वृत्तसंस्था, धरमशाला
गोलंदाजांनी भक्कम पायाभरणीवर फलंदाजांनी कळस चढवल्याने भारताने रविवारी मालिकेतील पहिल्या वनडेत न्यूझीलंडवर ८५ धावांनी विजय मिळला. हार्दिक पंड्याने वनडे पदार्पण संम्मरणीय करत प्रभावी मारा केला, मार्टिन गप्टिल, कोरी अँडरसन, ल्युक राँची या बाद करणाऱ्या हा गोलंदाज सामनावीर ठरला.
टॉम लॅथम आणि टीम साउदी या सातव्या विकेटने केलेल्या ७१ धावांच्या भागीदारीमुळे न्यूझीलंडने भारतापुढे १९१ धावांचे लक्ष्य ठेवले होते. विराट कोहलीने नाबाद ८५ धावांची खेळी करून भारताचा विजय ३३.१ षटकांतच साकार केला.
हिमाचल प्रदेश क्रिकेट असोसिएशनच्या मैदानावर पार पडलेली ही झुंज एकतर्फीच झाली. नाणेफेक जिंकून कर्णधार धोनीने न्यूझीलंडला प्रथम फलंदाजीस आमंत्रित केले. त्याचा हा निर्णय गोलंदाजांनी योग्य ठरविला. उमेश यादव, हार्दिक पंड्या आणि केदार जाधवच्या प्रभावी माऱ्यामुळे न्यूझीलंडची अवस्था ७ बाद ६५ अशी झाली होती. टॉम लॅथमने एका बाजूने किल्ला लढवून तळाच्या फलंदाजांना साथीला घेत न्यूझीलंडला १९० धावांपर्यंत नेले. आव्हानाचा पाठलाग करताना भारताचे रोहित शर्मा, अजिंक्य रहाणे, मनीष पांडे आणि धोनी ठराविक अंतराने बाद झाले तरी विराट कोहलीने एका बाजूने किल्ला लढवून भारताला ३३.१ षटकांतच विजय मिळवून दिला. कोहलीने ८१ चेंडूंत ९ चौकार व १ षटकारसह नाबाद ८५ धावांची खेळी केली.
स्कोअरबोर्डः न्यूझीलंड ४३.५ षटकांत १९० (टॉम लॅथम नाबाद ७९, टीम साउदी ५५; उमेश यादव ८-०-३१-२, हार्दिक पंड्या ७-०-३१-३, केदार जाधव ३-०-६-२, अमित मिश्रा ८.५-०-४९-३) पराभूत वि. भारत ३३.१ षटकांत ४ बाद १९४ (अजिंक्य रहाणे ३३, विराट कोहली नाबाद ८५, महेंद्रसिंह धोनी २१). सामनावीरः हार्दिक पंड्या.
३२ विद्युतझोतात (डे-नाईट) पार पडलेल्या वनडेंमध्ये लक्ष्याचा पाठलाग करताना विराट कोहलीने ३२ अर्धशतके केली आहेत. कोहलीने ७० डावांत एवढी अर्धशतके साजरी केली आहे. त्याच्यापुढे आहे तो सचिन तेंडुलकर. त्याने आव्हानाचा पाठलगात करताना १०७ डावांत ३४ अर्धशतके झळकावली आहेत.
९ न्यूझीलंडचा सलामीवीर टॉम लॅथम रविवारी भारताविरुद्धच्या वनडेत नाबाद राहिला. संघ सर्वबाद होऊनही नाबाद राहिलेला लॅथम हा वनडेतील नववा सलामीवीर ठरला. असे नाबाद राहणाऱ्या फलंदाजाला क्रिकेटच्या शब्दकोशात ‘कॅरी दी बॅट’ म्हटले जाते. अशी कामगिरी करणारा लॅथम न्यूझीलंडचा पहिलाच फलंदाज ठरला आहे.
० टीम साऊदीआधी न्यूझीलंडच्या कोणत्याही फलंदाजाला दहाव्या किंवा अकराव्या क्रमांकावर अर्धशतक करता आले नव्हते. याआधी २००४मध्ये काइल मिल्सने ऑस्ट्रेलियाविरुद्ध केलेल्या नाबाद ४४ या न्यूझीलंड फलंदाजाने दहाव्या किंवा अकराव्या क्रमांकावर केलेल्या सर्वोच्च धावा होत्या.
४ भारतीय दौऱ्यावरील सात आंतरराष्ट्रीय डावांमध्ये चार अर्धशतके करण्याचा पराक्रम लॅथमने केला. त्याच्याखेरीज एकाही न्यूझीलंडच्या फलंदाजाला अद्याप एकपेक्षा जास्त अर्धशतकी खेळी करता आलेली नाही.
