वृत्तसंस्था, मुंबई
पूर्व विभागाने सईद मुश्ताक अली करंडक टी-२० स्पर्धेमध्ये अपराजित राहून विजेतेपदाला गवसणी घातली. पूर्व विभागाने शनिवारी झालेल्या अखेरच्या सामन्यात पश्चिम विभागावर ८ विकेटनी मात केली. अन्य सामन्यात मध्य विभागाने दक्षिण विभागावर २ विकेटनी मात केली.
राउंड रॉबिन पद्धतीने खेळवण्यात आलेल्या या स्पर्धेत यापूर्वीचे तीन सामने जिंकून पूर्व विभागाने विजेतेपदाच्या दिशेने वाटचाल केली होती. शनिवारी अखेरच्या सामन्यात पूर्व विभागाने नाणेफेक जिंकून प्रथम क्षेत्ररक्षण स्वीकारत पश्चिम विभागाला ५ बाद १४९ धावांत रोखले. पश्चिम विभागाकडून सलामीवीर शेल्डन जॅक्सनने ४४ चेंडूंत ५ चौकार व २ षटकारांसह ५२ धावांची खेळी केली. अखेरच्या षटकांत रुजुल भटने २० चेंडूंत नाबाद ३६ धावा फटकावल्या.
विराटसिंग आणि इशांक जग्गीने केलेल्या अर्धशतकांच्या जोरावर पूर्व विभागाने चौदाव्या षटकांतच विजय निश्चित केला. या दोघांनी दुसऱ्या विकेटसाठी ८० धावांची भागीदारी रचली. विराटने ३४ चेंडूंमध्ये ५ चौकार व ३ षटकारांसह नाबाद ५८, तर जग्गीने ३० चेंडूंत ३ चौकार व ६ षटकारांची आतषबाजी करत ५६ धावा फटकावल्या. याबरोबरच पूर्व विभागाने ४ विजयांसह १६ गुण पटकावून विजेतेपदावर शिक्कामोर्तब केले. पश्चिम विभाग चौथ्या स्थानावर राहिला.
चुरशीच्या झालेल्या दुसऱ्या सामन्यात मध्य विभागाने अखेरच्या चेंडूवर विजय मिळवला. या सामन्यात प्रथम फलंदाजी करताना ७ बाद १८१ धावा केल्या. दक्षिण विभागाकडून विराट सिंगने सर्वाधिक ४० धावा फटकावल्या. प्रत्युत्तरादाखल हरप्रीत सिंगने ५१ चेंडूंत १० चौकार व ४ षटकारांसह ९२ धावांची झंझावाती खेळी करून मध्य विभागाला एकहाती विजय मिळवून दिला. अमनदीप खरेने ३९ धावा करून त्याला योग्य साथ दिली. या विजयासह मध्य विभागाने गुणतक्त्यात दुसरे स्थान पटकावले, तर दक्षिण विभागाला तिसऱ्या स्थानावर समाधान मानावे लागले.
सामन्यांचे निकाल
पश्चिम विभाग २० षटकांत ५ बाद १४९ (शेल्डन जॅक्सन ५२; प्रीतम दास ४-०-२५-२) पराभूत विरुद्ध पूर्व विभाग १३.४ षटकांत २ बाद १५३ (विराटसिंग नाबाद ५८, इशांक जग्गी ५६, शार्दुल ठाकूर ३-०-३१-२).
दक्षिण विभाग २० षटकांत ७ बाद १८१ (विजय शंकर ४०, पवन देशपांडे नाबाद ३३, दिनेश कार्तिक ३५, अंकित राजपूत ४-०-२८-२, कर्ण शर्मा ४-०-३१-२) पराभूत विरुद्ध मध्य विभाग २० षटकांत ८ बाद १८४ (हरप्रीत सिंग ९२, राहिल शाह ३-०-२०-२).
पूर्व विभागाने सईद मुश्ताक अली करंडक टी-२० स्पर्धेमध्ये अपराजित राहून विजेतेपदाला गवसणी घातली. पूर्व विभागाने शनिवारी झालेल्या अखेरच्या सामन्यात पश्चिम विभागावर ८ विकेटनी मात केली. अन्य सामन्यात मध्य विभागाने दक्षिण विभागावर २ विकेटनी मात केली.
राउंड रॉबिन पद्धतीने खेळवण्यात आलेल्या या स्पर्धेत यापूर्वीचे तीन सामने जिंकून पूर्व विभागाने विजेतेपदाच्या दिशेने वाटचाल केली होती. शनिवारी अखेरच्या सामन्यात पूर्व विभागाने नाणेफेक जिंकून प्रथम क्षेत्ररक्षण स्वीकारत पश्चिम विभागाला ५ बाद १४९ धावांत रोखले. पश्चिम विभागाकडून सलामीवीर शेल्डन जॅक्सनने ४४ चेंडूंत ५ चौकार व २ षटकारांसह ५२ धावांची खेळी केली. अखेरच्या षटकांत रुजुल भटने २० चेंडूंत नाबाद ३६ धावा फटकावल्या.
विराटसिंग आणि इशांक जग्गीने केलेल्या अर्धशतकांच्या जोरावर पूर्व विभागाने चौदाव्या षटकांतच विजय निश्चित केला. या दोघांनी दुसऱ्या विकेटसाठी ८० धावांची भागीदारी रचली. विराटने ३४ चेंडूंमध्ये ५ चौकार व ३ षटकारांसह नाबाद ५८, तर जग्गीने ३० चेंडूंत ३ चौकार व ६ षटकारांची आतषबाजी करत ५६ धावा फटकावल्या. याबरोबरच पूर्व विभागाने ४ विजयांसह १६ गुण पटकावून विजेतेपदावर शिक्कामोर्तब केले. पश्चिम विभाग चौथ्या स्थानावर राहिला.
चुरशीच्या झालेल्या दुसऱ्या सामन्यात मध्य विभागाने अखेरच्या चेंडूवर विजय मिळवला. या सामन्यात प्रथम फलंदाजी करताना ७ बाद १८१ धावा केल्या. दक्षिण विभागाकडून विराट सिंगने सर्वाधिक ४० धावा फटकावल्या. प्रत्युत्तरादाखल हरप्रीत सिंगने ५१ चेंडूंत १० चौकार व ४ षटकारांसह ९२ धावांची झंझावाती खेळी करून मध्य विभागाला एकहाती विजय मिळवून दिला. अमनदीप खरेने ३९ धावा करून त्याला योग्य साथ दिली. या विजयासह मध्य विभागाने गुणतक्त्यात दुसरे स्थान पटकावले, तर दक्षिण विभागाला तिसऱ्या स्थानावर समाधान मानावे लागले.
सामन्यांचे निकाल
पश्चिम विभाग २० षटकांत ५ बाद १४९ (शेल्डन जॅक्सन ५२; प्रीतम दास ४-०-२५-२) पराभूत विरुद्ध पूर्व विभाग १३.४ षटकांत २ बाद १५३ (विराटसिंग नाबाद ५८, इशांक जग्गी ५६, शार्दुल ठाकूर ३-०-३१-२).
दक्षिण विभाग २० षटकांत ७ बाद १८१ (विजय शंकर ४०, पवन देशपांडे नाबाद ३३, दिनेश कार्तिक ३५, अंकित राजपूत ४-०-२८-२, कर्ण शर्मा ४-०-३१-२) पराभूत विरुद्ध मध्य विभाग २० षटकांत ८ बाद १८४ (हरप्रीत सिंग ९२, राहिल शाह ३-०-२०-२).