हॅमिल्टनः इंग्लंडने रविवारी पार पडलेल्या टी-२० तिरंगी मालिकेतील लढतीत न्यूझीलंडवर दोन धावांनी निसटता विजय मिळवला, पण न्यूझीलंडच्या कॉलिन मन्रोच्या (५७) धडाकेबाज खेळीमुळे इंग्लंडचे फायनलमध्ये प्रवेश करण्याचे स्वप्न धुळीस मिळवले. अंतिम फेरीत ऑस्ट्रेलियाशी मुकाबला करण्यासाठी इंग्लंडने ही झुंज किमान वीस धावांच्या फरकाने जिंकणे आवश्यक होते; पण त्यांच्या १९३ धावांच्या आव्हानाचा पाठलाग करताना न्यूझीलंडच्या मन्रोने अवघ्या १८ चेंडूत अर्धशतक करत इंग्लंडच्या गोलंदाजांची चंपी केली. त्याचे हे अर्धशतक टी-२०मधील जलद अर्धशतकांमध्ये संयुक्त सहाव्या क्रमांकावर जमा झाले आहे. यामुळे इंग्लंडला मोठ्या फरकाने विजय मिळवता आला नाही. मन्रोसह मार्टिन गप्टीलने ६२ धावांचे तर हाँगकाँगला जन्मलेला पण न्यूझीलंडचे प्रतिनिधित्व करणाऱ्या मार्क चॅपमनने नाबाद ३७ धावा केल्या.
त्याआधी इंग्लंडने १९४ धावांचे आव्हान उभारले ते कर्णधार इयन मॉर्गन याच्या नाबाद ८० धावांमुळे. या टी-२० तिरंगी मालिकेची फायनल बुधवारी रंगणार आहे.
स्कोअरबोर्डः इंग्लंड २० षटकांत ७ बाद १९४ (मालन ५३, मॉर्गन नाबाद ८०; बोल्ट ४-०-५०-३, साऊदी ४-०-२२-२) विजयी वि. न्यूझीलंड २० षटकांत ४ बाद १९२ (गप्टिल ६२, मन्रो ५७, चॅपमन नाबाद ३७).
त्याआधी इंग्लंडने १९४ धावांचे आव्हान उभारले ते कर्णधार इयन मॉर्गन याच्या नाबाद ८० धावांमुळे. या टी-२० तिरंगी मालिकेची फायनल बुधवारी रंगणार आहे.
स्कोअरबोर्डः इंग्लंड २० षटकांत ७ बाद १९४ (मालन ५३, मॉर्गन नाबाद ८०; बोल्ट ४-०-५०-३, साऊदी ४-०-२२-२) विजयी वि. न्यूझीलंड २० षटकांत ४ बाद १९२ (गप्टिल ६२, मन्रो ५७, चॅपमन नाबाद ३७).