लॉडरहिल: अमेरिकेतील फ्लोरिडा येथे खेळवण्यात आलेल्या वेस्ट इंडिज दौऱ्याच्या पहिल्याच टी-२० सामन्यात भारताने ४ गडी राखून विजय मिळवला. वेस्ट इंडिजने दिलेले ९६ धावांचे माफक आव्हान पेलताना भारताला ६ गडी गमवावे लागले. या विजयासह भारताने मालिकेत १-० ने आघाडी घेतली आहे.
वेस्ट इंडिजने दिलेल्या ९६ धावांच्या आव्हानाचा पाठलाग करताना भारताची सुरुवातही खराब झाली. सलामीवीर शिखर धवन एका धावेवर पायचीत झाला. यानंतर रोहित शर्मा आणि कर्णधार विराट कोहलीने संयमी फलंदाजी करत धावफलक हलता ठेवला. मात्र, सुनिल नरिनने रोहित शर्माला माघारी धाडले. ऋषभ पंतकडून भारतीय संघाला अपेक्षा होत्या. परंतु, सुनील नरिनच्या चेंडूवर भोपळा न फोडताही तो तंबूत परतला. यामुळे भारतीय संघाची पिछेहाट झाली. मनीष पांडेने १९ धावांची खेळी करत विराट कोहलीसोबत छोटी भागीदारी रचली. पण, किमो पॉलच्या चेंडूवर मनीष पांडे त्रिफळाचित झाला. यानंतर काही अंतराने कर्णधार विराट कोहलीही बाद झाला. निम्मा संघ माघारी परतल्यामुळे भारतीय संघ संकटात सापडल्याची स्थिती निर्माण झाली होती. कृणाल पंड्या आणि रविंद्र जाडेजाने फटकेबाजी करत संघाला विजयाच्या उंबरठ्यावर आणून ठेवले. विजयासाठी अवघ्या ७ धावा हव्या असताना कृणाल पंड्या किमो पॉलच्या गोलंदाजीवर त्रिफळाचीत झाला. यानंतर मैदानात उतरलेल्या वॉशिंग्टन सुंदरने षटकार खेचत संघाला विजय मिळवून दिला. वेस्ट इंडिजकडून शेल्टन कोट्रेल, किमो पॉल आणि सुनिल नरिन यांनी प्रत्येकी २-२ बळी टिपले.
भारत वि. वेस्ट इंडिज सामन्याचे स्कोअरकार्ड
तत्पूर्वी, भारतीय संघाचा कर्णधार विराट कोहलीने नाणेफेक जिंकत प्रथम गोलंदाजी करण्याचा निर्णय घेतला. भारतीय गोलंदाजांनी तो सार्थ ठरवला. फिरकीपटू वॉशिंग्टन सुंदरने पहिल्याच षटकात कँपबेलला शून्यावर बाद केले. यानंतर भुवनेश्वरने दुसरा सलामीवीर एविन लुईसला त्रिफळाचित केले. निकोलस पूरन आणि कायरन पोलार्ड यांनी फटकेबाजी करत संघाचा डाव सावरण्याचा प्रयत्न केला. मात्र, नवदीप सैनीने निकोलस पूरनला बाद करत भारताला पुन्हा सामन्यात आणले. यानंतर शिमरॉन हेटमायरला माघारी धाडत विंडीजचा निम्मा संघ गारद केला. यानंतर आलेला रोव्हमन पॉवेलही ६ धावांवर बाद झाला. कर्णधार कार्लोस ब्रेथवेट आणि पोलार्डने धावफलक हलता ठेवत विंडीजचा डाव सावरण्याचा प्रयत्न केला. मात्र, कर्णधार ब्रेथवेटला ९ धावांवर असताना कृणाल पंड्याने माघारी धाडले. सुनिल नरिनही स्वस्तात बाद झाला. कायरन पोलार्डने आपल्या अनुभवाचा फायदा घेत, तळातील फलंदाजांसह संघाला ९५ धावांचा टप्पा गाठून दिला. पोलार्डने ४९ धावा काढल्या. भारताकडून नवदीप सैनीने ३, भुवनेश्वर कुमारने २, तर वॉशिंग्टन सुंदर, खलिल अहमद, कृणाल पांड्या आणि रविंद्र जाडेजाने प्रत्येकी १ बळी टिपला.
