टाइम्स वृत्त
हरमनप्रीत कौर... या नावाचा आज पंजाबसह देशभरात जयजयकार सुरू आहे. महिला वर्ल्ड कप स्पर्धेत ऑस्ट्रेलियाविरुद्धच्या सामन्यात तिनं गाजवलेल्या पराक्रमाबद्दल तिच्यावर पुरस्कारांचा पाऊस पडतोय. या 'पंजाब दी कुडी'ला कुठे ठेवू आणि कुठे नको असं पंजाब सरकारला झालंय. पण सहा वर्षांपूर्वी याच सरकारच्या पोलीस खात्यानं हरमनप्रीतला अपमानित करून तिला नोकरी नाकारली होती, अशी दुर्दैवी माहिती समोर आली आहे.
'तू काय हरभजनसिंग आहेस का तुला डीएसपी करायला', असा प्रश्न करत पंजाब पोलिसांतील एका वरिष्ठ अधिकाऱ्यानं तिला झिडकारलं होतं. त्यावेळी मुख्यमंत्र्यांपासून सगळ्यांची दारं तिनं ठोठावली होती, पण कुणीच तिच्या मदतीला आलं नव्हतं, अशी आठवण हरमनप्रीतचे प्रशिक्षक यादविंदरसिंह सोधी यांनी 'टाइम्स'ला सांगितली. त्यातून महिला क्रिकेटकडे पाहण्याचा उदासीन दृष्टिकोन सहज दिसून येतो.
महिला वर्ल्ड कप स्पर्धेत ऑस्ट्रेलियाविरुद्धच्या उपांत्य सामन्यात हरमनप्रीतनं १७१ धावांची स्फोटक खेळी केली होती. तिनं रचलेल्या या भक्कम पायावरच टीम इंडियानं विजयाचा कळस चढवला होता आणि अंतिम फेरीत धडक मारली होती. या कामगिरीबद्दल मिताली राजच्या नेतृत्वाखालील टीम इंडियावर कौतुकाचा वर्षाव होतोय. बीसीसीआयनं प्रत्येकी ५० लाख रुपयांच्या बक्षिसाची घोषणाही केलीय. आजच्या अंतिम सामन्यानंतर तर हा ओघ वाढतच जाणार आहे.
मात्र, या सगळ्या जणींना आज जी 'रॉयल ट्रिटमेंट' मिळतेय, त्याच्या अगदी उलट चित्र काही वर्षांपूर्वी होतं. त्या बाबतीतला हरमनप्रीतचा अनुभव बोलका आहे.
२०१०-११ मध्ये हरमनप्रीतला नोकरीची गरज होती. ती २००९ पासून भारतीय संघातून क्रिकेट खेळत होती. त्यामुळे क्रीडापटूंसाठी राखीव असलेल्या कोट्यातून पंजाब पोलीसमध्ये नोकरी मिळते का बघावं, असा विचार कुटुंबीयांनी केला होता. त्यानुसार, यादविंदरसिंग सोधी यांनी पंजाब पोलिसांशी संपर्क साधला. त्यावर, महिला क्रिकेटपटूंना नोकरी देण्याची तरतूद नसल्याचं त्यांनी सांगितलं. त्यानंतर, एका अधिकाऱ्याला विनंती केली, तर त्याने अपमानच केला. 'ती हरभजनसिंग थोडीच आहे, तिला डीएसपी बनवायला', असं विचारत त्यानं उडवून लावलं. हरमनला नोकरी देण्याचं काम अकाली दल किंवा काँग्रेस सरकार नक्कीच करू शकत होतं, पण त्यांनी सहकार्यच केलं नाही, अशी दुःखद कहाणी सोधी यांनी सांगितली.
सचिनच्या शिफारशीने नोकरी
पंजाब सरकारकडून झालेल्या उपेक्षेनंतर, मास्टर ब्लास्टर सचिन तेंडुलकर हरमनप्रीतसाठी अक्षरशः देवासारखा धावून आला होता. सुप्रीम कोर्टाने नेमलेल्या प्रशासन समितीच्या सदस्य डायना एडुलजी यांनी हरमनप्रीतच्या नोकरीचा विषय सचिनपुढे ठेवला होता. त्यानंतर, राज्यसभा खासदार या नात्यानं त्यानं हरमनप्रीतची शिफारस रेल्वेमंत्र्यांकडे केली होती आणि तिला पश्चिम रेल्वेमध्ये नोकरी मिळाली होती. गेली चार वर्षं ती पश्चिम रेल्वेची कर्मचारी आहे. झालं गेलं विसरून तिनं स्वतःला जगापुढे सिद्ध करून दाखवलंय.
