मटा ऑनलाइन वृत्त। मुंबई
इंग्लंडविरुद्धच्या आगामी तीन एकदिवसीय मालिका, तसेच तीन टी-२० मालिकेसाठी भारतीय संघाची आज घोषणा करण्यात आली. महेंद्रसिंग धोनीने बुधवारी अचानक कर्णधारपद सोडल्यानंतर अपेक्षेप्रमाणे कसोटी कर्णधार विराट कोहलीच्या खांद्यावर संघाची धुरा सोपवण्यात आली आहे. आता विराट कोहली कसोटी, वन डे आणि टी-२० संघाचा कर्णधार बनला आहे. विशेष म्हणजे युवराज सिंगचे पुन्हा एकदा संघात जोरदार पुनरागमन झाले आहे. टी-२० संघात आशीष नेहराला देखील संधी देण्यात आली आहे.
याबरोबर, इंग्लंडविरुद्ध त्रिशतक ठोकणाऱ्या करुण नायरला देखील संघात संधी देण्यात आली आहे. यापूर्वी करुणला गेल्या वर्षीच्या झिम्बाब्वे दौऱ्यात वन डे खेळण्याचीही संधी मिळाली होती.
वन डे संघ:
विराट कोहली ( कर्णधार), महेंद्रसिंग धोनी ( यष्टीरक्षक), के. एल. राहुल, शिखर धवन, मनीष पांडे, केदार जाधव, युवराज सिंग, अजिंक्य रहाणे, हार्दीक पंड्या, आर. आश्विन, रविंद्र जडेजा, अमित मिश्रा, जसप्रित बुमरा, भुवनेश्वर कुमार, उमेश यादव
टी-२० संघ:
विराट कोहली (कर्णधार), महेंद्रसिंग धोनी( यष्टीरक्षक), मनदीप सिंह, के. एल. राहुल, युवराज सिंग, सुरेश रैना, ऋषभ पंत, हार्दिक पंड्या, रविचंद्रन अश्विन, रविंद्र जडेजा, युझवेंद्र चहल, मनीष पांडे, जसप्रित बुमरा, भुवनेश्वर कुमार आणि आशीष नेहरा.
दरम्यान, निवड समितीने निर्धारित वेळेत भारतीय संघाची निवड केली खरी, मात्र संघाची घोषणा करण्यासाठी दुपारी दीड वाजता आयोजित केलेली पत्रकार परिषद मात्र स्थगित केली. सूत्रांनी दिलेल्या माहितीनुसार, निवड करण्यात आलेला संघ लोढा समितीच्या मापदंडांवर टिकू शकेल की नाही याबाबत निवड समितीला शंका होती. याच कारणामुळे ही पत्रकार परिषद स्थिगत करण्याचा निर्णय घेण्यात आला. यानंतर लोढा समितीने विद्यमान निवड समितीला संघ निवडण्यासाठी हिरवा झेंडा दाखवला. परंतु, समितीने अमिताभ चौधरींना सह-सचिव पदावरुन हटवले आणि त्यांच्या निवड समितीसोबत बैठक आयोजित करण्यावर देखील बंदी घातली.
इंग्लंडविरुद्धच्या आगामी तीन एकदिवसीय मालिका, तसेच तीन टी-२० मालिकेसाठी भारतीय संघाची आज घोषणा करण्यात आली. महेंद्रसिंग धोनीने बुधवारी अचानक कर्णधारपद सोडल्यानंतर अपेक्षेप्रमाणे कसोटी कर्णधार विराट कोहलीच्या खांद्यावर संघाची धुरा सोपवण्यात आली आहे. आता विराट कोहली कसोटी, वन डे आणि टी-२० संघाचा कर्णधार बनला आहे. विशेष म्हणजे युवराज सिंगचे पुन्हा एकदा संघात जोरदार पुनरागमन झाले आहे. टी-२० संघात आशीष नेहराला देखील संधी देण्यात आली आहे.
याबरोबर, इंग्लंडविरुद्ध त्रिशतक ठोकणाऱ्या करुण नायरला देखील संघात संधी देण्यात आली आहे. यापूर्वी करुणला गेल्या वर्षीच्या झिम्बाब्वे दौऱ्यात वन डे खेळण्याचीही संधी मिळाली होती.
वन डे संघ:
विराट कोहली ( कर्णधार), महेंद्रसिंग धोनी ( यष्टीरक्षक), के. एल. राहुल, शिखर धवन, मनीष पांडे, केदार जाधव, युवराज सिंग, अजिंक्य रहाणे, हार्दीक पंड्या, आर. आश्विन, रविंद्र जडेजा, अमित मिश्रा, जसप्रित बुमरा, भुवनेश्वर कुमार, उमेश यादव
टी-२० संघ:
विराट कोहली (कर्णधार), महेंद्रसिंग धोनी( यष्टीरक्षक), मनदीप सिंह, के. एल. राहुल, युवराज सिंग, सुरेश रैना, ऋषभ पंत, हार्दिक पंड्या, रविचंद्रन अश्विन, रविंद्र जडेजा, युझवेंद्र चहल, मनीष पांडे, जसप्रित बुमरा, भुवनेश्वर कुमार आणि आशीष नेहरा.
दरम्यान, निवड समितीने निर्धारित वेळेत भारतीय संघाची निवड केली खरी, मात्र संघाची घोषणा करण्यासाठी दुपारी दीड वाजता आयोजित केलेली पत्रकार परिषद मात्र स्थगित केली. सूत्रांनी दिलेल्या माहितीनुसार, निवड करण्यात आलेला संघ लोढा समितीच्या मापदंडांवर टिकू शकेल की नाही याबाबत निवड समितीला शंका होती. याच कारणामुळे ही पत्रकार परिषद स्थिगत करण्याचा निर्णय घेण्यात आला. यानंतर लोढा समितीने विद्यमान निवड समितीला संघ निवडण्यासाठी हिरवा झेंडा दाखवला. परंतु, समितीने अमिताभ चौधरींना सह-सचिव पदावरुन हटवले आणि त्यांच्या निवड समितीसोबत बैठक आयोजित करण्यावर देखील बंदी घातली.