मुंबई : सळसळतं रक्त आणि डोळ्यात बदल्याची आग, काहीही करुन जिंकण्याचा निर्धार करत भारत आणि पाकिस्तान संघाचे खेळाडू दुबईच्या मैदानात एकमेकांसमोर उभे ठाकतील. २०२१ च्या टी ट्वेन्टी वर्ल्ड कपच्या पराभवाचा बदला घेण्याच्या इराद्याने भारतीय संघाचे खेळाडू मैदानावर उतरतील तर 'त्याच' इतिहासाची पुनरावृत्ती करायला बाबर आझमची टीम आतुर असेल. संध्याकाळी साडे वाजता सामन्याला प्रारंभ होईल. गेल्या महिनाभरापासून भारत पाकिस्तानच्या सामन्याची जगभरात चर्चा होतीये. भारताच्या आणि पाकिस्तानच्या जमेच्या बाजू आणि उणीवा यांवरही खास करुन चर्चा होतीये. तत्पूर्वी भारताला पाकिस्तानच्या कोणत्या खेळाडूंपासून सर्वांत जास्त धोका असेल, हे आपण पाहुयात....
पाकिस्तानी संघात अनेक दिग्गज खेळाडूंचा भरणा आहे. पाकिस्तानी संघाचा कर्णधार बाबर आझम तर तुफान फॉर्ममध्ये असल्याने त्याला रोखणं मुश्किल असेल. सामन्याच्या काही तास अगोदरच विराट कोहलीने बाबर हा सध्याच्या घडीचा जगातला सर्वांत श्रेष्ठ फलंदाज असल्याचं म्हणत त्याच्यावर कौतुकाचा वर्षाव केलाय. पण बाबर आझमच नाही तर पाकच्या संघात प्रतिस्पर्धी संघाला हादरा देणारे अनेक खेळाडू आहेत.
मोहम्मद रिजवान
पॉवरप्लेच्या ओव्हरमध्ये प्रतिस्पर्धी संघाच्या बोलर्सची पिसे काढण्यासाठी मोहम्मद रिजवानची ओळख आहे. मोहम्मद रिझवानची गणना सध्याच्या सर्वोत्कृष्ट टी ट्वेन्टी फलंदाजांमध्ये केली जाते. २०२१ च्या टी ट्वेन्टी विश्वचषकात त्याच्या परफॉर्मन्सने त्याने करोडो भारतीयांची स्वप्न धुळीला मिळवली होती. टी ट्वेन्टी क्रिकेटमध्ये त्याचा रेकॉर्डही तितकाच खास आहे.
फखर जमान
लेफ्ट हँडेड बॅट्समन फखर जमान हा वादळी खेळासाठी प्रसिद्ध आहे. सध्या तो फॉर्ममध्ये नसला तरी भारताविरोधात त्याची बॅट तपळतेच. बाबर आझम आणि मोहम्मद रिझवाननंतर त्याच्यावर पाकिस्तानचा डाव सावरण्याची जबाबदारी असते.
नसीम खान
१९ वर्षीय नसीम शाह हा पाकिस्तानच्या वेगवान गोलंदाजांपैकी एक आहे. त्याच्या वेगामुळे तो प्रसिद्ध आहे. भारतीय संघाविरुद्ध नसीम शाह पहिल्यांदाच खेळणार आहे.पाकिस्तान सुपर लीगमध्ये केलेल्या दमदार कामगिरीने त्याला भारताविरोधात खेळण्याची संधी मिळाली आहे. नुकत्याच झालेल्या नेदरलँडविरुद्धच्या मालिकेत त्याने आपल्या गोलंदाजीने सर्वांना प्रभावित केलं.
शादाब खान
शादाब खानने आपल्या फिरकीच्या जाळ्यात भल्याभल्या दिग्गजांना ओढलं आहे. चेंडूला पाहिजे तेवढी फ्लाईट देणं, फलंदाजाला लालूच दाखवणं आणि त्याला फिरकीच्या जाळ्यात अलगद ओढणं हे शादाबला चांगलं जमतं. त्याने ६४ टी ट्वेन्टी सामन्यात ७३ विकेट घेतल्या आहेत, त्याच्या जमेची बाजू म्हणजे तो बॅटिंगही करु शकतो.
