ऑस्ट्रेलियावर ४ विकेट्सनी मात
वृत्तसंस्था, ब्रिस्बेन
अॅशेस मालिकेत सपशेल अपयशी ठरलेल्या इंग्लंड संघाने शुक्रवारी ऑस्ट्रेलियाविरुद्धच्या वन-डे क्रिकेट मालिकेत सलग दुसऱ्या विजयाची नोंद केली. या विजयासह इंग्लंडने पाच सामन्यांच्या या मालिकेत २-० अशी आघाडी घेतली आहे.
ब्रिस्बेनमधील गॅबा स्टेडियमवर झालेल्या या सामन्यात ऑस्ट्रेलियाने प्रथम फलंदाजी करताना ९ बाद २७० धावा केल्या. अॅरन फिंचने सलग दुसऱ्या सामन्यात शतक झळकावून चाळिसाव्या षटकापर्यंत ऑस्ट्रेलियाला ३ बाद २०८ अशा सुस्थितीत पोहचवले होते. त्यानंतर, मात्र ऑस्ट्रेलियाचा डाव गडगडला. अखेरच्या दहा षटकांमध्ये ऑस्ट्रेलियाने केवळ ५७ धावा करताना ५ विकेट्स गमावल्या. फिंचने कारकिर्दीतील दहावे शतक झळकावताना ११४ चेंडूंमध्ये ९ चौकार व एका षटकारासह १०६ धावांची खेळी केली. इंग्लंडतर्फे आदिल रशीद आणि जो रूट यांनी प्रत्येकी २ विकेट्स घेतल्या.
ऑस्ट्रेलियाच्या आव्हानाचा पाठलाग करताना इंग्लंडची सुरुवात चांगली झाली नाही. पहिल्या सामन्यात १८० धावांची खेळी करणारा इंग्लंडचा सलामीवीर जेसन रॉय अवघ्या २ धावांवर परतला. त्यानंतर, बेअरस्टो आणि अॅलेक्स हेल्स यांनी शतकी भागीदारी रचून इंग्लंडचा डाव सावरला. बेअरस्टोने ५६ चेंडूंमध्ये ९ चौकारांसह ६०, तर हेल्सने ६० चेंडूंत ७ चौकार व एका षटकारासह ५७ धावा केल्या. हे दोघे , तसेच कर्णधार इऑन मॉर्गन बाद झाल्यामुळे इंग्लंडचा संघ पुन्हा अडचणीत सापडला होता. मात्र, जो रूटने प्रथम जोस बटलर आणि नंतर ख्रिस वोक्स यांच्यासोबत महत्त्वपूर्ण भागीदारी रचून इंग्लंडला विजय मिळवून दिला. रूटने नाबाद ४६ धावा केल्या. ऑस्ट्रेलियाकडून मिचेल स्टार्कने ४ विकेट्स घेतल्या.
संक्षिप्त धावफलक : ऑस्ट्रेलिया - ५० षटकांत ९ बाद २७० (अॅरन फिंच १०६, मिचेल मार्श ३६, डेव्हिड वॉर्नर ३५, आदिल रशीद २-७१, जो रूट २-३१) पराभूत विरुद्ध इंग्लंड - ४४.२ षटकांत ६ बाद २७४ (जॉनी बेअरस्टो ६०, अॅलेक्स हेल्स ५७, जो रूट नाबाद ४६, मिचेल स्टार्क ४-५९, जे रिचर्डसन २-५७). सामनावीर - जो रूट.
वृत्तसंस्था, ब्रिस्बेन
अॅशेस मालिकेत सपशेल अपयशी ठरलेल्या इंग्लंड संघाने शुक्रवारी ऑस्ट्रेलियाविरुद्धच्या वन-डे क्रिकेट मालिकेत सलग दुसऱ्या विजयाची नोंद केली. या विजयासह इंग्लंडने पाच सामन्यांच्या या मालिकेत २-० अशी आघाडी घेतली आहे.
ब्रिस्बेनमधील गॅबा स्टेडियमवर झालेल्या या सामन्यात ऑस्ट्रेलियाने प्रथम फलंदाजी करताना ९ बाद २७० धावा केल्या. अॅरन फिंचने सलग दुसऱ्या सामन्यात शतक झळकावून चाळिसाव्या षटकापर्यंत ऑस्ट्रेलियाला ३ बाद २०८ अशा सुस्थितीत पोहचवले होते. त्यानंतर, मात्र ऑस्ट्रेलियाचा डाव गडगडला. अखेरच्या दहा षटकांमध्ये ऑस्ट्रेलियाने केवळ ५७ धावा करताना ५ विकेट्स गमावल्या. फिंचने कारकिर्दीतील दहावे शतक झळकावताना ११४ चेंडूंमध्ये ९ चौकार व एका षटकारासह १०६ धावांची खेळी केली. इंग्लंडतर्फे आदिल रशीद आणि जो रूट यांनी प्रत्येकी २ विकेट्स घेतल्या.
ऑस्ट्रेलियाच्या आव्हानाचा पाठलाग करताना इंग्लंडची सुरुवात चांगली झाली नाही. पहिल्या सामन्यात १८० धावांची खेळी करणारा इंग्लंडचा सलामीवीर जेसन रॉय अवघ्या २ धावांवर परतला. त्यानंतर, बेअरस्टो आणि अॅलेक्स हेल्स यांनी शतकी भागीदारी रचून इंग्लंडचा डाव सावरला. बेअरस्टोने ५६ चेंडूंमध्ये ९ चौकारांसह ६०, तर हेल्सने ६० चेंडूंत ७ चौकार व एका षटकारासह ५७ धावा केल्या. हे दोघे , तसेच कर्णधार इऑन मॉर्गन बाद झाल्यामुळे इंग्लंडचा संघ पुन्हा अडचणीत सापडला होता. मात्र, जो रूटने प्रथम जोस बटलर आणि नंतर ख्रिस वोक्स यांच्यासोबत महत्त्वपूर्ण भागीदारी रचून इंग्लंडला विजय मिळवून दिला. रूटने नाबाद ४६ धावा केल्या. ऑस्ट्रेलियाकडून मिचेल स्टार्कने ४ विकेट्स घेतल्या.
संक्षिप्त धावफलक : ऑस्ट्रेलिया - ५० षटकांत ९ बाद २७० (अॅरन फिंच १०६, मिचेल मार्श ३६, डेव्हिड वॉर्नर ३५, आदिल रशीद २-७१, जो रूट २-३१) पराभूत विरुद्ध इंग्लंड - ४४.२ षटकांत ६ बाद २७४ (जॉनी बेअरस्टो ६०, अॅलेक्स हेल्स ५७, जो रूट नाबाद ४६, मिचेल स्टार्क ४-५९, जे रिचर्डसन २-५७). सामनावीर - जो रूट.