दुबई
टीम इंडियाचा कर्णधार विराट कोहली याने आयसीसी वनडे रँकिंगमधील आपले अव्वल स्थान कायम राखत कारकीर्दीतील सर्वश्रेष्ठ ९११ अंकांची कमाई केली आहेय याबरोबरच कुलदीप यादवनं सहाव्या स्थानासह गोलंदाजांच्या यादीत १० गोलंदाजांमध्ये स्थान पटकावले आहे.
कोहलीचे अव्वल स्थान कायम
भारताला मंगळवारी रात्री तीन सामन्यांच्या वनडे मालिकेत १-२ने पराभव पत्करावा लागला. कोहलीने मालिकेत ७५, ४५ आणि ७१ धावांची खेळी खेळत दोन अंक मिळवले. मात्र हे दोन अंक त्याला ९११ अंकांपर्यंत पोहोचवण्यासाठी पुरेसे ठरले. याबरोबर कोहलीने ९१८ अंकांसह १९९१ पासून अव्वल स्थानी असलेला ऑस्ट्रेलियाचा फलंदाज डीन जॉन्स याला मागे सारले आहे.
कुलदीप पहिल्यांदाच टॉप १०मध्ये
कुलदीपनं आपल्या कारकीर्दित पहिल्यांदाच पहिल्या १० गोलंदाजांमध्ये स्थान मिळवलं आहे. डावखुरा फिरकी गोलंदाज असलेला कुलदीप याने मालिकेत ९ बळी घेतले. यात त्याने ट्रँटबीजमधील पहिल्या सामन्यात २५ धावा देत ६ बळी मिळवले आहेत. पहिल्या १० गोलंदाजांमध्ये स्थान मिळवणारा कुलदीप तिसरा भारतीय गोलंदाज आणि पाचवा फिरकी गोलंदाज ठरला आहे. भारताचा बुमराह अव्वल स्थानी असून लेग स्पीनर युजवेंद्र चहल १०व्या क्रमांकावर आहे. १० गोलंदाजांमध्ये इतर फिरकी गोलंदाज राशिद खान (दुसरा), इम्रान ताहिर (सातवा) आणि आदिल राशिद (आठवा) यांचा समावेश आहे.
रूटला फायदा
लागोपाठ दोन शतकं ठोकणारा इग्लंडचा फलंदाज जो रूट फलंदाजीच्या रँकिंगमध्ये दुसऱ्या स्थानी पोहोचला आहे. रूटने पाकिस्तानच्या बाबर आझम, भारताचा रोहित शर्मा, ऑस्ट्रेलियाचा डेव्हिड वॉर्नर आणि न्यूझीलंडचा रॉस टेलर यांना मागे सारत आपल्या कारकीर्दीतील सर्वश्रेष्ठ दुसरे स्थान प्राप्त केले आहे. रूटने ३, नाबाद ११३ आणि नाबाद १०० धावांच्या खेळी खेळत ३४ अंक मिळवले. रूट कोहलीपेक्षा ९३ अंकांनी मागे आहे.
इंग्लिश खेळाडूंना फायदा
इंग्लंडचा जेसन रॉय एका स्थानाचा फायदा घेत १९व्या, तर कर्णधार इयॉन मॉर्गन दोन स्थानांचा फायदा घेत २२व्या स्थानी विराजमान झाले आहेत. इंग्लंडचा जलदगती गोलंदाज लियाम प्लँकेट एका स्थानाचा फायदा घेत २०व्या, मार्क वुड दोन स्थानांचा फायदा घेत कारकीर्दीतील सर्वश्रेष्ठ २६व्या आणि डेव्हिड विली ११ स्थानांचा फायदा घेत ३१व्या स्थानी आहेत.
शाकिब टॉप ऑलराउंडर
पहिल्या ५ ऑलराउंडर्सच्या यादीत कोणताही बदल झालेला नाही. यात बांगलादेशचा शाकिब-अल-हसन अव्वल स्थानी आहे. टीम रँकिंगमध्ये इग्लंड एका अंकाचा फायदा घेत १२७ अंकांसह अव्वल स्थानी आहे. भारत एक अंक गमावत १२१ अंकांसह दुसऱ्या स्थानावर आहे.
