मटा ऑनलाइन वृत्त। नवी दिल्ली
मिनी वर्ल्ड कप मानल्या जाणाऱ्या आयसीसी चॅम्पियन्स ट्रॉफी स्पर्धेला आजपासून सुरुवात होत असल्यानं क्रिकेट चाहत्यांमध्ये उत्सवी वातावरण आहे. क्रिकेटचा हा उत्सव साजरा करण्यासाठी गुगलही सज्ज झालं असून या स्पर्धेचं स्वागत म्हणून गुगलनं एक अनोखं आणि अत्यंत बोलकं असं डुडल तयार केलं आहे. हे डुडल गुगल युझर्समध्ये चर्चेचा विषय ठरलं आहे.
जगभरातील विशेष दिवस व महत्त्वाच्या घडामोडी डुडल्सच्या माध्यमातून साजरे करण्याची नवी परंपरा अलीकडं गुगलनं सुरू केली आहे. त्याच मालिकेतील आयसीसी चॅम्पियन्स ट्रॉफीचं हे डुडल असून ते अनेक बाबतीत 'हटके' असं आहे. हे डुडल म्हणजे केवळ फोटो नसून त्या माध्यमातून क्रिकेट खेळण्याची संधीच गुगलनं दिली आहे. गोगलगाय हातात बॅट घेऊन क्रिकेट खेळण्याचा पवित्रा घेऊन उभी आहे आणि एक चेंडू समोरून येतोय, असं हे डुडल आहे. मात्र, गोगलगायीच्या हातातील त्या उंचावलेल्या बॅटवर क्लिक करताच एक दृष्यमान प्रतिमा उघडते. इथे फलंदाज, गोलंदाज आणि क्षेत्ररक्षक म्हणून गोगलगायीच दिसतात. क्लिक करताच हा खेळ सुरू होतो. मग एकामागोमाग एक येणारे चेंडू टोलवण्याची संधी युझर्सना मिळते. धावफलकावर धावाही दिसतात. एखाद्या चेंडूनं त्याची विकेट घेतली की 'आऊट'चा बोर्ड घेऊन आणखी एक गोगलगाय मैदानात अवतरते.
डुडलमध्ये काय-काय?
क्रिकेटच्या गेमबरोबरच या डुडलमध्ये आणखीही बरंच काही आहे. डुडलच्या चित्राखाली खाली आपल्याला सर्च, नेक्स्ट आणि शेअर अशी तीन चिन्हं दिसतात.
>> सर्चच्या चिन्हावर क्लिक करताच 'आयसीसी चॅम्पियन्स ट्रॉफी २०१७' ची सर्व माहिती समोर येते. यात विविध बातम्यांपासून ते क्रिकेट संघ, स्पर्धेचे वेळापत्रक, ठिकाण सर्व काही नेहमीप्रमाणे एका क्लिकवरच जाणून घेता येते.
>> नेक्स्ट पर्यायावर क्लिक करताच बाद झालेल्या पहिल्या फलंदाजाच्या जागी दुसरा खेळाडू म्हणून बदक किंवा गोगलगायच येते. आणि पुन्हा नव्याने एका मजेशीर खेळाला सुरुवात होते.
>> शेअरच्या चिन्हावर क्लिक केल्यानंतर फेसबुक, ट्विटर आणि मेलच्या पर्यायांवर आपण पोहोचतो. त्यातील हवा तो पर्याय निवडून आयसीसी चॅम्पियन्स ट्रॉफी स्पर्धेचे सर्व अपडेट्स तुम्ही सोशल मीडियावर किंवा मेलच्या माध्यमातून शेअर करू शकता. इतके हे डुडल सोपे आणि आकर्षक बनविण्यात आले आहे.
मिनी वर्ल्ड कप मानल्या जाणाऱ्या आयसीसी चॅम्पियन्स ट्रॉफी स्पर्धेला आजपासून सुरुवात होत असल्यानं क्रिकेट चाहत्यांमध्ये उत्सवी वातावरण आहे. क्रिकेटचा हा उत्सव साजरा करण्यासाठी गुगलही सज्ज झालं असून या स्पर्धेचं स्वागत म्हणून गुगलनं एक अनोखं आणि अत्यंत बोलकं असं डुडल तयार केलं आहे. हे डुडल गुगल युझर्समध्ये चर्चेचा विषय ठरलं आहे.
जगभरातील विशेष दिवस व महत्त्वाच्या घडामोडी डुडल्सच्या माध्यमातून साजरे करण्याची नवी परंपरा अलीकडं गुगलनं सुरू केली आहे. त्याच मालिकेतील आयसीसी चॅम्पियन्स ट्रॉफीचं हे डुडल असून ते अनेक बाबतीत 'हटके' असं आहे. हे डुडल म्हणजे केवळ फोटो नसून त्या माध्यमातून क्रिकेट खेळण्याची संधीच गुगलनं दिली आहे. गोगलगाय हातात बॅट घेऊन क्रिकेट खेळण्याचा पवित्रा घेऊन उभी आहे आणि एक चेंडू समोरून येतोय, असं हे डुडल आहे. मात्र, गोगलगायीच्या हातातील त्या उंचावलेल्या बॅटवर क्लिक करताच एक दृष्यमान प्रतिमा उघडते. इथे फलंदाज, गोलंदाज आणि क्षेत्ररक्षक म्हणून गोगलगायीच दिसतात. क्लिक करताच हा खेळ सुरू होतो. मग एकामागोमाग एक येणारे चेंडू टोलवण्याची संधी युझर्सना मिळते. धावफलकावर धावाही दिसतात. एखाद्या चेंडूनं त्याची विकेट घेतली की 'आऊट'चा बोर्ड घेऊन आणखी एक गोगलगाय मैदानात अवतरते.
डुडलमध्ये काय-काय?
क्रिकेटच्या गेमबरोबरच या डुडलमध्ये आणखीही बरंच काही आहे. डुडलच्या चित्राखाली खाली आपल्याला सर्च, नेक्स्ट आणि शेअर अशी तीन चिन्हं दिसतात.
>> सर्चच्या चिन्हावर क्लिक करताच 'आयसीसी चॅम्पियन्स ट्रॉफी २०१७' ची सर्व माहिती समोर येते. यात विविध बातम्यांपासून ते क्रिकेट संघ, स्पर्धेचे वेळापत्रक, ठिकाण सर्व काही नेहमीप्रमाणे एका क्लिकवरच जाणून घेता येते.
>> नेक्स्ट पर्यायावर क्लिक करताच बाद झालेल्या पहिल्या फलंदाजाच्या जागी दुसरा खेळाडू म्हणून बदक किंवा गोगलगायच येते. आणि पुन्हा नव्याने एका मजेशीर खेळाला सुरुवात होते.
>> शेअरच्या चिन्हावर क्लिक केल्यानंतर फेसबुक, ट्विटर आणि मेलच्या पर्यायांवर आपण पोहोचतो. त्यातील हवा तो पर्याय निवडून आयसीसी चॅम्पियन्स ट्रॉफी स्पर्धेचे सर्व अपडेट्स तुम्ही सोशल मीडियावर किंवा मेलच्या माध्यमातून शेअर करू शकता. इतके हे डुडल सोपे आणि आकर्षक बनविण्यात आले आहे.