हर्ष भोगले
आयपीएलमधील सर्व संघांकडे समान निधीची अपेक्षा करताना त्यांना विजयाची सारखीच संधी असावी हा हेतू आहे आणि यंदा तसे झालेले आहे असे वाटते. जर सहा संघांना प्लेऑफमध्ये खेळण्याची संधी आहे आणि त्याबरोबरच जिंकण्याचीही संधी आहे तर याचा अर्थ आयपीएल योग्य ट्रॅकवर आहे. अखेरच्या दिवशी ज्या चार संघांत लढती आहेत त्या रंगतदार होतील यात शंका नाही. कोलकाता नाइट रायडर्स संघाचे व्यवस्थापन उत्तम आहे. सनरायझर्स हैदराबादलाही योग्य मार्गदर्शक लाभला आहे डेक्कन चार्जर्स हैदराबादमधून या संघाने चांगली झेप घेतली आहे. या दोन संघांमधील लढत रंगतदार होणार हे नक्की. दोघांनाही सारखीच संधी आहे. हैदराबाद संघाला गोलंदाजांचे वरदान लाभले आहे. कोलकात्यातील खेळपट्टी जर फिरकीला पोषक असेल तर कोलकात्यासमोर मात्र कठीण आव्हान असेल कारण त्यांच्याकडे वेगवान गोलंदाजांचा भरणा अधिक आहे. दिल्ली आणि बेंगळुरू संघातील फरक तर अधिक तीव्र आहे. रायपूरमधील फलंदाजीस पोषक खेळपट्टीवर दिल्लीच्या गोलंदाजांना जबरदस्त कामगिरी करावी लागेल. जर त्यांना धावांचा पाठलाग करावा लागला तर त्यांना तडाखेबंद फलंदाजी करावी लागेल. विराट कोहली किंवा डीव्हिलियर्समुळे डोकेदुखी वाढणार आहे असे वाटत असेल तर त्यात आता ख्रिस गेलचीही भर पडली आहे. सध्या तरी बेंगळुरूचा संघ जणू काही स्टेडियमच त्यांचे असल्याप्रमाणे खेळ करत आहेत.
आयपीएलमधील सर्व संघांकडे समान निधीची अपेक्षा करताना त्यांना विजयाची सारखीच संधी असावी हा हेतू आहे आणि यंदा तसे झालेले आहे असे वाटते. जर सहा संघांना प्लेऑफमध्ये खेळण्याची संधी आहे आणि त्याबरोबरच जिंकण्याचीही संधी आहे तर याचा अर्थ आयपीएल योग्य ट्रॅकवर आहे. अखेरच्या दिवशी ज्या चार संघांत लढती आहेत त्या रंगतदार होतील यात शंका नाही. कोलकाता नाइट रायडर्स संघाचे व्यवस्थापन उत्तम आहे. सनरायझर्स हैदराबादलाही योग्य मार्गदर्शक लाभला आहे डेक्कन चार्जर्स हैदराबादमधून या संघाने चांगली झेप घेतली आहे. या दोन संघांमधील लढत रंगतदार होणार हे नक्की. दोघांनाही सारखीच संधी आहे. हैदराबाद संघाला गोलंदाजांचे वरदान लाभले आहे. कोलकात्यातील खेळपट्टी जर फिरकीला पोषक असेल तर कोलकात्यासमोर मात्र कठीण आव्हान असेल कारण त्यांच्याकडे वेगवान गोलंदाजांचा भरणा अधिक आहे. दिल्ली आणि बेंगळुरू संघातील फरक तर अधिक तीव्र आहे. रायपूरमधील फलंदाजीस पोषक खेळपट्टीवर दिल्लीच्या गोलंदाजांना जबरदस्त कामगिरी करावी लागेल. जर त्यांना धावांचा पाठलाग करावा लागला तर त्यांना तडाखेबंद फलंदाजी करावी लागेल. विराट कोहली किंवा डीव्हिलियर्समुळे डोकेदुखी वाढणार आहे असे वाटत असेल तर त्यात आता ख्रिस गेलचीही भर पडली आहे. सध्या तरी बेंगळुरूचा संघ जणू काही स्टेडियमच त्यांचे असल्याप्रमाणे खेळ करत आहेत.