दुसऱ्या देशाकडून खेळणार : श्रीशांत

नवी दिल्ली : मॅचफिक्सिंग प्रकरणात बीसीसीआयने घातलेली बंदी केरळ उच्च न्यायालयाने वैध ठरवल्यानंतर भारताचा माजी वेगवान गोलंदाज एस. श्रीशांतने अन्य देशाकडून खेळण्याचे संकेत दिले आहेत.

‘माझ्यावर बीसीसीआयने भारतात खेळण्यास बंदी घातली आहे. आयसीसीने नव्हे. मी आता ३४ वर्षांचा आहे आणि आणखी सहा वर्षे सहजपणे क्रिकेट खेळू शकतो. बीसीसीआय ही एक खासगी संस्था आहे. त्यामुळे तिच्या नावाने खेळणारा संघ भारताचा संघ होऊ शकत नाही. हाच नियम अन्य देशातील क्रिकेट संघटनांनाही लागू होतो. त्यामुळे मी तिथून खेळण्याबाबत विचार करू शकतो,’ असे श्रीशांत एका वृत्तसंस्थेला दिलेल्या मुलाखतीत म्हणाला.