नवी दिल्लीः दोन दिवसांत पुणे कसोटीत २४ विकेट्स पडल्याने ही खेळपट्टी तयार करण्यात येणाऱ्या तीन क्युरेटर्सच्या तयारीबाबत प्रश्नचिन्ह उपस्थित करण्यात येते आहे. पुण्याचे स्थानिक क्युरेटर व महाराष्ट्राचे माजी तेज गोलंदाज पांडुरंग साळगावकर, बीसीसीआयचे प्रमुख क्युरेटर दलजितसिंग आणि पश्चिम विभागाचे प्रमुख क्युरेटर धीरज प्रसन्न यांनी तयार केलेल्या या खेळपट्टीवर टीका होऊ लागली आहे. भारताच्या एका माजी क्रिकेटपटूने याबाबत आपले मत मांडले. हे खेळाडू पुण्यातही बऱ्यापैकी क्रिकेट खेळले आहेत. ते म्हणतात, ‘पांडुरंग हे पाटा खेळपट्ट्या तयार करतात. केदार जाधवने रणजीमध्ये खेळताना उभारलेल्या मोठ्या धावा इथे झाल्या आहेत. गेल्या महिन्यात इथे पार पडलेल्या भारत-इंग्लंड सामन्यातही साडेतीनशे प्लस धावा झाल्या होत्या. मग अगदी थोड्या दिवसांत खेळपट्टीचा नूर एवढा कसा पालटला?’ दलजित यांच्यावरही बीसीसीआयच्या सीनियर अधिकाऱ्याने टीका केली. तरुण क्युरेटर्सना अधिक संधी द्यायला हवी, असा सूरही या अधिकाऱ्याने लावला.
पुण्याच्या क्युरेटर्सवर टीका
दोन दिवसांत पुणे कसोटीत २४ विकेट्स पडल्याने ही खेळपट्टी तयार करण्यात येणाऱ्या तीन क्युरेटर्सच्या तयारीबाबत प्रश्नचिन्ह उपस्थित करण्यात येते आहे. पुण्याचे स्थानिक क्युरेटर व महाराष्ट्राचे माजी तेज गोलंदाज पांडुरंग साळगावकर, बीसीसीआयचे प्रमुख क्युरेटर दलजितसिंग आणि पश्चिम विभागाचे प्रमुख क्युरेटर धीरज प्रसन्न यांनी तयार केलेल्या या खेळपट्टीवर टीका होऊ लागली आहे.
Maharashtra Times 25 Feb 2017, 4:00 am