नॉटिंगहॅम :
फिरकीपटू कुलदीप यादवने इंग्लंडविरुद्ध पहिल्या वनडेत इतिहास रचला आहे. कुलदीपने नॉटिंगहॅम वनडेत १० षटकांमध्ये २५ धावा देऊन सहा बळी टिपले. वनडे क्रिकेटमधील हा नवा विक्रम ठरला आहे. डावखुऱ्या फिरकी गोलंदाजाने वनडेत सहा गडी बाद करण्याची ही पहिलीच वेळ आहे.
इंग्लंडमध्ये एकाच वनडेत ५ पेक्षा अधिक बळी घेणारा पहिला भारतीय गोलंदाज होण्याचा मानही कुलदीपला मिळाला आहे. कुलदीपने आजच्या सामन्यात जेसन रॉय, जॉनी बेयरस्टो, जो रूट, बेन स्टोक्स, जॉस बटलर असे दिग्गज मोहरे टिपत इंग्लंडच्या डावाला लगाम घातला. कुलदीपच्या वैयक्तिक कारकीर्दीतीलही ही सर्वोत्तम कामगिरी ठरली आहे. याआधी दक्षिण आफ्रिका दौऱ्यात कुलदीपने वनडेत चार बळी टिपले होते.
भारताने नाणेफेक जिंकून इंग्लंडला प्रथम फलंदाजीसाठी पाचारण केले. जेसन रॉय आणि जॉनी बेयरस्टोने इंग्लंडला चांगली सलामी दिली. १० षटकांत ७३ धावा धावफलकावर झळकल्या. त्यानंतर कुलदीपने इंग्लंडच्या डावाला ब्रेक लावला. कुलदीपने रॉयला माघारी धाडले. त्यानंतर १३व्या षटकात रूटलाही पॅव्हेलियनची वाट दाखवली. याच षटकात पाचव्या चेंडूवर बेयरस्टोला बाद करून कुलदीपने इंग्लंडला आणखी एक धक्का दिला. अर्धशतकी खेळी करणारे बेन स्टोक्स आणि जॉस बटलरही कुलदीपचे शिकार ठरले. डेव्हिड विल्ली कुलदीपचा सहावा बळी ठरला.
कुलदीपच्या प्रभावी माऱ्यामुळे इंग्लंडच्या डावाला बऱ्यापैकी वेसण घालण्यात भारताला यश आले. इंग्लंडने ४९.५ षटकांत सर्वबाद २६८ धावा केल्या असून भारतापुढे विजयासाठी २६९ धावांचे लक्ष्य ठेवले आहे.
भारत वि. इंग्लंड वनडेचे स्कोअरकार्ड
फिरकीपटू कुलदीप यादवने इंग्लंडविरुद्ध पहिल्या वनडेत इतिहास रचला आहे. कुलदीपने नॉटिंगहॅम वनडेत १० षटकांमध्ये २५ धावा देऊन सहा बळी टिपले. वनडे क्रिकेटमधील हा नवा विक्रम ठरला आहे. डावखुऱ्या फिरकी गोलंदाजाने वनडेत सहा गडी बाद करण्याची ही पहिलीच वेळ आहे.
इंग्लंडमध्ये एकाच वनडेत ५ पेक्षा अधिक बळी घेणारा पहिला भारतीय गोलंदाज होण्याचा मानही कुलदीपला मिळाला आहे. कुलदीपने आजच्या सामन्यात जेसन रॉय, जॉनी बेयरस्टो, जो रूट, बेन स्टोक्स, जॉस बटलर असे दिग्गज मोहरे टिपत इंग्लंडच्या डावाला लगाम घातला. कुलदीपच्या वैयक्तिक कारकीर्दीतीलही ही सर्वोत्तम कामगिरी ठरली आहे. याआधी दक्षिण आफ्रिका दौऱ्यात कुलदीपने वनडेत चार बळी टिपले होते.
भारताने नाणेफेक जिंकून इंग्लंडला प्रथम फलंदाजीसाठी पाचारण केले. जेसन रॉय आणि जॉनी बेयरस्टोने इंग्लंडला चांगली सलामी दिली. १० षटकांत ७३ धावा धावफलकावर झळकल्या. त्यानंतर कुलदीपने इंग्लंडच्या डावाला ब्रेक लावला. कुलदीपने रॉयला माघारी धाडले. त्यानंतर १३व्या षटकात रूटलाही पॅव्हेलियनची वाट दाखवली. याच षटकात पाचव्या चेंडूवर बेयरस्टोला बाद करून कुलदीपने इंग्लंडला आणखी एक धक्का दिला. अर्धशतकी खेळी करणारे बेन स्टोक्स आणि जॉस बटलरही कुलदीपचे शिकार ठरले. डेव्हिड विल्ली कुलदीपचा सहावा बळी ठरला.
कुलदीपच्या प्रभावी माऱ्यामुळे इंग्लंडच्या डावाला बऱ्यापैकी वेसण घालण्यात भारताला यश आले. इंग्लंडने ४९.५ षटकांत सर्वबाद २६८ धावा केल्या असून भारतापुढे विजयासाठी २६९ धावांचे लक्ष्य ठेवले आहे.
भारत वि. इंग्लंड वनडेचे स्कोअरकार्ड