वृत्तसंस्था, लंडन
इंग्लंडने भारताविरुद्धच्या मालिकेतील पाचव्या कसोटी क्रिकेट सामन्यात तिसऱ्या दिवसअखेर १५४ धावांची आघाडी मिळवली आहे. तिसऱ्या दिवसाचा खेळ संपला तेव्हा इंग्लंडने २ बाद ११४ धावा केल्या होत्या. तत्पूर्वी, इंग्लंडने भारताला पहिल्या डावात २९२ धावांत रोखून ४० धावांची आघाडी मिळवली होती. खरे तर इंग्लंडला मोठी आघाडी मिळाली असती. मात्र, हनुमा विहारी आणि रवींद्र जडेजाने अर्धशतके ठोकून भारताची पिछाडी कमी केली.
दुसऱ्या डावात इंग्लंडच्या अॅलिस्टर कुक आणि जेनिंग्जने सावध सुरुवात केली. बाराव्या षटकातच भारताने दोन्ही रिव्ह्यू वाया घालविले. अखेर शमीने जेनिंग्जचा त्रिफळा उडवून ही जोडी फोडली. यानंतर २५व्या षटकात दुसऱ्या स्लीपमधील लोकेश राहुलने मोइन अलीला जीवदान दिले. या वेळी अली १४ धावांवर खेळत होता. मात्र, या वेळी त्याला या जीवदानाचा अधिक फायदा घेता आला नाही. रवींद्र जडेजाने त्याचा त्रिफळा उडविला. अलीने ५२ चेंडूंत ३ चौकारांसह २० धावा केल्या. यानंतर आलेल्या जो रूटने काहीसा आक्रमक पवित्रा घेत धावांचा वेग वाढविला. तिसऱ्या दिवसाचा खेळ संपला तेव्हा कुक १२५ चेंडूंत ३ चौकारांसह ४६, तर रूट ४३ चेंडूंत ५ चौकारांसह २९ धावांवर खेळत होता.
तत्पूर्वी, भारताच्या हनुमा विहारी आणि रवींद्र जडेजा यांनी ६ बाद १७४ वरून पुढे खेळायला सुरुवात केली. पदार्पणाची लढत खेळत असलेल्या हनुमा विहारीने करुण नायरच्या जागी आपली निवड करण्याचा संघव्यवस्थापनाचा निर्णय योग्स असल्याचे दाखवून दिले. त्याने मिळालेल्या संधीचे सोने केले. इंग्लंडच्या माऱ्याचा त्याने समर्थपणे सामना केला. साथीला असलेल्या जडेजाने अष्टपैलू कामगिरी करून दाखवली. उपाहाराला दोन षटकांचा खेळ शिल्लक असताना मोइन अलीने विहारीला बाद करून ही जोडी फोडली. विहारीने १२४ चेंडूंत ७ चौकार व १ षटकारसह ५६ धावा केल्या. विहारी आणि जडेजा जोडीने सातव्या विकेटसाठी ७७ धावांची भागीदारी केली. उपाहाराला भारताने ७ बाद २४० धावा केल्या होत्या. उपाहारानंतरच्या इशांत शर्मा आणि महंमद शमी झटपट माघारी परतले. यानंतर जडेजाने हुशारीने खेळ करून भारताची पिछाडी कमी करण्याचा प्रयत्न केला. मात्र, ९५व्या षटकातील शेवटच्या चेंडूवर बुमराह धावबाद झाला आणि भारताचा डाव २९२ धावांत संपुष्टात आला. जडेजा-बुमराह जोडीने ३२ धावा जोडल्या. अर्थात, यात बुमराहचा वाटा शून्य होता. मात्र, त्याने चौदा चेंडूंचा यशस्वी सामना केल्याने जडेजाला आणखी काही काळ मैदानावर राहता आले. जडेजाने १५६ चेंडूंत ११ चौकार व १ षटकारसह नाबाद ८६ धावा केल्या. जडेजाचे हे इंग्लंडमधील दुसरे, तर एकूण नववे कसोटी अर्धशतक ठरले.
धावफलक
इंग्लंड : पहिला डाव -सर्वबाद ३३२.
भारत : पहिला डाव - (६ बाद १७४ वरून पुढे) हनुमा विहारी झे. बेअरस्टो गो. अली ५६, जडेजा नाबाद ८६, इशांत झे. बेअरस्टो गो. अली ४, शमी झे. ब्रॉड गो. रशीद १, बुमराह धावबाद ०, अवांतर १४, एकूण - ९५ षटकांत सर्वबाद २९२.
बाद क्रम : ७-२३७, ८-२४९, ९-२६०, १०-२९२.
गोलंदाजी : जेम्स अँडरसन २१-७-५४-२, स्टुअर्ट ब्रॉड २०-६-५०-१, बेन स्टोक्स १६-२-५६-२, सॅम करन ११-१-४९-१, मोइन अली १७-३-५०-२, आदिल रशीद १०-२-१९-१.
इंग्लंड : दुसरा डाव - अॅलिस्टर कुक खेळत आहे ४६, जेनिंग्ज त्रि. गो. शमी १०, मोइन अली त्रि. गो. जडेजा २०, जो रूट खेळत आहे २९, अवांतर ९, एकूण - ४३ षटकांत २ बाद ११४.
बाद क्रम : १-२७, २-६२.
गोलंदाजी : बुमराह १२-४-२६-०, इशांत शर्मा ७-३-११-०, शमी १०-३-३२-१, रवींद्र जडेजा १४-२-३६-१.
