भारताच्या उगवत्या क्रिकेटपटूचा श्रीलंकेत मृत्यू

मटा ऑनलाइन वृत्त । कोलंबो

१७ वर्षांखालील भारतीय क्रिकेट संघातील एका शिलेदाराचा श्रीलंकेत स्वीमिंग पूलमध्ये बुडून मृत्यू झाल्याची दुर्दैवी घटना समोर आली आहे. नरेंद्रसिंग सोधा असं या १२ वर्षीय मुलाचं नाव असून तो गुजरातचा राहणारा होता.

नरेंद्र आणि त्याचे तीन सहकारी मंगळवारी पामुनूगामा इथल्या हॉटेलच्या स्वीमिंग पूलमध्ये पोहत होते. त्यावेळी नरेंद्र अचानक पाण्यात बुडू लागला. कुणाला काही कळायच्या आतच तो खोल गेला. तो बुडाल्याचं लक्षात येताच, संघ सहकाऱ्यांनी हॉटेलमधील कर्मचाऱ्यांच्या मदतीने त्याला जवळच्या हॉस्पिटलमध्ये नेलं, पण तिथल्या डॉक्टरांनी त्याला मृत घोषित केलं.

नरेंद्रचा मृतदेह आज भारतात येणार असून त्याच्या मृत्यूप्रकरणी गुन्हा नोंदवण्यात आला नसल्याचं श्रीलंकेतील भारतीय दूतावासाने स्पष्ट केलंय.