वृत्तसंस्था, कोलम्बो
श्रीलंका दौऱ्यावर गेलेल्या भारतीय क्रिकेट संघाचा दोनदिवसीय सराव सामना शुक्रवारपासून प्रेसिडेंट इलेव्हन संघाशी होणार आहे. सुमारे नऊ महिन्यांनंतर कसोटी क्रिकेट खेळत असलेला रोहित शर्मा आणि दुखापतीतून सावरल्यानंतर संघात पुनरागमन करणारा लोकेश राहुल यांच्या कामगिरीकडे या सराव सामन्यात लक्ष असेल.
रोहित शर्मा मागील वर्षी झालेल्या न्यूझीलंडविरुद्धच्या कसोटी मालिकेनंतर आंतरराष्ट्रीय कसोटीमध्ये खेळलेला नाही. दुखापतीमुळे त्याला इंग्लंड, बांगलादेश आणि ऑस्ट्रेलियाविरुद्धच्या कसोटी मालिकांना मुकावे लागले होते. दुखापतीतून सावरल्यानंतर देशांतर्गत क्रिकेटमध्येही रोहित खेळला नसला, तरी मागील महिन्यात झालेल्या चॅम्पियन्स ट्रॉफी वन-डे क्रिकेट स्पर्धेमध्ये रोहितने तीनशेहून अधिक धावा करून फिटनेससोबतच फॉर्मही सिद्ध केला. हाच फॉर्म तो कसोटी क्रिकेटमध्ये कायम ठेवू शकतो का, याची चुणूक या सराव सामन्यात पाहायला मिळेल.
लोकेश राहुलही आता दुखापतीतून सावरला आहे. ऑस्ट्रेलियाविरुद्धच्या कसोटी मालिकेत लोकेशने सातपैकी सहा डावांत अर्धशतके झळकावली होती. मात्र, त्यानंतर दुखापतीमुळे त्याला इंडियन प्रीमियर लीग व चॅम्पियन्स ट्रॉफीला मुकावे लागले. तोसुद्धा अंतिम संघात स्थान मिळवण्यासाठी उत्सुक असेल. मुरली विजय दुखापतग्रस्त असल्याने त्याच्याऐवजी शिखर धवनला संघात स्थान देण्यात आले आहे. चॅम्पियन्स ट्रॉफी आणि वेस्ट इंडिजविरुद्धच्या मालिकेत शिखर धवनने प्रभावी कामगिरी केली आहे. त्यामुळे, श्रीलंकेविरुद्धच्या मालिकेत सलामी जोडीसाठी रोहित, राहुल आणि शिखर यांच्यामध्ये चुरस असेल.
कर्णधार विराट कोहलीही सुमारे दोन वर्षांनंतर परदेशी भूमीवर कसोटी संघाचे नेतृत्व करणार आहे. चॅम्पियन्स ट्रॉफीच्या अंतिम फेरीतील पराभव आणि प्रशिक्षक निवडीवरून झालेला वाद हे आता मागे पडल्याचे कोहलीने श्रीलंका दौऱ्यापूर्वीच्या पत्रकार परिषदेमध्ये सांगितले असले, तरी त्याला आता आपल्या कामगिरीने हे विधान सिद्ध करावे लागेल. त्याच्याप्रमाणेच, नवे प्रशिक्षक रवी शास्त्री यांच्यासाठीही हा दौरा महत्त्वाचा आहे.
भारतीय संघ : विराट कोहली (कर्णधार), शिखर धवन, लोकेश राहुल, चेतेश्वर पुजारा, अजिंक्य रहाणे, रोहित शर्मा, रविचंद्रन अश्विन, रवींद्र जाडेजा, वृद्धिमान साहा, इशांत शर्मा, उमेश यादव, हार्दिक पंड्या, भुवनेश्वरकुमार, महम्मद शमी, कुलदीप यादव आणि अभिनव मुकुंद.
दृष्टिक्षेप
१)रोहित याआधीची अखेरची कसोटी खेळला आहे ती गेल्यावर्षी ऑक्टोबरमध्ये. हा सामना न्यूझीलंडविरुद्ध होता.
२)घरच्या मैदानावर पार पडलेल्या इंग्लंड, बांगलादेश आणि ऑस्ट्रेलियाविरुद्धच्या मालिकांमध्येही रोहितला दुखापतीमुळे खेळता आले नव्हते.
३)दुखापतीमुळे लोकेश राहुलला खांद्याच्या शस्त्रक्रियेला सामोरे जावे लागले होते. यामुळे तो आयपीएल, चॅम्पियन्स ट्रॉफी आणि विंडीजविरुद्धच्या मालिकेला मुकला होता.
