'ती कोण आहे?'; हार्दिक पंड्याने अखेर सांगितलं

मटा ऑनलाइन वृत्त | नवी दिल्ली

टीम इंडियाचा नवा तारा म्हणून उदयाला आलेला हार्दिक पंड्या सध्या त्याच्या धुवाधार फटकेबाजीमुळे चर्चेत आहेच; पण त्याच्या एका फोटोनंही सोशल मीडियावर 'कल्ला' केला आहे. एका वेबसाइटनं हार्दिकचा एका मुलीसोबतचा सेल्फी ट्विटरवर पोस्ट केला. हा फोटो पाहून, 'ही आहे तरी कोण?' असा प्रश्न हार्दिकच्या चाहत्यांना पडला. त्याचं उत्तर अखेर हार्दिकनं दिलंय.

'रहस्य उलगडलं! ती माझी बहीण आहे', असं ट्विट करून हार्दिकनं सगळ्या तर्कवितर्कांना पूर्णविराम दिला. या खुलाशाने त्याच्या अनेक तरुण चाहत्या सुखावल्यात.

Mystery solved! That's my sister 😉 — hardik pandya (@hardikpandya7) October 2, 2017 हार्दिकसोबतच्या तरुणीचा उल्लेख सगळेच 'मिस्ट्री गर्ल' असा करत होते. ती हार्दिकची बहीण आहे, मैत्रीण आहे, खास मैत्रीण आहे की आणखी खास आहे, हे सगळ्यांनाच जाणून घ्यायचं होतं. त्यांची ही उत्सुकता, उत्कंठा पाहूनच हार्दिकनं आपलं नातं जाहीर केलं आहे.

ऑस्ट्रेलियाविरुद्धच्या मालिकेत खणखणीत खेळी करून हार्दिकनं सगळ्यांचीच मनं जिंकली आहेत. त्याच्या रूपाने टीम इंडियाला अनेक वर्षांनी 'ऑल राउंडर' मिळाल्याचं बोललं जातंय. त्यामुळे आता त्याच्या प्रत्येक हालचालीवर क्रिकेटप्रेमींचं बारीक लक्ष असणार आहे.