धवन १२८, पार्थिव पटेल ५०, इशांक जग्गी ५३, सिद्धार्थ कौल ५-५९, क्रुणाल पंड्या २-४१) वि. वि. इंडिया ए – ४८.२ षटकांत सर्वबाद ३०४ (अम्बटी रायुडू ९२, दीपक हुडा ४६, मनोज तिवारी ३७, धवल कुलकर्णी ३-६४, कर्णेवार ३-६०).