म. टा. क्रीडा प्रतिनिधी, मुंबई
माझ्या शाळेचा गणवेश हरवला म्हणून मी शाळेत आलो नाही, अशी बाळबोध कारणे पूर्वी शालेय जीवनात सहज सांगितली जायची. याच वळवणावर जाणारे बाळबोध कारण रविवारी अॅरॉन फिंचला आयपीएल लढतीत न खेळण्यासाठी पुरेसे ठरले. वानखेडे स्टेडियमवर पार पडलेल्या मुंबई इंडियन्सविरुद्धच्या महत्त्वाच्या आयपीएल लढतीला अॅरॉन फिंच मुकला. त्याला डगआऊटमध्येच बसावे लागले; संघाला त्याच्या योगदानाची नितांत गरज होती; पण फिंचला मैदानात उतरता आले नाही. याचे कारण ऐकाल हसूच येईल... अॅरॉन फिंच आपले क्रिकेटकिट राजकोटलाच विसरून आला. त्यामुळे त्याला मुंबई इंडियन्सविरुद्धच्या रविवारी पार पडलेल्या सामन्यात खेळता आले नाही.
गुजरात लायन्सचा याआधीचा सामना राजकोटला पार पडला. फटकेबाजीत माहीर असलेल्या फिंचचे क्रिकेटकिट तिथेच राहिले. गुजरात संघाचा कर्णधार सुरेश रैना यानेच ही माहिती दिली. त्याच्याऐवजी जेसन रॉयला संधी देण्यात आली. क्रिकेटपटूंच्या अन् त्यात फिंचसारख्या स्टार क्रिकेटपटूच्या किटला सहाजिकच मोठे प्रायोजक लाभले आहेत. त्यामुळे त्यांच्या व्यतिरिक्त इतर कुठल्याही कंपनीचे चिन्ह असलेले गणवेश तो घालू शकत नाही. यामुळे संघसहकाऱ्यापैकी कुणा दुसऱ्याचे किट वापरणेही शक्य नव्हते. नाणेफेकीसाठी सुरेश रैना आला तेव्हा तो म्हणाला, ‘दुर्दैवाने फिंची आज खेळणार नाही. तो त्याचे किटबॅग राजकोटलाच विसरला आहे. आम्ही तेथून किटबॅग मागविलीदेखील; पण ती विमानाने वेळेवर येऊ शकली नाही’.
आयपीएलच्या समालोचनासाठी सध्या भारतात असलेल्या ऑस्ट्रेलियाच्या माजी कसोटीपटू लिसा स्थळेकर या प्रकरणी गंमतीने म्हणतात, ‘तुमचा विश्वास बसेल की नाही ठाऊक नाही. रविवारी मुंबईविरुद्ध फिंच खेळू शकला नाही; कारण त्याची किटबॅग (खेळाचे साहित्य असलेली बॅग) तो राजकोटलाच विसरला आहे. तो कुणाकडून मागूनही साहित्य घेऊ शकला असता...’ सध्याच्या प्रायोजकांची आर्थिक गणिते लिसाला ठाऊक नसावीत; पण या विसरळभोळेपणामुळे फिंचवर विनोद झाले.
गुजरात लायन्सचा याआधीचा सामना राजकोटला पुणे सुपरजायंटविरुद्ध पार पडला. या लढतीत त्याने ३३ धावांची खेळी केली होती. त्याआधीच्या दोन झुंजींमध्ये त्याला १५ व ३ अशा धावाच करता आल्या होत्या.
माझ्या शाळेचा गणवेश हरवला म्हणून मी शाळेत आलो नाही, अशी बाळबोध कारणे पूर्वी शालेय जीवनात सहज सांगितली जायची. याच वळवणावर जाणारे बाळबोध कारण रविवारी अॅरॉन फिंचला आयपीएल लढतीत न खेळण्यासाठी पुरेसे ठरले. वानखेडे स्टेडियमवर पार पडलेल्या मुंबई इंडियन्सविरुद्धच्या महत्त्वाच्या आयपीएल लढतीला अॅरॉन फिंच मुकला. त्याला डगआऊटमध्येच बसावे लागले; संघाला त्याच्या योगदानाची नितांत गरज होती; पण फिंचला मैदानात उतरता आले नाही. याचे कारण ऐकाल हसूच येईल... अॅरॉन फिंच आपले क्रिकेटकिट राजकोटलाच विसरून आला. त्यामुळे त्याला मुंबई इंडियन्सविरुद्धच्या रविवारी पार पडलेल्या सामन्यात खेळता आले नाही.
गुजरात लायन्सचा याआधीचा सामना राजकोटला पार पडला. फटकेबाजीत माहीर असलेल्या फिंचचे क्रिकेटकिट तिथेच राहिले. गुजरात संघाचा कर्णधार सुरेश रैना यानेच ही माहिती दिली. त्याच्याऐवजी जेसन रॉयला संधी देण्यात आली. क्रिकेटपटूंच्या अन् त्यात फिंचसारख्या स्टार क्रिकेटपटूच्या किटला सहाजिकच मोठे प्रायोजक लाभले आहेत. त्यामुळे त्यांच्या व्यतिरिक्त इतर कुठल्याही कंपनीचे चिन्ह असलेले गणवेश तो घालू शकत नाही. यामुळे संघसहकाऱ्यापैकी कुणा दुसऱ्याचे किट वापरणेही शक्य नव्हते. नाणेफेकीसाठी सुरेश रैना आला तेव्हा तो म्हणाला, ‘दुर्दैवाने फिंची आज खेळणार नाही. तो त्याचे किटबॅग राजकोटलाच विसरला आहे. आम्ही तेथून किटबॅग मागविलीदेखील; पण ती विमानाने वेळेवर येऊ शकली नाही’.
आयपीएलच्या समालोचनासाठी सध्या भारतात असलेल्या ऑस्ट्रेलियाच्या माजी कसोटीपटू लिसा स्थळेकर या प्रकरणी गंमतीने म्हणतात, ‘तुमचा विश्वास बसेल की नाही ठाऊक नाही. रविवारी मुंबईविरुद्ध फिंच खेळू शकला नाही; कारण त्याची किटबॅग (खेळाचे साहित्य असलेली बॅग) तो राजकोटलाच विसरला आहे. तो कुणाकडून मागूनही साहित्य घेऊ शकला असता...’ सध्याच्या प्रायोजकांची आर्थिक गणिते लिसाला ठाऊक नसावीत; पण या विसरळभोळेपणामुळे फिंचवर विनोद झाले.
गुजरात लायन्सचा याआधीचा सामना राजकोटला पुणे सुपरजायंटविरुद्ध पार पडला. या लढतीत त्याने ३३ धावांची खेळी केली होती. त्याआधीच्या दोन झुंजींमध्ये त्याला १५ व ३ अशा धावाच करता आल्या होत्या.