लंडनः यंदाच्या विश्वचषक विजेत्या संघाला तब्बल ४० लाख डॉलर रकमेचे बक्षीस देण्याचा निर्णय आंतरराष्ट्रीय क्रिकेट परिषदेकडून (आयसीसी) घेण्यात आला आहे. विश्वचषकाच्या इतिहासातील ही सर्वाधिक रक्कम असल्याचे सांगण्यात येत आहे. त्यामुळे विश्वचषक जिंकणारा संघ मालामाल होणार आहे. विश्वचषक विजेत्या संघाला ४० लाख डॉलरच्या रकमेसह विशेष चषक देण्यात येणार आहे. त्याचप्रमाणे उपविजेत्या संघाला २० लाख डॉलरचे बक्षीस देण्यात येणार आहेत. या स्पर्धेतील एकूण बक्षिसांचा खर्च सुमारे १ कोटी डॉलरपर्यंत जाणार असल्याचे सांगण्यात येत आहे.
३० मे पासून सुरू होणारी स्पर्धा ११ ठिकाणी खेळवण्यात येणार आहे. या स्पर्धेत १० संघ आमनेसामने असणार आहेत. साखळी सामने जिंकणाऱ्या संघालाही बक्षीसे देण्यात येणार आहेत. उपविजेत्या संघासह उपांत्य सामन्यात पराभव होणाऱ्या संघाला ८ लाख डॉलर, प्रत्येक साखळी सामन्यातील विजेत्या संघाला ४० हजार डॉलर, तसेच साखळी सामन्यातून पुढील फेरीत जाणाऱ्या संघाला एक लाख डॉलरची रक्कम बक्षीस म्हणून देण्यात येणार आहे.
कर्णधार विराट कोहलीच्या नेतृत्वाखाली १५ सदस्यीय खेळाडूंचा भारतीय संघ विश्वचषकासाठी जाणार असून, ५ जून रोजी भारताचा पहिला सामना दक्षिण आफ्रिकेविरुद्ध होणार आहे. भारतीय संघाला यंदा विजेतेपदाचा प्रबळ दावेदार मानले जात आहे. त्यामुळे यंदा कोणता संघ आयसीसीकडून देण्यात येणारे बक्षीस पटकावतो, हे पाहणे औत्सुक्याचे ठरणार आहे.
३० मे पासून सुरू होणारी स्पर्धा ११ ठिकाणी खेळवण्यात येणार आहे. या स्पर्धेत १० संघ आमनेसामने असणार आहेत. साखळी सामने जिंकणाऱ्या संघालाही बक्षीसे देण्यात येणार आहेत. उपविजेत्या संघासह उपांत्य सामन्यात पराभव होणाऱ्या संघाला ८ लाख डॉलर, प्रत्येक साखळी सामन्यातील विजेत्या संघाला ४० हजार डॉलर, तसेच साखळी सामन्यातून पुढील फेरीत जाणाऱ्या संघाला एक लाख डॉलरची रक्कम बक्षीस म्हणून देण्यात येणार आहे.
कर्णधार विराट कोहलीच्या नेतृत्वाखाली १५ सदस्यीय खेळाडूंचा भारतीय संघ विश्वचषकासाठी जाणार असून, ५ जून रोजी भारताचा पहिला सामना दक्षिण आफ्रिकेविरुद्ध होणार आहे. भारतीय संघाला यंदा विजेतेपदाचा प्रबळ दावेदार मानले जात आहे. त्यामुळे यंदा कोणता संघ आयसीसीकडून देण्यात येणारे बक्षीस पटकावतो, हे पाहणे औत्सुक्याचे ठरणार आहे.