विंडीजविरुद्धची मालिका इंग्लंडने जिंकली

लंडन : जेम्स अँडरसनच्या दुसऱ्या डावातील भेदक गोलंदाजीच्या जोरावर इंग्लंड संघाने वेस्ट इंडिजविरुद्धच्या मालिकेतील तिसऱ्या कसोटी क्रिकेट सामन्यात शनिवारी तिसऱ्या दिवशीच ९ विकेटनी विजय नोंदवला. या विजयासह इंग्लंडने तीन सामन्यांची ही मालिका २-१ अशी जिंकली आहे. कसोटी कारकिर्दीत पाचशे विकेटचा टप्पा ओलांडणाऱ्या अँडरसनने ४२ धावांत ७ विकेट घेऊन विंडीजचा दुसरा डाव १७७ धावांत संपवला. त्यानंतर, इंग्लंडने १०७ धावांचे विजयी लक्ष्य चहापानापूर्वीच एका विकेटच्या मोबदल्यात पूर्ण केले.
संक्षिप्त धावफलक : वेस्ट इंडिज - पहिला डाव १२३ आणि दुसरा डाव ६५.१ षटकांत सर्वबाद १७७ (शाय होप ६२, कायरन पॉवेल ४५, जेसन होल्डर, जेम्स अँडरसन ७-४२, स्टुअर्ट ब्रॉड २-३५) पराभूत विरुद्ध इंग्लंड - पहिला डाव १९४ आणि दुसरा डाव २८ षटकांत १ बाद १०७ (मार्क स्टोनमन नाबाद ४०, टॉम वेस्टली नाबाद ४४, देवेंद्र बिशू १-३५). सामनावीर - बेन स्टोक्स. मालिकावीर - जेम्स अँडरसन, शाय होप.