विराटचं शतक; गावसकरांचा विक्रम मोडला

मटा ऑनलाइन वृत्त । नागपूर

श्रीलंकेविरुद्धच्या दुसऱ्या कसोटी सामन्यात विराट कोहलीनं शतक ठोकलंय. कर्णधार म्हणून त्याचं हे १२ वं शतक असून माजी कर्णधार सुनील गावसकर (११ शतके ) यांचा विक्रम मोडला आहे. कसोटी कारकिर्दीतील त्याचं १९ वं शतक आहे.

नागपूर कसोटीत मुरली विजय, चेतेश्वर पुजारानंतर कर्णधार विराटनंही तडाखेबंद शतक झळकावलंय. कसोटी मालिकेतील त्याचं हे सलग दुसरं शतक आहे. तर कर्णधार म्हणून खेळताना त्यानं १२ शतके केली आहेत. या शतकासह त्यानं गावसकर यांचा कर्णधार म्हणून सर्वाधिक ११ शतकांचा विक्रम मोडीत काढला. कसोटीत त्यानं यंदा चार शतके झळकावली आहेत. तर आंतरराष्ट्रीय कारकिर्दीत एका वर्षात एकूण १० शतके झळकावण्याचा पराक्रम त्यानं केला आहे.