वृत्तसंस्था, लंडन
भारताविरुद्धच्या आगामी कसोटी क्रिकेट मालिकेतील पहिल्या सामन्यासाठी इंग्लंडचा संघ गुरुवारी जाहीर करण्यात आला. तेरा खेळाडूंच्या या संघामध्ये फिरकीपटू आदिल रशीदला स्थान देण्यात आले असून, नवोदित वेगवान गोलंदाज जेमी पोर्टर यालाही संधी देण्यात आली आहे. दोन वर्षांनंतर रशीद इंग्लंडकडून कसोटी संघात खेळणार आहे. भारत-इंग्लंडदरम्यान पहिली कसोटी १ ऑगस्टपासून खेळली जाणार आहे.
नुकत्याच झालेल्या भारताविरुद्धच्या वन-डे क्रिकेट मालिकेमध्ये रशीदने प्रभावी कामगिरी केली होती. त्याने पहिल्या वन-डेत एक, दुसऱ्यात दोन आणि तिसऱ्या वन-डेत तीन विकेट घेतल्या होत्या. या कामगिरीच्या जोरावर त्याची कसोटी संघात निवड करण्यात आली. रशीदने डिसेंबर, २०१६ नंतर एकही कसोटी सामना खेळलेला नाही. आपल्याला मर्यादित षटकांच्या क्रिकेटवरच लक्ष केंद्रित करायचे आहे, असे रशीदने काही काळापूर्वी म्हटले होते. तथापि, भारतीय फलंदाजाना आपल्या फिरकीच्या जाळ्यात अडकवण्यात रशीद यशस्वी ठरल्यामुळे त्याला कसोटी संघातही स्थान देण्यात आले. रशीदला अंतिम संघात स्थान मिळाल्यास त्याची ही मायदेशातील पहिली कसोटी असेल. त्याने कारकिर्दीतील आतापर्यंतचे दहाही कसोटी सामने परदेशात खेळले आहेत. २०१४मध्ये भारताविरुद्ध त्याने १९ विकेट मिळवल्या होत्या.
पोर्टरने देशांतर्गत काउंटी क्रिकेटमध्ये, तसेच इंग्लंड लायन्स (ए) संघाकडून खेळताना मागील काही मोसमात छाप पाडली होती. २०१७ मध्ये त्याला देशांतर्गत क्रिकेटमधील सर्वोत्कृष्ट खेळाडू म्हणूनही गौरवण्यात आले होते. वॉर्केस्टरशायर संघातर्फे खेळणाऱ्या मोइन अलीलाही न्यूझीलंड दौऱ्यानंतर प्रथमच इंग्लंड संघात स्थान मिळाले आहे. वेगवान गोलंदाज ख्रिस वोक्सला मात्र गुडघ्याच्या दुखापतीतून सावरण्यासाठी आणखी वेळ लागणार असल्याने त्याची संघात निवड करण्यात आलेली नाही.
इंग्लंड संघ : जो रूट (कर्णधार), मोईन अली, जेम्स अँडरसन, जॉनी बेअरस्टो, स्टुअर्ट ब्रॉड, जोस बटलर, अॅलिस्टर कूक, सॅम करेन, किटन जेनिंग्ज, डाव्हिड मलान, जेमी पोर्टर, आदिल रशीद आणि बेन स्टोक्स.
रशीद
१० कसोटी
३८ विकेट
भारताविरुद्ध
५ कसोटी
२३ विकेट
...
भारताविरुद्धच्या आगामी कसोटी क्रिकेट मालिकेतील पहिल्या सामन्यासाठी इंग्लंडचा संघ गुरुवारी जाहीर करण्यात आला. तेरा खेळाडूंच्या या संघामध्ये फिरकीपटू आदिल रशीदला स्थान देण्यात आले असून, नवोदित वेगवान गोलंदाज जेमी पोर्टर यालाही संधी देण्यात आली आहे. दोन वर्षांनंतर रशीद इंग्लंडकडून कसोटी संघात खेळणार आहे. भारत-इंग्लंडदरम्यान पहिली कसोटी १ ऑगस्टपासून खेळली जाणार आहे.
नुकत्याच झालेल्या भारताविरुद्धच्या वन-डे क्रिकेट मालिकेमध्ये रशीदने प्रभावी कामगिरी केली होती. त्याने पहिल्या वन-डेत एक, दुसऱ्यात दोन आणि तिसऱ्या वन-डेत तीन विकेट घेतल्या होत्या. या कामगिरीच्या जोरावर त्याची कसोटी संघात निवड करण्यात आली. रशीदने डिसेंबर, २०१६ नंतर एकही कसोटी सामना खेळलेला नाही. आपल्याला मर्यादित षटकांच्या क्रिकेटवरच लक्ष केंद्रित करायचे आहे, असे रशीदने काही काळापूर्वी म्हटले होते. तथापि, भारतीय फलंदाजाना आपल्या फिरकीच्या जाळ्यात अडकवण्यात रशीद यशस्वी ठरल्यामुळे त्याला कसोटी संघातही स्थान देण्यात आले. रशीदला अंतिम संघात स्थान मिळाल्यास त्याची ही मायदेशातील पहिली कसोटी असेल. त्याने कारकिर्दीतील आतापर्यंतचे दहाही कसोटी सामने परदेशात खेळले आहेत. २०१४मध्ये भारताविरुद्ध त्याने १९ विकेट मिळवल्या होत्या.
पोर्टरने देशांतर्गत काउंटी क्रिकेटमध्ये, तसेच इंग्लंड लायन्स (ए) संघाकडून खेळताना मागील काही मोसमात छाप पाडली होती. २०१७ मध्ये त्याला देशांतर्गत क्रिकेटमधील सर्वोत्कृष्ट खेळाडू म्हणूनही गौरवण्यात आले होते. वॉर्केस्टरशायर संघातर्फे खेळणाऱ्या मोइन अलीलाही न्यूझीलंड दौऱ्यानंतर प्रथमच इंग्लंड संघात स्थान मिळाले आहे. वेगवान गोलंदाज ख्रिस वोक्सला मात्र गुडघ्याच्या दुखापतीतून सावरण्यासाठी आणखी वेळ लागणार असल्याने त्याची संघात निवड करण्यात आलेली नाही.
इंग्लंड संघ : जो रूट (कर्णधार), मोईन अली, जेम्स अँडरसन, जॉनी बेअरस्टो, स्टुअर्ट ब्रॉड, जोस बटलर, अॅलिस्टर कूक, सॅम करेन, किटन जेनिंग्ज, डाव्हिड मलान, जेमी पोर्टर, आदिल रशीद आणि बेन स्टोक्स.
रशीद
१० कसोटी
३८ विकेट
भारताविरुद्ध
५ कसोटी
२३ विकेट
...