टीम इंडियाचा कर्णधार विराट कोहली याने आयसीसी वनडे रँकिंगमधील आपले अव्वल स्थान कायम राखत कारकीर्दीतील सर्वश्रेष्ठ ९११ अंकांची कमाई केली आहेय याबरोबरच कुलदीप यादवनं सहाव्या स्थानासह गोलंदाजांच्या यादीत १० गोलंदाजांमध्ये स्थान पटकावले आहे.
कोहलीचे अव्वल स्थान कायम
भारताला मंगळवारी रात्री तीन सामन्यांच्या वनडे मालिकेत १-२ने पराभव पत्करावा लागला. कोहलीने मालिकेत ७५, ४५ आणि ७१ धावांची खेळी खेळत दोन अंक मिळवले. मात्र हे दोन अंक त्याला ९११ अंकांपर्यंत पोहोचवण्यासाठी पुरेसे ठरले. याबरोबर कोहलीने ९१८ अंकांसह १९९१ पासून अव्वल स्थानी असलेला ऑस्ट्रेलियाचा फलंदाज डीन जॉन्स याला मागे सारले आहे.
कुलदीप पहिल्यांदाच टॉप १०मध्ये
कुलदीपनं आपल्या कारकीर्दित पहिल्यांदाच पहिल्या १० गोलंदाजांमध्ये स्थान मिळवलं आहे. डावखुरा फिरकी गोलंदाज असलेला कुलदीप याने मालिकेत ९ बळी घेतले. यात त्याने ट्रँटबीजमधील पहिल्या सामन्यात २५ धावा देत ६ बळी मिळवले आहेत. पहिल्या १० गोलंदाजांमध्ये स्थान मिळवणारा कुलदीप तिसरा भारतीय गोलंदाज आणि पाचवा फिरकी गोलंदाज ठरला आहे. भारताचा बुमराह अव्वल स्थानी असून लेग स्पीनर युजवेंद्र चहल १०व्या क्रमांकावर आहे. १० गोलंदाजांमध्ये इतर फिरकी गोलंदाज राशिद खान (दुसरा), इम्रान ताहिर (सातवा) आणि आदिल राशिद (आठवा) यांचा समावेश आहे.
रूटला फायदा
लागोपाठ दोन शतकं ठोकणारा इग्लंडचा फलंदाज जो रूट फलंदाजीच्या रँकिंगमध्ये दुसऱ्या स्थानी पोहोचला आहे. रूटने पाकिस्तानच्या बाबर आझम, भारताचा रोहित शर्मा, ऑस्ट्रेलियाचा डेव्हिड वॉर्नर आणि न्यूझीलंडचा रॉस टेलर यांना मागे सारत आपल्या कारकीर्दीतील सर्वश्रेष्ठ दुसरे स्थान प्राप्त केले आहे. रूटने ३, नाबाद ११३ आणि नाबाद १०० धावांच्या खेळी खेळत ३४ अंक मिळवले. रूट कोहलीपेक्षा ९३ अंकांनी मागे आहे.
इंग्लिश खेळाडूंना फायदा
इंग्लंडचा जेसन रॉय एका स्थानाचा फायदा घेत १९व्या, तर कर्णधार इयॉन मॉर्गन दोन स्थानांचा फायदा घेत २२व्या स्थानी विराजमान झाले आहेत. इंग्लंडचा जलदगती गोलंदाज लियाम प्लँकेट एका स्थानाचा फायदा घेत २०व्या, मार्क वुड दोन स्थानांचा फायदा घेत कारकीर्दीतील सर्वश्रेष्ठ २६व्या आणि डेव्हिड विली ११ स्थानांचा फायदा घेत ३१व्या स्थानी आहेत.
शाकिब टॉप ऑलराउंडर
पहिल्या ५ ऑलराउंडर्सच्या यादीत कोणताही बदल झालेला नाही. यात बांगलादेशचा शाकिब-अल-हसन अव्वल स्थानी आहे. टीम रँकिंगमध्ये इग्लंड एका अंकाचा फायदा घेत १२७ अंकांसह अव्वल स्थानी आहे. भारत एक अंक गमावत १२१ अंकांसह दुसऱ्या स्थानावर आहे.