नवी दिल्ली
भारतीय संघाचा कर्णधार विराट कोहली याचे केवळ भारतात नव्हे, तर पाकिस्तानासह संपूर्ण जगभरात चाहते आहेत, असा स्तुतीसुमनांचा वर्षाव पाकिस्तानचे माजी फलंदाज युनिस खान यांनी केला आहे.
'विराट कोहलीचे पाकिस्तानात लाखो चाहते आहेत. सध्याच्या घडीला अनेक पाकिस्तानी खेळाडूंची विराट कोहलीसारखं उत्तम क्रिकेटपटू होण्याची इच्छा आहे. त्याच्यासारखं फिट राहण्यासाठी पाक खेळाडू प्रयत्न करतात.भारतीय संघासाठी वर्ल्डकपमध्ये कोहली खूप मोठी भूमिका पार पाडू शकतो', असं युनिस खान एका टेलिव्हिजन शोमध्ये म्हणाले. आशिया चषकात कोहली नसल्यानेच स्टेडियम पूर्णपणे भरले नव्हते, असा दावा देखील युनिस खान यांनी केला.
विराट कोहली २०१५ च्या वर्ल्डकप स्पर्धेनंतर जबरदस्त फॉर्मात आहे. वनडे क्रिकेटमध्ये सर्वाधिक शतकं ठोकणाऱ्या फलंदाजांच्या यादीत कोहली दुसऱ्या स्थानावर आहे. कोहलीने गेल्या काही वर्षात आपल्या फिटनेसवर प्रचंड मेहनत घेतली आहे.
वेस्ट इंडिजचे दिग्गज फलंदाज विवियन रिचर्ड्स यांनी कोहलीच्या आक्रमक वृत्तीचं कौतुक केलं. 'कोहलीचा स्वभाव अहंकारी असल्याचा अनेकांना गैरसमज आहे. मी त्याला जवळून पाहिलंय. माझ्या दृष्टीने कोहलीची आक्रमकता हा त्याचा स्वत:चा विश्वास दर्शवतो, असं रिचर्ड्स म्हणाले.
भारतीय संघाचा कर्णधार विराट कोहली याचे केवळ भारतात नव्हे, तर पाकिस्तानासह संपूर्ण जगभरात चाहते आहेत, असा स्तुतीसुमनांचा वर्षाव पाकिस्तानचे माजी फलंदाज युनिस खान यांनी केला आहे.
'विराट कोहलीचे पाकिस्तानात लाखो चाहते आहेत. सध्याच्या घडीला अनेक पाकिस्तानी खेळाडूंची विराट कोहलीसारखं उत्तम क्रिकेटपटू होण्याची इच्छा आहे. त्याच्यासारखं फिट राहण्यासाठी पाक खेळाडू प्रयत्न करतात.भारतीय संघासाठी वर्ल्डकपमध्ये कोहली खूप मोठी भूमिका पार पाडू शकतो', असं युनिस खान एका टेलिव्हिजन शोमध्ये म्हणाले. आशिया चषकात कोहली नसल्यानेच स्टेडियम पूर्णपणे भरले नव्हते, असा दावा देखील युनिस खान यांनी केला.
विराट कोहली २०१५ च्या वर्ल्डकप स्पर्धेनंतर जबरदस्त फॉर्मात आहे. वनडे क्रिकेटमध्ये सर्वाधिक शतकं ठोकणाऱ्या फलंदाजांच्या यादीत कोहली दुसऱ्या स्थानावर आहे. कोहलीने गेल्या काही वर्षात आपल्या फिटनेसवर प्रचंड मेहनत घेतली आहे.
वेस्ट इंडिजचे दिग्गज फलंदाज विवियन रिचर्ड्स यांनी कोहलीच्या आक्रमक वृत्तीचं कौतुक केलं. 'कोहलीचा स्वभाव अहंकारी असल्याचा अनेकांना गैरसमज आहे. मी त्याला जवळून पाहिलंय. माझ्या दृष्टीने कोहलीची आक्रमकता हा त्याचा स्वत:चा विश्वास दर्शवतो, असं रिचर्ड्स म्हणाले.