वृत्तसंस्था, दुबई
भारताचा मधल्या फळीतील खेळाडू अंबटी रायुडू याला आंतरराष्ट्रीय क्रिकेटमध्ये गोलंदाजी करण्यास आंतरराष्ट्रीय क्रिकेट परिषदेने (आयसीसी) बंदी घातली आहे. त्याच्या गोलंदाजीच्या शैलीवर ऑस्ट्रेलिया दौऱ्यादरम्यान पंचांनी आक्षेप घेतला होता. त्यानंतर त्याच्या या शैलीची तपासणी १४ दिवसांत करण्यास सांगण्यात आले होते. पण त्याने तशी तपासणी न केल्यामुळे त्याच्यावर ही बंदी घालण्यात आली आहे.
ऑस्ट्रेलिया दौऱ्यात पहिल्या वनडे दरम्यान रायुडूच्या गोलंदाजीच्या शैलीवर पंचांनी आक्षेप घेतला होता.
आयसीसीच्या पत्रकात म्हटले आहे की, रायुडूच्या शैलीवर आक्षेप घेण्यात आल्यानंतर पुढील १४ दिवसांत त्याने गोलंदाजीची शैली तपासून घेणे अपेक्षित होते पण त्याने तसे न केल्याने त्याच्यावर तात्काळ बंदीची कारवाई करण्यात आली आहे. आयसीसीच्या नियमावलीनुसार ४.२ कलमानुसार ही कारवाई करण्यात आली आहे. जोपर्यंत त्याच्या गोलंदाजीची तपासणी होत नाही, तोपर्यंत ही बंदी सुरू राहील. योग्य गोलंदाजी असल्याचे त्याने सिद्ध केल्यानंतरच ही बंदी उठविण्यात येईल.
आंतरराष्ट्रीय क्रिकेटमध्ये गोलंदाजी करण्यास त्याला मनाई करण्यात आली असली तरी आयसीसीच्या नियमावलीतील ११.५ नियमाप्रमाणे तो स्थानिक क्रिकेटमध्ये गोलंदाजी करू शकतो. अर्थात, आंतरराष्ट्रीय स्तरावर त्याने फार गोलंदाजी केलेली नाही. ४९ वनडे सामन्यांत त्याने आतापर्यंत १२१ चेंडू टाकले आहेत. त्यात त्याला केवळ ३ बळी मिळालेत. शिवाय, टी-२० क्रिकेटमध्ये त्याने एकदाही गोलंदाजी केलेली नाही. त्यामुळे त्याच्यावर या बंदीचा फारसा परिणाम होण्याची शक्यता नाही.
भारताचा मधल्या फळीतील खेळाडू अंबटी रायुडू याला आंतरराष्ट्रीय क्रिकेटमध्ये गोलंदाजी करण्यास आंतरराष्ट्रीय क्रिकेट परिषदेने (आयसीसी) बंदी घातली आहे. त्याच्या गोलंदाजीच्या शैलीवर ऑस्ट्रेलिया दौऱ्यादरम्यान पंचांनी आक्षेप घेतला होता. त्यानंतर त्याच्या या शैलीची तपासणी १४ दिवसांत करण्यास सांगण्यात आले होते. पण त्याने तशी तपासणी न केल्यामुळे त्याच्यावर ही बंदी घालण्यात आली आहे.
ऑस्ट्रेलिया दौऱ्यात पहिल्या वनडे दरम्यान रायुडूच्या गोलंदाजीच्या शैलीवर पंचांनी आक्षेप घेतला होता.
आयसीसीच्या पत्रकात म्हटले आहे की, रायुडूच्या शैलीवर आक्षेप घेण्यात आल्यानंतर पुढील १४ दिवसांत त्याने गोलंदाजीची शैली तपासून घेणे अपेक्षित होते पण त्याने तसे न केल्याने त्याच्यावर तात्काळ बंदीची कारवाई करण्यात आली आहे. आयसीसीच्या नियमावलीनुसार ४.२ कलमानुसार ही कारवाई करण्यात आली आहे. जोपर्यंत त्याच्या गोलंदाजीची तपासणी होत नाही, तोपर्यंत ही बंदी सुरू राहील. योग्य गोलंदाजी असल्याचे त्याने सिद्ध केल्यानंतरच ही बंदी उठविण्यात येईल.
आंतरराष्ट्रीय क्रिकेटमध्ये गोलंदाजी करण्यास त्याला मनाई करण्यात आली असली तरी आयसीसीच्या नियमावलीतील ११.५ नियमाप्रमाणे तो स्थानिक क्रिकेटमध्ये गोलंदाजी करू शकतो. अर्थात, आंतरराष्ट्रीय स्तरावर त्याने फार गोलंदाजी केलेली नाही. ४९ वनडे सामन्यांत त्याने आतापर्यंत १२१ चेंडू टाकले आहेत. त्यात त्याला केवळ ३ बळी मिळालेत. शिवाय, टी-२० क्रिकेटमध्ये त्याने एकदाही गोलंदाजी केलेली नाही. त्यामुळे त्याच्यावर या बंदीचा फारसा परिणाम होण्याची शक्यता नाही.