१९८७ न्यूझीलंडपूर्वी १९८७मध्ये एखाद्या परदेशी संघाने भारतात खेळताना भारताविरुद्ध कमी धावांत निम्मा संघ गमावला होता. १९८७मध्ये झिम्बाब्वेने भारताविरुद्ध ४७ धावांत ५ मोहरे गमावले होते.
४ रॉस टेलरला गेल्या आठ आंतरराष्ट्रीय डावांमध्ये चारवेळा भोपळा फोडता आलेला नाही. रविवारी तेच झाले. भारतीय दौऱ्यावर शुन्यावर बाद होण्याची त्याची ही तिसरी खेप.
२००३ याआधी २००३मध्ये भारताने घरच्या मैदानावर न्यूझीलंडविरुद्ध वनडे गमावली होती. त्या कटक वनडेनंतर भारताने मायदेशात न्यूझीलंडविरुद्ध सलग सहा वनडे जिंकल्या आहेत.
पहिल्या दहा षटकांमध्ये भारतीय संघाने अफलातून मारा केला, त्यात आम्ही काही विकेट्स स्वस्तातही फेकल्या. फलंदाजांनी घोर निराशा केली. खेळपट्टीचा नूरही बदलत होता. भारतीय संघाने खूपच छान खेळ केला. आव्हानाचा यशस्वी पाठलाग करण्याची त्यांना सवयच झाली आहे. न्यूझीलंड संघ मात्र सर्वच बाबतीत कमी पडला.
केन विल्यमसन (कर्णधार, न्यूझीलंड)
तेज गोलंदाजांनी दमदार कामगिरी केली. खेळपट्टी त्यांना एवढ्या मोठ्या प्रमाणात सहाय्य करेल, असे वाटले नव्हते. हार्दिकने अचूक टप्प्यात मारा करत वर्चस्व राखले. उमेशच्या वेगात सातत्य असून त्याच्या फिटनेसहीमध्येही प्रचंड सुधारणा झाली आहे. हार्दिक, मिश्र, अक्षर अशा साऱ्यांनीच उपयुक्तता सिद्ध केली.
महेंद्रसिंग धोनी (कर्णधार, भारत)
गोलंदाजांनी भक्कम पायाभरणीवर फलंदाजांनी कळस चढवल्याने भारताने रविवारी मालिकेतील पहिल्या वनडेत न्यूझीलंडवर ८५ धावांनी विजय मिळला. हार्दिक पंड्याने वनडे पदार्पण संम्मरणीय करत प्रभावी मारा केला, मार्टिन गप्टिल, कोरी अँडरसन, ल्युक राँची या बाद करणाऱ्या हा गोलंदाज सामनावीर ठरला.
टॉम लॅथम आणि टीम साउदी या सातव्या विकेटने केलेल्या ७१ धावांच्या भागीदारीमुळे न्यूझीलंडने भारतापुढे १९१ धावांचे लक्ष्य ठेवले होते. विराट कोहलीने नाबाद ८५ धावांची खेळी करून भारताचा विजय ३३.१ षटकांतच साकार केला.
हिमाचल प्रदेश क्रिकेट असोसिएशनच्या मैदानावर पार पडलेली ही झुंज एकतर्फीच झाली. नाणेफेक जिंकून कर्णधार धोनीने न्यूझीलंडला प्रथम फलंदाजीस आमंत्रित केले. त्याचा हा निर्णय गोलंदाजांनी योग्य ठरविला. उमेश यादव, हार्दिक पंड्या आणि केदार जाधवच्या प्रभावी माऱ्यामुळे न्यूझीलंडची अवस्था ७ बाद ६५ अशी झाली होती. टॉम लॅथमने एका बाजूने किल्ला लढवून तळाच्या फलंदाजांना साथीला घेत न्यूझीलंडला १९० धावांपर्यंत नेले. आव्हानाचा पाठलाग करताना भारताचे रोहित शर्मा, अजिंक्य रहाणे, मनीष पांडे आणि धोनी ठराविक अंतराने बाद झाले तरी विराट कोहलीने एका बाजूने किल्ला लढवून भारताला ३३.१ षटकांतच विजय मिळवून दिला. कोहलीने ८१ चेंडूंत ९ चौकार व १ षटकारसह नाबाद ८५ धावांची खेळी केली.