श्रीलंका दौऱ्यावर गेलेल्या भारतीय क्रिकेट संघाचा दोनदिवसीय सराव सामना शुक्रवारपासून प्रेसिडेंट इलेव्हन संघाशी होणार आहे. सुमारे नऊ महिन्यांनंतर कसोटी क्रिकेट खेळत असलेला रोहित शर्मा आणि दुखापतीतून सावरल्यानंतर संघात पुनरागमन करणारा लोकेश राहुल यांच्या कामगिरीकडे या सराव सामन्यात लक्ष असेल.
रोहित शर्मा मागील वर्षी झालेल्या न्यूझीलंडविरुद्धच्या कसोटी मालिकेनंतर आंतरराष्ट्रीय कसोटीमध्ये खेळलेला नाही. दुखापतीमुळे त्याला इंग्लंड, बांगलादेश आणि ऑस्ट्रेलियाविरुद्धच्या कसोटी मालिकांना मुकावे लागले होते. दुखापतीतून सावरल्यानंतर देशांतर्गत क्रिकेटमध्येही रोहित खेळला नसला, तरी मागील महिन्यात झालेल्या चॅम्पियन्स ट्रॉफी वन-डे क्रिकेट स्पर्धेमध्ये रोहितने तीनशेहून अधिक धावा करून फिटनेससोबतच फॉर्मही सिद्ध केला. हाच फॉर्म तो कसोटी क्रिकेटमध्ये कायम ठेवू शकतो का, याची चुणूक या सराव सामन्यात पाहायला मिळेल.
लोकेश राहुलही आता दुखापतीतून सावरला आहे. ऑस्ट्रेलियाविरुद्धच्या कसोटी मालिकेत लोकेशने सातपैकी सहा डावांत अर्धशतके झळकावली होती. मात्र, त्यानंतर दुखापतीमुळे त्याला इंडियन प्रीमियर लीग व चॅम्पियन्स ट्रॉफीला मुकावे लागले. तोसुद्धा अंतिम संघात स्थान मिळवण्यासाठी उत्सुक असेल. मुरली विजय दुखापतग्रस्त असल्याने त्याच्याऐवजी शिखर धवनला संघात स्थान देण्यात आले आहे. चॅम्पियन्स ट्रॉफी आणि वेस्ट इंडिजविरुद्धच्या मालिकेत शिखर धवनने प्रभावी कामगिरी केली आहे. त्यामुळे, श्रीलंकेविरुद्धच्या मालिकेत सलामी जोडीसाठी रोहित, राहुल आणि शिखर यांच्यामध्ये चुरस असेल.
कर्णधार विराट कोहलीही सुमारे दोन वर्षांनंतर परदेशी भूमीवर कसोटी संघाचे नेतृत्व करणार आहे. चॅम्पियन्स ट्रॉफीच्या अंतिम फेरीतील पराभव आणि प्रशिक्षक निवडीवरून झालेला वाद हे आता मागे पडल्याचे कोहलीने श्रीलंका दौऱ्यापूर्वीच्या पत्रकार परिषदेमध्ये सांगितले असले, तरी त्याला आता आपल्या कामगिरीने हे विधान सिद्ध करावे लागेल. त्याच्याप्रमाणेच, नवे प्रशिक्षक रवी शास्त्री यांच्यासाठीही हा दौरा महत्त्वाचा आहे.
भारतीय संघ : विराट कोहली (कर्णधार), शिखर धवन, लोकेश राहुल, चेतेश्वर पुजारा, अजिंक्य रहाणे, रोहित शर्मा, रविचंद्रन अश्विन, रवींद्र जाडेजा, वृद्धिमान साहा, इशांत शर्मा, उमेश यादव, हार्दिक पंड्या, भुवनेश्वरकुमार, महम्मद शमी, कुलदीप यादव आणि अभिनव मुकुंद.
दृष्टिक्षेप
१)रोहित याआधीची अखेरची कसोटी खेळला आहे ती गेल्यावर्षी ऑक्टोबरमध्ये. हा सामना न्यूझीलंडविरुद्ध होता.
२)घरच्या मैदानावर पार पडलेल्या इंग्लंड, बांगलादेश आणि ऑस्ट्रेलियाविरुद्धच्या मालिकांमध्येही रोहितला दुखापतीमुळे खेळता आले नव्हते.
३)दुखापतीमुळे लोकेश राहुलला खांद्याच्या शस्त्रक्रियेला सामोरे जावे लागले होते. यामुळे तो आयपीएल, चॅम्पियन्स ट्रॉफी आणि विंडीजविरुद्धच्या मालिकेला मुकला होता.