महाराष्ट्र पराभूत
पुणे : महाराष्ट्राला १९ वर्षांखालील गटाच्या विनू मंकड करंडक क्रिकेट स्पर्धेत कर्नाटकाकडून १६ धावांनी पराभव पत्करावा लागला. कर्नाटकाने दिलेल्या २७३ धावांच्या लक्ष्याचा पाठलाग करताना महाराष्ट्राचा डाव ४९.१ षटकांत २५६ धावांत आटोपला. संक्षिप्त धावफलक : कर्नाटक - ५० षटकांत सर्वबाद २७२ (प्रज्ज्वल पवन ७८, लुवनिथ सिसोदिया ३६, तुषारसिंग ३६, वेंकटेश एम. ४३, रॉड्रिगेज ३-५३, सिद्धेश वीर ३-३३) वि. वि. महाराष्ट्र - ४९.१ षटकांत सर्वबाद २५६ (सिद्धेश वीर ५५, नवले ३८, काळे ३८, काटे ३७, ओम भोसले ३३, वेंकटेश ३-४९, साई प्रज्ज्वल रेड्डी २-४९, अमन खान २-३७).
देवेंद्रचा निवृत्तीचा विचार
नवी दिल्ली : भारताचा पॅरा-अॅथलिट देवेंद्र झांझरिया निवृत्तीचा विचार करीत आहे. निवृत्त व्हायचा के नाही, याबाबतचा निर्णय तो पॅरा-एशियाड स्पर्धेनंतर घेणार आहे.
३७ वर्षीय भालाफेकपटू देवेंद्रने २००४च्या अथेन्स पॅरालिंपिक गेममध्ये सुवर्णपदक मिळवले आहे. त्याचबरोबर २०१६च्या रिओ पॅरालिंपिकमध्ये त्याने जागतिक विक्रमासह सुवर्णपदक पटकावले होते. मागील दीड वर्षांपासून देवेंद्र खांद्याच्या दुखापतीने त्रस्त आहे. त्यामुळे २०२० पॅरालिंपिकपर्यंत खेळायचे की नाही, याचा निर्णय तो कुटुंब, प्रशिक्षक आणि मित्रांशी चर्चा करून घेणार आहे.
...
हरियाणाचा विजय
चेन्नई : हरियाणा संघाने विजय हजारे करंडक क्रिकेट स्पर्धेत तमिळनाडूवर ७७ धावांनी मात केली. संक्षिप्त धावफलक : हरियाणा - ५० षटकांत ५ बाद ३१० (नितीन सैनी ४०, हिमांशू राणा नाबाद ८९, प्रमोद चंडिला ३२, राहुल तेवातिया नाबाद ९१, वॉशिंग्टन सुंदर २-५८, वरुण चक्रवर्ती २-५५) वि. वि. तमिळनाडू - ५० षटकांत ९ बाद २३३ (अभिनव मुकुंद ४७, विजय शंकर ४४, बी. अनिरुद्ध सिताराम ३३, जे. यादव २-३७, मिश्रा २-४०).
..
गेलची माघार
सेंट जॉहन्स (अँटिग्वा) : भारताविरुद्धच्या आगामी वन-डे आणि टी-२० मालिकेतून आक्रमक फलंदाज ख्रिस गेल याने वैयक्तिक कारणास्तव माघार घेतली आहे. भारत-विंडीजमध्ये पाच वन-डे आणि तीन टी-२० सामन्यांची मालिका होईल. पहिली वन-डे २१ ऑक्टोबरला होईल. विंडीजचा वन-डे संघ : जेसन होल्डर (कर्णधार), अॅलन, सुनील, बिशू, हेमराज चंद्रपॉल, हेतमायेर, होप, जोसेफ, लेविस, नर्स, पॉल, पॉवेल, केमार रोच, सॅम्युएल्स, थॉमस. टी-२० संघ : कार्लोस ब्रेथवेट (कर्णधार), अॅलन, ब्राव्हो, हेतमायेर, लेविस, मॅकॉय, नर्स, कीमो पॉल, पीएर, पोलार्ड, रोवमन पॉवेल, रामदिन, रसेल, रुदरफोर्ड, थॉमस.