नॉटिंगहॅम
पाकिस्तानने यजमान इंग्लंडवर १४ धावांनी विजय प्राप्त केला आहे. पाकिस्तानने इंग्लंडला ३४९ धावांचं आव्हान दिलं होतं. प्रत्युत्तरादाखल इंग्लंडला ५० षटकांच्या अखेरीस ९ बाद ३३४ धावा करता आल्या.
वेस्ट इंडिजविरुद्ध लाजीरवाणा पराभव स्विकारावा लागल्यानंतर पाकिस्तानने आज पुनरागमन केलं. सांघिक कामगिरीच्या जोरावर पाकिस्तानने इंग्लंडसमोर ३४८ धावांचा डोंगर उभारला होता. इंग्लंडची सुरुवात संथ झाली. जेसन रॉय(८), जॉनी बेअरस्ट्रो(३२) स्वस्तात बाद झाले. सलामी जोडी तंबूत परतल्यानंतर जो रुटने खेळपट्टीवर टिच्चून फलंदाजी करत संघाच्या धावसंख्येला आकार दिला. जो रुटनं १०४ चेंडूत १०७ धावा केल्या. तर जोस बटलरनंही(१०३) शतक ठोकलं. बटलर बाद झाल्यानंतर इंग्लंडचा डाव गडगडला. अखेरच्या षटकात ख्रिस वोक्सने(२१) विजयाच्या आशा पल्लवित केल्या. पण वहाब रियाजनं वोक्स बाद करत संघाला सामन्यात पुनरागमन करून दिलं. वहाब रियाझनं तीन विकेट घेतल्या. शादाब खान आणि मोहम्मद आमीरने प्रत्येकी दोन गडी बाद केले.
पाकिस्तान विरुद्ध इंग्लंड स्कोअरकार्ड
तत्पूर्वी, पाकिस्तानकडून मोहम्मद हाफीजने सर्वाधिक ८४ धावांची खेळी केली. बाबर आझमने ६३ धावा केल्या. सरफराज अहमदनेही अर्धशतकी योगदान दिलं. तर सलामीवर इमाम-उल-हक(४४) आणि फखर जमा(३६) यांनी ८२ धावांची भागीदारी रचून पायाभरणी केली. उत्तम सांघिक कामगिरीच्या जोरावर पाकिस्तानने ३०० चा आकडा ओलांडला. इंग्लंडकडून ख्रिस वोक्स आणि मोइन अली यांनी प्रत्येकी तीन विकेट घेतल्या. तर मार्क वूडने दोन फलंदाजांना बाद केलं. जोफ्रा आर्चर सर्वात महागडा गोलंदाज ठरला. आर्चरच्या १० षटकांत पाकच्या फलंदाजांनी ७९ धावा वसुल केल्या.
पाकिस्तानने यजमान इंग्लंडवर १४ धावांनी विजय प्राप्त केला आहे. पाकिस्तानने इंग्लंडला ३४९ धावांचं आव्हान दिलं होतं. प्रत्युत्तरादाखल इंग्लंडला ५० षटकांच्या अखेरीस ९ बाद ३३४ धावा करता आल्या.
वेस्ट इंडिजविरुद्ध लाजीरवाणा पराभव स्विकारावा लागल्यानंतर पाकिस्तानने आज पुनरागमन केलं. सांघिक कामगिरीच्या जोरावर पाकिस्तानने इंग्लंडसमोर ३४८ धावांचा डोंगर उभारला होता. इंग्लंडची सुरुवात संथ झाली. जेसन रॉय(८), जॉनी बेअरस्ट्रो(३२) स्वस्तात बाद झाले. सलामी जोडी तंबूत परतल्यानंतर जो रुटने खेळपट्टीवर टिच्चून फलंदाजी करत संघाच्या धावसंख्येला आकार दिला. जो रुटनं १०४ चेंडूत १०७ धावा केल्या. तर जोस बटलरनंही(१०३) शतक ठोकलं. बटलर बाद झाल्यानंतर इंग्लंडचा डाव गडगडला. अखेरच्या षटकात ख्रिस वोक्सने(२१) विजयाच्या आशा पल्लवित केल्या. पण वहाब रियाजनं वोक्स बाद करत संघाला सामन्यात पुनरागमन करून दिलं. वहाब रियाझनं तीन विकेट घेतल्या. शादाब खान आणि मोहम्मद आमीरने प्रत्येकी दोन गडी बाद केले.
पाकिस्तान विरुद्ध इंग्लंड स्कोअरकार्ड
तत्पूर्वी, पाकिस्तानकडून मोहम्मद हाफीजने सर्वाधिक ८४ धावांची खेळी केली. बाबर आझमने ६३ धावा केल्या. सरफराज अहमदनेही अर्धशतकी योगदान दिलं. तर सलामीवर इमाम-उल-हक(४४) आणि फखर जमा(३६) यांनी ८२ धावांची भागीदारी रचून पायाभरणी केली. उत्तम सांघिक कामगिरीच्या जोरावर पाकिस्तानने ३०० चा आकडा ओलांडला. इंग्लंडकडून ख्रिस वोक्स आणि मोइन अली यांनी प्रत्येकी तीन विकेट घेतल्या. तर मार्क वूडने दोन फलंदाजांना बाद केलं. जोफ्रा आर्चर सर्वात महागडा गोलंदाज ठरला. आर्चरच्या १० षटकांत पाकच्या फलंदाजांनी ७९ धावा वसुल केल्या.