'विराट' यशासाठी इंग्लंडचे भारताला ३२२ धावांचे आव्हान

मटा ऑनलाइन वृत्त । कोलकाता

इंग्लंडविरुद्धच्या तीन एकदिवसीय सामन्यांच्या मालिकेतील निर्भेळ यशासाठी भारताला ३२२ धावांचे आव्हान पार करावे लागणार आहे. कोलकाता वन-डे सामन्यात इंग्लंडने प्रथम फलंदाजी करत ५० षटकात आठ बाद ३२१ धावा केल्या आहेत. भारताच्या हार्दिक पांड्याने ३, जाडेजाने २ तर जसप्रित बुमराहने एका फलंदाजाला बाद केले.

भारताने नाणेफेक जिंकल्यांनंतर क्षेत्ररक्षण करण्याचा निर्णय घेतला. इंग्लंडचे सलामीचे फलंदाज जेसन रॉय आणि सॅम बिलिंग्स यांनी ९८ धावांची भागीदारी रचली. सलामीची जोडी भारतासाठी डोकेदुखी ठरत असताना रवींद्र जाडेजाने जेनिंग्ज आणि त्यापाठोपाठ जेसन रॉय बाद केले. त्यानंतर कर्णधार इयॉन मॉर्गन आणि जॉनी बेअरस्टोने तिसऱ्या विकेटसाठी ८४ धावांची भागीदारी रचली.
अखेरच्या काही षटकांमध्ये वोक्सने १९ चेंडूत ३४ धावा केल्या. तर बेन स्टोक्सनेही फटकेबाजी करत ३९ चेंडूत ५७ धावांची खेळी केली.