हरमनप्रीत कौर... या नावाचा आज पंजाबसह देशभरात जयजयकार सुरू आहे. महिला वर्ल्ड कप स्पर्धेत ऑस्ट्रेलियाविरुद्धच्या सामन्यात तिनं गाजवलेल्या पराक्रमाबद्दल तिच्यावर पुरस्कारांचा पाऊस पडतोय. या 'पंजाब दी कुडी'ला कुठे ठेवू आणि कुठे नको असं पंजाब सरकारला झालंय. पण सहा वर्षांपूर्वी याच सरकारच्या पोलीस खात्यानं हरमनप्रीतला अपमानित करून तिला नोकरी नाकारली होती, अशी दुर्दैवी माहिती समोर आली आहे.
'तू काय हरभजनसिंग आहेस का तुला डीएसपी करायला', असा प्रश्न करत पंजाब पोलिसांतील एका वरिष्ठ अधिकाऱ्यानं तिला झिडकारलं होतं. त्यावेळी मुख्यमंत्र्यांपासून सगळ्यांची दारं तिनं ठोठावली होती, पण कुणीच तिच्या मदतीला आलं नव्हतं, अशी आठवण हरमनप्रीतचे प्रशिक्षक यादविंदरसिंह सोधी यांनी 'टाइम्स'ला सांगितली. त्यातून महिला क्रिकेटकडे पाहण्याचा उदासीन दृष्टिकोन सहज दिसून येतो.
महिला वर्ल्ड कप स्पर्धेत ऑस्ट्रेलियाविरुद्धच्या उपांत्य सामन्यात हरमनप्रीतनं १७१ धावांची स्फोटक खेळी केली होती. तिनं रचलेल्या या भक्कम पायावरच टीम इंडियानं विजयाचा कळस चढवला होता आणि अंतिम फेरीत धडक मारली होती. या कामगिरीबद्दल मिताली राजच्या नेतृत्वाखालील टीम इंडियावर कौतुकाचा वर्षाव होतोय. बीसीसीआयनं प्रत्येकी ५० लाख रुपयांच्या बक्षिसाची घोषणाही केलीय. आजच्या अंतिम सामन्यानंतर तर हा ओघ वाढतच जाणार आहे.
मात्र, या सगळ्या जणींना आज जी 'रॉयल ट्रिटमेंट' मिळतेय, त्याच्या अगदी उलट चित्र काही वर्षांपूर्वी होतं. त्या बाबतीतला हरमनप्रीतचा अनुभव बोलका आहे.
२०१०-११ मध्ये हरमनप्रीतला नोकरीची गरज होती. ती २००९ पासून भारतीय संघातून क्रिकेट खेळत होती. त्यामुळे क्रीडापटूंसाठी राखीव असलेल्या कोट्यातून पंजाब पोलीसमध्ये नोकरी मिळते का बघावं, असा विचार कुटुंबीयांनी केला होता. त्यानुसार, यादविंदरसिंग सोधी यांनी पंजाब पोलिसांशी संपर्क साधला. त्यावर, महिला क्रिकेटपटूंना नोकरी देण्याची तरतूद नसल्याचं त्यांनी सांगितलं. त्यानंतर, एका अधिकाऱ्याला विनंती केली, तर त्याने अपमानच केला. 'ती हरभजनसिंग थोडीच आहे, तिला डीएसपी बनवायला', असं विचारत त्यानं उडवून लावलं. हरमनला नोकरी देण्याचं काम अकाली दल किंवा काँग्रेस सरकार नक्कीच करू शकत होतं, पण त्यांनी सहकार्यच केलं नाही, अशी दुःखद कहाणी सोधी यांनी सांगितली.
सचिनच्या शिफारशीने नोकरी
पंजाब सरकारकडून झालेल्या उपेक्षेनंतर, मास्टर ब्लास्टर सचिन तेंडुलकर हरमनप्रीतसाठी अक्षरशः देवासारखा धावून आला होता. सुप्रीम कोर्टाने नेमलेल्या प्रशासन समितीच्या सदस्य डायना एडुलजी यांनी हरमनप्रीतच्या नोकरीचा विषय सचिनपुढे ठेवला होता. त्यानंतर, राज्यसभा खासदार या नात्यानं त्यानं हरमनप्रीतची शिफारस रेल्वेमंत्र्यांकडे केली होती आणि तिला पश्चिम रेल्वेमध्ये नोकरी मिळाली होती. गेली चार वर्षं ती पश्चिम रेल्वेची कर्मचारी आहे. झालं गेलं विसरून तिनं स्वतःला जगापुढे सिद्ध करून दाखवलंय.