हरिस रौफ
वर्ल्ड क्लास वेगवान गोलंदाज शाहीन आफ्रिदीच्या अनुपस्थितीत पाकिस्तानच्या वेगवान गोलंदाजीची धुरा हरिस रौफकडे असेल. त्याच्या पेससाठी तो ओळखला जातो. २८ वर्षांच्या रौफने टी ट्वेन्टी खेळण्याचा चांगला अनुभव आहे. तो महागडा ठरतो, परंतु धोका पत्करुन बोलिंग करत असल्याने ब्रेकथ्रू मिळवून देणं हे त्याला चांगलं जमतं.
पाकिस्तानी संघात अनेक दिग्गज खेळाडूंचा भरणा आहे. पाकिस्तानी संघाचा कर्णधार बाबर आझम तर तुफान फॉर्ममध्ये असल्याने त्याला रोखणं मुश्किल असेल. सामन्याच्या काही तास अगोदरच विराट कोहलीने बाबर हा सध्याच्या घडीचा जगातला सर्वांत श्रेष्ठ फलंदाज असल्याचं म्हणत त्याच्यावर कौतुकाचा वर्षाव केलाय. पण बाबर आझमच नाही तर पाकच्या संघात प्रतिस्पर्धी संघाला हादरा देणारे अनेक खेळाडू आहेत.
मोहम्मद रिजवान
पॉवरप्लेच्या ओव्हरमध्ये प्रतिस्पर्धी संघाच्या बोलर्सची पिसे काढण्यासाठी मोहम्मद रिजवानची ओळख आहे. मोहम्मद रिझवानची गणना सध्याच्या सर्वोत्कृष्ट टी ट्वेन्टी फलंदाजांमध्ये केली जाते. २०२१ च्या टी ट्वेन्टी विश्वचषकात त्याच्या परफॉर्मन्सने त्याने करोडो भारतीयांची स्वप्न धुळीला मिळवली होती. टी ट्वेन्टी क्रिकेटमध्ये त्याचा रेकॉर्डही तितकाच खास आहे.
फखर जमान
लेफ्ट हँडेड बॅट्समन फखर जमान हा वादळी खेळासाठी प्रसिद्ध आहे. सध्या तो फॉर्ममध्ये नसला तरी भारताविरोधात त्याची बॅट तपळतेच. बाबर आझम आणि मोहम्मद रिझवाननंतर त्याच्यावर पाकिस्तानचा डाव सावरण्याची जबाबदारी असते.
नसीम खान
१९ वर्षीय नसीम शाह हा पाकिस्तानच्या वेगवान गोलंदाजांपैकी एक आहे. त्याच्या वेगामुळे तो प्रसिद्ध आहे. भारतीय संघाविरुद्ध नसीम शाह पहिल्यांदाच खेळणार आहे.पाकिस्तान सुपर लीगमध्ये केलेल्या दमदार कामगिरीने त्याला भारताविरोधात खेळण्याची संधी मिळाली आहे. नुकत्याच झालेल्या नेदरलँडविरुद्धच्या मालिकेत त्याने आपल्या गोलंदाजीने सर्वांना प्रभावित केलं.
शादाब खान
शादाब खानने आपल्या फिरकीच्या जाळ्यात भल्याभल्या दिग्गजांना ओढलं आहे. चेंडूला पाहिजे तेवढी फ्लाईट देणं, फलंदाजाला लालूच दाखवणं आणि त्याला फिरकीच्या जाळ्यात अलगद ओढणं हे शादाबला चांगलं जमतं. त्याने ६४ टी ट्वेन्टी सामन्यात ७३ विकेट घेतल्या आहेत, त्याच्या जमेची बाजू म्हणजे तो बॅटिंगही करु शकतो.
हरिस रौफ
वर्ल्ड क्लास वेगवान गोलंदाज शाहीन आफ्रिदीच्या अनुपस्थितीत पाकिस्तानच्या वेगवान गोलंदाजीची धुरा हरिस रौफकडे असेल. त्याच्या पेससाठी तो ओळखला जातो. २८ वर्षांच्या रौफने टी ट्वेन्टी खेळण्याचा चांगला अनुभव आहे. तो महागडा ठरतो, परंतु धोका पत्करुन बोलिंग करत असल्याने ब्रेकथ्रू मिळवून देणं हे त्याला चांगलं जमतं.