मिताली राजच्या संघाची इंग्लंवर ६६ धावांनी मात
म. टा. क्रीडा प्रतिनिधी, मुंबई
भारत दौऱ्यावर आलेल्या इंग्लंड महिला संघाचा डाव शुक्रवारी पत्त्याच्या बंगल्याप्रमाणे कोसळला. अखेरच्या सात विकेट पाहुण्यांनी २५ धावांत गमावल्या. ज्यामुळे वानखेडे स्टेडियमवर पार पडलेल्या लढतीत भारताने इंग्लंडवर ६६ धावांनी विजय मिळवत तीन वनडेंच्या मालिकेत (आयसीसी महिला चॅम्पियनशिप) १-० अशी आघाडी घेतली आहे.
डावखुरी फिरकी गोलंदाज एकता बिश्तने इंग्लंडच्या डावाला खिंडार पाडले. तिने २५ धावांत ४ फलंदाजांना तंबूत धाडले. यामुळे इंग्लंडच्या मधल्या आणि तळाच्या फलंदाजांची भंबेरी उडाली अन् २०३ धावांच्या आव्हानाचा पाठलाग करताना त्यांचा डाव १३६ धावांत आटोपला. शिखा पांडे आणि दीप्ती शर्मा यांनी प्रत्येकी दोन फलंदाजांना बाद केले. तर अनुभवी तेज गोलंदाज झुलन गोस्वामीने एका फलंदाजाला माघारी धाडले. या विजयासह भारतीय संघाने आयसीसी चॅम्पियनशिपमध्ये दोन गुणांची कमाई केली.
त्याआधी भारताच्या तळाच्या फलंदाज तानिया भाटिया (२५), झुलन गोस्वामी (३०) आणि शिखा पांडे (११) यांच्याकडून प्रतिकार झाल्याने यजमान भारतालाही किमान दोनशे प्लस धावा करता आल्या. सलामीवीर जेमिमा रॉड्रिग्ज (४८) आणि कर्णधार मिताली राज (४४) यांनी भारताला छान सुरुवात करून दिली.
आव्हानाचा पाठलाग करताना तेज गोलंदाज शिखा पांडेने एमी जोन्स (१) आणि सारा टेलर (१०) यांना बाद केले. मात्र कर्णधार हीथर नाइट (नाबाद ३९) आणि नताली सायव्हर यांनी चौथ्या विकेटसाठी ७३ धावांची भागीदारी रचून इंग्लंडच्या डावाची उभारणी करायला सुरुवात केली; पण एकता बिश्टने त्यांचे मनसुबे उदध्वस्त केले. तिने आपल्या एकाच षटकात अन्या श्रोबसोल, सोफी एक्लेस्टन आणि अॅलेक्स हार्टली यांना बाद करत इंग्लंडचा डावच संपवला.
स्कोअरबोर्डः भारतीय महिला संघ ४९.४ षटकांत २०२ (जेमिमा रॉड्रिग्ज ४८, स्मृती मंधाना २४, मिताली राज ४४, तानिया भाटिया २५, झुलन गोस्वामी ३०; जॉर्जिया एल्विस ९-१-४५-२, नताली सायव्हर ६-०-२९-२, सोफी एक्लेस्टन १०-२-२७-२) विजयी वि. इंग्लंड महिला संघ ४१ षटकांत १३६ (हीथर नाइट ३९, नताली सायव्हर ४४; झुलन गोस्वामी ८-०-१९-१, शिखा पांडे ८-१-२१-२, एकता बिश्त ८-०-२५-४, दीप्ती शर्मा ९-०-३३-२).
म. टा. क्रीडा प्रतिनिधी, मुंबई
भारत दौऱ्यावर आलेल्या इंग्लंड महिला संघाचा डाव शुक्रवारी पत्त्याच्या बंगल्याप्रमाणे कोसळला. अखेरच्या सात विकेट पाहुण्यांनी २५ धावांत गमावल्या. ज्यामुळे वानखेडे स्टेडियमवर पार पडलेल्या लढतीत भारताने इंग्लंडवर ६६ धावांनी विजय मिळवत तीन वनडेंच्या मालिकेत (आयसीसी महिला चॅम्पियनशिप) १-० अशी आघाडी घेतली आहे.
डावखुरी फिरकी गोलंदाज एकता बिश्तने इंग्लंडच्या डावाला खिंडार पाडले. तिने २५ धावांत ४ फलंदाजांना तंबूत धाडले. यामुळे इंग्लंडच्या मधल्या आणि तळाच्या फलंदाजांची भंबेरी उडाली अन् २०३ धावांच्या आव्हानाचा पाठलाग करताना त्यांचा डाव १३६ धावांत आटोपला. शिखा पांडे आणि दीप्ती शर्मा यांनी प्रत्येकी दोन फलंदाजांना बाद केले. तर अनुभवी तेज गोलंदाज झुलन गोस्वामीने एका फलंदाजाला माघारी धाडले. या विजयासह भारतीय संघाने आयसीसी चॅम्पियनशिपमध्ये दोन गुणांची कमाई केली.
त्याआधी भारताच्या तळाच्या फलंदाज तानिया भाटिया (२५), झुलन गोस्वामी (३०) आणि शिखा पांडे (११) यांच्याकडून प्रतिकार झाल्याने यजमान भारतालाही किमान दोनशे प्लस धावा करता आल्या. सलामीवीर जेमिमा रॉड्रिग्ज (४८) आणि कर्णधार मिताली राज (४४) यांनी भारताला छान सुरुवात करून दिली.
आव्हानाचा पाठलाग करताना तेज गोलंदाज शिखा पांडेने एमी जोन्स (१) आणि सारा टेलर (१०) यांना बाद केले. मात्र कर्णधार हीथर नाइट (नाबाद ३९) आणि नताली सायव्हर यांनी चौथ्या विकेटसाठी ७३ धावांची भागीदारी रचून इंग्लंडच्या डावाची उभारणी करायला सुरुवात केली; पण एकता बिश्टने त्यांचे मनसुबे उदध्वस्त केले. तिने आपल्या एकाच षटकात अन्या श्रोबसोल, सोफी एक्लेस्टन आणि अॅलेक्स हार्टली यांना बाद करत इंग्लंडचा डावच संपवला.
स्कोअरबोर्डः भारतीय महिला संघ ४९.४ षटकांत २०२ (जेमिमा रॉड्रिग्ज ४८, स्मृती मंधाना २४, मिताली राज ४४, तानिया भाटिया २५, झुलन गोस्वामी ३०; जॉर्जिया एल्विस ९-१-४५-२, नताली सायव्हर ६-०-२९-२, सोफी एक्लेस्टन १०-२-२७-२) विजयी वि. इंग्लंड महिला संघ ४१ षटकांत १३६ (हीथर नाइट ३९, नताली सायव्हर ४४; झुलन गोस्वामी ८-०-१९-१, शिखा पांडे ८-१-२१-२, एकता बिश्त ८-०-२५-४, दीप्ती शर्मा ९-०-३३-२).