स्कोअरबोर्डः न्यूझीलंड ४३.५ षटकांत १९० (टॉम लॅथम नाबाद ७९, टीम साउदी ५५; उमेश यादव ८-०-३१-२, हार्दिक पंड्या ७-०-३१-३, केदार जाधव ३-०-६-२, अमित मिश्रा ८.५-०-४९-३) पराभूत वि. भारत ३३.१ षटकांत ४ बाद १९४ (अजिंक्य रहाणे ३३, विराट कोहली नाबाद ८५, महेंद्रसिंह धोनी २१). सामनावीरः हार्दिक पंड्या.
३२ विद्युतझोतात (डे-नाईट) पार पडलेल्या वनडेंमध्ये लक्ष्याचा पाठलाग करताना विराट कोहलीने ३२ अर्धशतके केली आहेत. कोहलीने ७० डावांत एवढी अर्धशतके साजरी केली आहे. त्याच्यापुढे आहे तो सचिन तेंडुलकर. त्याने आव्हानाचा पाठलगात करताना १०७ डावांत ३४ अर्धशतके झळकावली आहेत.
९ न्यूझीलंडचा सलामीवीर टॉम लॅथम रविवारी भारताविरुद्धच्या वनडेत नाबाद राहिला. संघ सर्वबाद होऊनही नाबाद राहिलेला लॅथम हा वनडेतील नववा सलामीवीर ठरला. असे नाबाद राहणाऱ्या फलंदाजाला क्रिकेटच्या शब्दकोशात ‘कॅरी दी बॅट’ म्हटले जाते. अशी कामगिरी करणारा लॅथम न्यूझीलंडचा पहिलाच फलंदाज ठरला आहे.
० टीम साऊदीआधी न्यूझीलंडच्या कोणत्याही फलंदाजाला दहाव्या किंवा अकराव्या क्रमांकावर अर्धशतक करता आले नव्हते. याआधी २००४मध्ये काइल मिल्सने ऑस्ट्रेलियाविरुद्ध केलेल्या नाबाद ४४ या न्यूझीलंड फलंदाजाने दहाव्या किंवा अकराव्या क्रमांकावर केलेल्या सर्वोच्च धावा होत्या.
४ भारतीय दौऱ्यावरील सात आंतरराष्ट्रीय डावांमध्ये चार अर्धशतके करण्याचा पराक्रम लॅथमने केला. त्याच्याखेरीज एकाही न्यूझीलंडच्या फलंदाजाला अद्याप एकपेक्षा जास्त अर्धशतकी खेळी करता आलेली नाही.
१९८७ न्यूझीलंडपूर्वी १९८७मध्ये एखाद्या परदेशी संघाने भारतात खेळताना भारताविरुद्ध कमी धावांत निम्मा संघ गमावला होता. १९८७मध्ये झिम्बाब्वेने भारताविरुद्ध ४७ धावांत ५ मोहरे गमावले होते.
४ रॉस टेलरला गेल्या आठ आंतरराष्ट्रीय डावांमध्ये चारवेळा भोपळा फोडता आलेला नाही. रविवारी तेच झाले. भारतीय दौऱ्यावर शुन्यावर बाद होण्याची त्याची ही तिसरी खेप.
२००३ याआधी २००३मध्ये भारताने घरच्या मैदानावर न्यूझीलंडविरुद्ध वनडे गमावली होती. त्या कटक वनडेनंतर भारताने मायदेशात न्यूझीलंडविरुद्ध सलग सहा वनडे जिंकल्या आहेत.
पहिल्या दहा षटकांमध्ये भारतीय संघाने अफलातून मारा केला, त्यात आम्ही काही विकेट्स स्वस्तातही फेकल्या. फलंदाजांनी घोर निराशा केली. खेळपट्टीचा नूरही बदलत होता. भारतीय संघाने खूपच छान खेळ केला. आव्हानाचा यशस्वी पाठलाग करण्याची त्यांना सवयच झाली आहे. न्यूझीलंड संघ मात्र सर्वच बाबतीत कमी पडला.
केन विल्यमसन (कर्णधार, न्यूझीलंड)
तेज गोलंदाजांनी दमदार कामगिरी केली. खेळपट्टी त्यांना एवढ्या मोठ्या प्रमाणात सहाय्य करेल, असे वाटले नव्हते. हार्दिकने अचूक टप्प्यात मारा करत वर्चस्व राखले. उमेशच्या वेगात सातत्य असून त्याच्या फिटनेसहीमध्येही प्रचंड सुधारणा झाली आहे. हार्दिक, मिश्र, अक्षर अशा साऱ्यांनीच उपयुक्तता सिद्ध केली.
महेंद्रसिंग धोनी (कर्णधार, भारत)