इंग्लंडने भारताविरुद्धच्या मालिकेतील पाचव्या कसोटी क्रिकेट सामन्यात तिसऱ्या दिवसअखेर १५४ धावांची आघाडी मिळवली आहे. तिसऱ्या दिवसाचा खेळ संपला तेव्हा इंग्लंडने २ बाद ११४ धावा केल्या होत्या. तत्पूर्वी, इंग्लंडने भारताला पहिल्या डावात २९२ धावांत रोखून ४० धावांची आघाडी मिळवली होती. खरे तर इंग्लंडला मोठी आघाडी मिळाली असती. मात्र, हनुमा विहारी आणि रवींद्र जडेजाने अर्धशतके ठोकून भारताची पिछाडी कमी केली.
दुसऱ्या डावात इंग्लंडच्या अॅलिस्टर कुक आणि जेनिंग्जने सावध सुरुवात केली. बाराव्या षटकातच भारताने दोन्ही रिव्ह्यू वाया घालविले. अखेर शमीने जेनिंग्जचा त्रिफळा उडवून ही जोडी फोडली. यानंतर २५व्या षटकात दुसऱ्या स्लीपमधील लोकेश राहुलने मोइन अलीला जीवदान दिले. या वेळी अली १४ धावांवर खेळत होता. मात्र, या वेळी त्याला या जीवदानाचा अधिक फायदा घेता आला नाही. रवींद्र जडेजाने त्याचा त्रिफळा उडविला. अलीने ५२ चेंडूंत ३ चौकारांसह २० धावा केल्या. यानंतर आलेल्या जो रूटने काहीसा आक्रमक पवित्रा घेत धावांचा वेग वाढविला. तिसऱ्या दिवसाचा खेळ संपला तेव्हा कुक १२५ चेंडूंत ३ चौकारांसह ४६, तर रूट ४३ चेंडूंत ५ चौकारांसह २९ धावांवर खेळत होता.
तत्पूर्वी, भारताच्या हनुमा विहारी आणि रवींद्र जडेजा यांनी ६ बाद १७४ वरून पुढे खेळायला सुरुवात केली. पदार्पणाची लढत खेळत असलेल्या हनुमा विहारीने करुण नायरच्या जागी आपली निवड करण्याचा संघव्यवस्थापनाचा निर्णय योग्स असल्याचे दाखवून दिले. त्याने मिळालेल्या संधीचे सोने केले. इंग्लंडच्या माऱ्याचा त्याने समर्थपणे सामना केला. साथीला असलेल्या जडेजाने अष्टपैलू कामगिरी करून दाखवली. उपाहाराला दोन षटकांचा खेळ शिल्लक असताना मोइन अलीने विहारीला बाद करून ही जोडी फोडली. विहारीने १२४ चेंडूंत ७ चौकार व १ षटकारसह ५६ धावा केल्या. विहारी आणि जडेजा जोडीने सातव्या विकेटसाठी ७७ धावांची भागीदारी केली. उपाहाराला भारताने ७ बाद २४० धावा केल्या होत्या. उपाहारानंतरच्या इशांत शर्मा आणि महंमद शमी झटपट माघारी परतले. यानंतर जडेजाने हुशारीने खेळ करून भारताची पिछाडी कमी करण्याचा प्रयत्न केला. मात्र, ९५व्या षटकातील शेवटच्या चेंडूवर बुमराह धावबाद झाला आणि भारताचा डाव २९२ धावांत संपुष्टात आला. जडेजा-बुमराह जोडीने ३२ धावा जोडल्या. अर्थात, यात बुमराहचा वाटा शून्य होता. मात्र, त्याने चौदा चेंडूंचा यशस्वी सामना केल्याने जडेजाला आणखी काही काळ मैदानावर राहता आले. जडेजाने १५६ चेंडूंत ११ चौकार व १ षटकारसह नाबाद ८६ धावा केल्या. जडेजाचे हे इंग्लंडमधील दुसरे, तर एकूण नववे कसोटी अर्धशतक ठरले.
धावफलक
इंग्लंड : पहिला डाव -सर्वबाद ३३२.
भारत : पहिला डाव - (६ बाद १७४ वरून पुढे) हनुमा विहारी झे. बेअरस्टो गो. अली ५६, जडेजा नाबाद ८६, इशांत झे. बेअरस्टो गो. अली ४, शमी झे. ब्रॉड गो. रशीद १, बुमराह धावबाद ०, अवांतर १४, एकूण - ९५ षटकांत सर्वबाद २९२.
बाद क्रम : ७-२३७, ८-२४९, ९-२६०, १०-२९२.
गोलंदाजी : जेम्स अँडरसन २१-७-५४-२, स्टुअर्ट ब्रॉड २०-६-५०-१, बेन स्टोक्स १६-२-५६-२, सॅम करन ११-१-४९-१, मोइन अली १७-३-५०-२, आदिल रशीद १०-२-१९-१.
इंग्लंड : दुसरा डाव - अॅलिस्टर कुक खेळत आहे ४६, जेनिंग्ज त्रि. गो. शमी १०, मोइन अली त्रि. गो. जडेजा २०, जो रूट खेळत आहे २९, अवांतर ९, एकूण - ४३ षटकांत २ बाद ११४.
बाद क्रम : १-२७, २-६२.
गोलंदाजी : बुमराह १२-४-२६-०, इशांत शर्मा ७-३-११-०, शमी १०-३-३२-१, रवींद्र जडेजा १४-२-३६-१.