वेस्ट इंडिजने दिलेल्या ९६ धावांच्या आव्हानाचा पाठलाग करताना भारताची सुरुवातही खराब झाली. सलामीवीर शिखर धवन एका धावेवर पायचीत झाला. यानंतर रोहित शर्मा आणि कर्णधार विराट कोहलीने संयमी फलंदाजी करत धावफलक हलता ठेवला. मात्र, सुनिल नरिनने रोहित शर्माला माघारी धाडले. ऋषभ पंतकडून भारतीय संघाला अपेक्षा होत्या. परंतु, सुनील नरिनच्या चेंडूवर भोपळा न फोडताही तो तंबूत परतला. यामुळे भारतीय संघाची पिछेहाट झाली. मनीष पांडेने १९ धावांची खेळी करत विराट कोहलीसोबत छोटी भागीदारी रचली. पण, किमो पॉलच्या चेंडूवर मनीष पांडे त्रिफळाचित झाला. यानंतर काही अंतराने कर्णधार विराट कोहलीही बाद झाला. निम्मा संघ माघारी परतल्यामुळे भारतीय संघ संकटात सापडल्याची स्थिती निर्माण झाली होती. कृणाल पंड्या आणि रविंद्र जाडेजाने फटकेबाजी करत संघाला विजयाच्या उंबरठ्यावर आणून ठेवले. विजयासाठी अवघ्या ७ धावा हव्या असताना कृणाल पंड्या किमो पॉलच्या गोलंदाजीवर त्रिफळाचीत झाला. यानंतर मैदानात उतरलेल्या वॉशिंग्टन सुंदरने षटकार खेचत संघाला विजय मिळवून दिला. वेस्ट इंडिजकडून शेल्टन कोट्रेल, किमो पॉल आणि सुनिल नरिन यांनी प्रत्येकी २-२ बळी टिपले.
भारत वि. वेस्ट इंडिज सामन्याचे स्कोअरकार्ड
तत्पूर्वी, भारतीय संघाचा कर्णधार विराट कोहलीने नाणेफेक जिंकत प्रथम गोलंदाजी करण्याचा निर्णय घेतला. भारतीय गोलंदाजांनी तो सार्थ ठरवला. फिरकीपटू वॉशिंग्टन सुंदरने पहिल्याच षटकात कँपबेलला शून्यावर बाद केले. यानंतर भुवनेश्वरने दुसरा सलामीवीर एविन लुईसला त्रिफळाचित केले. निकोलस पूरन आणि कायरन पोलार्ड यांनी फटकेबाजी करत संघाचा डाव सावरण्याचा प्रयत्न केला. मात्र, नवदीप सैनीने निकोलस पूरनला बाद करत भारताला पुन्हा सामन्यात आणले. यानंतर शिमरॉन हेटमायरला माघारी धाडत विंडीजचा निम्मा संघ गारद केला. यानंतर आलेला रोव्हमन पॉवेलही ६ धावांवर बाद झाला. कर्णधार कार्लोस ब्रेथवेट आणि पोलार्डने धावफलक हलता ठेवत विंडीजचा डाव सावरण्याचा प्रयत्न केला. मात्र, कर्णधार ब्रेथवेटला ९ धावांवर असताना कृणाल पंड्याने माघारी धाडले. सुनिल नरिनही स्वस्तात बाद झाला. कायरन पोलार्डने आपल्या अनुभवाचा फायदा घेत, तळातील फलंदाजांसह संघाला ९५ धावांचा टप्पा गाठून दिला. पोलार्डने ४९ धावा काढल्या. भारताकडून नवदीप सैनीने ३, भुवनेश्वर कुमारने २, तर वॉशिंग्टन सुंदर, खलिल अहमद, कृणाल पांड्या आणि रविंद्र जाडेजाने प्रत्येकी १ बळी टिपला.