चेन्नई :
तीन टी-२० सामन्यांच्या मालिकेतील दोन सामने जिंकून मालिकेत विजयी आघाडी घेणाऱ्या भारतीय संघाने आज होत असलेल्या तिसऱ्या सामन्यात वेस्ट इंडिजवर विजय मिळवून निर्भेळ यश मिळविण्याची तयारी केली आहे. त्यासाठी दुसऱ्या फळीतील खेळाडूंना संधी देण्यात येण्याची शक्यता आहे. आयपीएलमध्ये चेन्नई सुपर किंग्जचा आघाडीचा खेळाडू महेंद्रसिंग धोनी मात्र भारतीय संघात नसल्यामुळे चेन्नईकर क्रिकेटप्रेमींना त्याचा खेळ पाहता येणार नाही.
रोहित शर्माच्या झंझावाती शतकामुळे भारताने लखनऊमधील दुसरी टी-२० जिंकून मालिकेत विजयी आघाडी घेतली. त्यामुळे आता निर्धास्त असलेल्या भारतीय संघात श्रेयस अय्यर, वॉशिंग्टन सुंदर, शाहबाज नदीम यांना संधी मिळण्याची शक्यता आहे. निवड समितीने जसप्रीत बूमराह, उमेश यादव व फिरकीपटू कुलदीप यादव यांना विश्रांती देण्याचे ठरविले आहे. ऑस्ट्रेलिया दौऱ्याआधी हे तिघेही उत्तम स्थितीत असावेत हा त्यामागचा हेतू आहे. मध्यमगती गोलंदाज सिद्धार्थ कौलला मात्र संधी मिळाली आहे. चेन्नईतील खेळपट्टी ही फलंदाजीला अनुकूल असेल, असे म्हटले जात आहे.
रोहित शर्माने तर आपला झंझावात दाखवून दिला आता शिखर धवन, के.एल. राहुल, ऋषभ पंत यांनाही धावांचा रतीब टाकावा लागेल. दिनेश कार्तिक आपल्या घरच्या मैदानावर चमकदार खेळी करण्यास इच्छुक आहे. बूमराह, कुलदीपच्या अनुपस्थितीत भुवनेश्वर आणि खलील अहमद हे वेगवान गोलंदाजीची बाजू सांभाळतील. यजुर्वेंद्र चहलला संघात स्थान मिळू शकेल. कृणाल पंड्याही प्रभाव पाडू शकेल.
प्रतिस्पर्धी विंडीजचे खेळाडू मात्र खचले आहेत. बूमराह आणि कुलदीपच्या गोलंदाजीचा त्यांनी धसका घेतला आहे. विंडीजच्या सलामीवीरांना सूर गवसलेला नाही तर कायरन पोलार्ड, डॅरेन ब्राव्हो आणि दिनेश रामदिन अजूनही अपेक्षित कामगिरी करू शकलेले नाहीत. गोलंदाजीत ओशेन थॉमसने प्रभाव पाडला आहे पण त्याला इतरांची साथ लाभलेली नाही. कर्णधार ब्रेथवेट स्वतःच छाप पाडण्यासाठी उत्सुक आहे.
सामन्याची वेळ : सायंकाळी ७ वाजता
तीन टी-२० सामन्यांच्या मालिकेतील दोन सामने जिंकून मालिकेत विजयी आघाडी घेणाऱ्या भारतीय संघाने आज होत असलेल्या तिसऱ्या सामन्यात वेस्ट इंडिजवर विजय मिळवून निर्भेळ यश मिळविण्याची तयारी केली आहे. त्यासाठी दुसऱ्या फळीतील खेळाडूंना संधी देण्यात येण्याची शक्यता आहे. आयपीएलमध्ये चेन्नई सुपर किंग्जचा आघाडीचा खेळाडू महेंद्रसिंग धोनी मात्र भारतीय संघात नसल्यामुळे चेन्नईकर क्रिकेटप्रेमींना त्याचा खेळ पाहता येणार नाही.
रोहित शर्माच्या झंझावाती शतकामुळे भारताने लखनऊमधील दुसरी टी-२० जिंकून मालिकेत विजयी आघाडी घेतली. त्यामुळे आता निर्धास्त असलेल्या भारतीय संघात श्रेयस अय्यर, वॉशिंग्टन सुंदर, शाहबाज नदीम यांना संधी मिळण्याची शक्यता आहे. निवड समितीने जसप्रीत बूमराह, उमेश यादव व फिरकीपटू कुलदीप यादव यांना विश्रांती देण्याचे ठरविले आहे. ऑस्ट्रेलिया दौऱ्याआधी हे तिघेही उत्तम स्थितीत असावेत हा त्यामागचा हेतू आहे. मध्यमगती गोलंदाज सिद्धार्थ कौलला मात्र संधी मिळाली आहे. चेन्नईतील खेळपट्टी ही फलंदाजीला अनुकूल असेल, असे म्हटले जात आहे.
रोहित शर्माने तर आपला झंझावात दाखवून दिला आता शिखर धवन, के.एल. राहुल, ऋषभ पंत यांनाही धावांचा रतीब टाकावा लागेल. दिनेश कार्तिक आपल्या घरच्या मैदानावर चमकदार खेळी करण्यास इच्छुक आहे. बूमराह, कुलदीपच्या अनुपस्थितीत भुवनेश्वर आणि खलील अहमद हे वेगवान गोलंदाजीची बाजू सांभाळतील. यजुर्वेंद्र चहलला संघात स्थान मिळू शकेल. कृणाल पंड्याही प्रभाव पाडू शकेल.
प्रतिस्पर्धी विंडीजचे खेळाडू मात्र खचले आहेत. बूमराह आणि कुलदीपच्या गोलंदाजीचा त्यांनी धसका घेतला आहे. विंडीजच्या सलामीवीरांना सूर गवसलेला नाही तर कायरन पोलार्ड, डॅरेन ब्राव्हो आणि दिनेश रामदिन अजूनही अपेक्षित कामगिरी करू शकलेले नाहीत. गोलंदाजीत ओशेन थॉमसने प्रभाव पाडला आहे पण त्याला इतरांची साथ लाभलेली नाही. कर्णधार ब्रेथवेट स्वतःच छाप पाडण्यासाठी उत्सुक आहे.
सामन्याची वेळ : सायंकाळी ७ वाजता