...आणि बटलर नग्न नाचला!

मटा ऑनलाइन वृत्त । मुंबई

आयपीएल स्पर्धेच्या अंतिम सामन्यात मुंबई इंडियन्सनं पुण्यावर मिळविलेल्या विजयाचा आनंद मुंबईकडून खेळणारा क्रिकेटपटू जोस बटलर याला लपवता आला नाही. मुंबई विजयी होताच बटलर अक्षरश: नग्न होऊन नाचला. त्यानं स्वत:च इन्स्टाग्रावर शेअर केलेल्या व्हिडिओतून हे समोर आलं आहे.

यंदाच्या आयपीएलमध्ये जोस बटलर हा मुंबईच्या संघातून खेळत होता. मात्र, इंग्लंड आणि द. आफ्रिका संघात होणाऱ्या वन-डे मालिकेसाठी त्याची संघात निवड झाल्यानं त्याला आयपीएल अर्धवट सोडून मायदेशी परतावं लागलं. साहजिकच, मुंबई-पुण्यातील शेवटच्या सामन्यात त्याला खेळता आलं नाही. असं असलं तरी त्याचं मन भारतातच होतं. आपला संघ कशी कामगिरी करतो, यावर तो लक्ष ठेवून होता.

मुंबई व पुण्यामध्ये काल झालेला सामना बटलर एका हॉटेल रुममध्ये बसून पाहत होता. यावेळी त्याच्या अंगावर फक्त टॉवेल होता. मुंबईनं एका धावेनं सामना जिंकल्यामुळं बटलरचा आनंद गगनात मावेनासा झाला. हा आनंद व्यक्त करण्यासाठी त्यानं चक्क अंगाला गुंडाळलेला टॉवेल सोडला आणि तो नाचू लागला. इतकंच नव्हे तर अनोख्या सेलिब्रेशनचा हा व्हिडिओ त्यानं इन्स्टाग्रामवरही अपलोड केला. हा व्हिडिओ सोशल मीडियावर तुफान व्हायरला झाला आहे.   The winning moment!!! 😂😂😂😂😂😂🙈🙈🙈🙈🙈🙈🏆🏆🏆🏆🍾🍾🍾🍾🍾🍾🍾💥💥💥💥💥 A post shared by Jos Buttler (@josbuttler) on May 21, 2017 at 11:23am PDT