खेळाडूवर बॅट फेकली, कोहलीला नडला; फक्त धावा नाही तर वादातही पोलार्ड कायम पुढेच...

मुंबई: वेस्ट इंडिजचा स्टार अष्टपैलू खेळाडू कायरन पोलार्डने आयपीएलमधून निवृत्ती घेतली आहे. आयपीएल २०२३ साठी खेळाडूंची कायम ठेवण्याची यादी बाहेर येण्यापूर्वीच त्याने हा मोठा निर्णय घेतला. आयपीएलमधून कायरन पोलार्डच्या निवृत्तीने एका युगाचा अंत झाला आहे. तो आता मुंबई इंडियन्सचा फलंदाजी प्रशिक्षक म्हणून निळ्या जर्सीत दिसणार आहे. एखाद्या गोलंदाजांचा धुरळा कसा उडवायचा हे पोलार्ड व्यवस्थित जाणतो. गेल्या मोसमात मुंबई इंडियन्सचा भाग असलेला पोलार्ड त्याच्या स्फोटक खेळामुळे तसेच वादांमुळे चर्चेत असतो. आयपीएलच्या या मोसमात पोलार्ड प्रशिक्षकाच्या भूमिकेत दिसणार आहे.

वाचा: शुभमन गिल कोणाला डेट करतोय; अफेअरच्या प्रश्नावर 'सार' काही सांगून टाकलं

त्याच्या कारकिर्दीतील ५ मोठे वाद

आयपीएल २०१४ मधील मुंबई इंडियन्स आणि रॉयल चॅलेंजर्स बंगळुरू यांच्यातील सामन्यादरम्यान पोलार्डने आपला संयम गमावला होता. त्याने आपली बॅट आरसीबीचा गोलंदाज मिचेल स्टार्कवर फेकली. जेव्हा स्टार्कला पोलार्डने त्याच्या रनअपवर परत जाण्यास सांगितले तेव्हा पोलार्ड क्रीजच्या आत असतानाही स्टार्कने त्याच्या दिशेने चेंडू फेकला, त्यानंतर पोलार्डने बॅट फेकली.

हेही वाचा: शोएब नव्हे तर या बॉलिवूड स्टार्ससोबत साजरा केला सानियाने आपला वाढदिवस, पाहा VIDEO

ज्या सामन्यात पोलार्डने स्टार्कच्या दिशेने बॅट फेकली, त्याच सामन्यात पोलार्ड आणि कोहली यांच्यात वाद झाला. पोलार्डची बॅट मिचेल स्टार्कच्या दिशेने भिरकावल्याने कोहली संतापला होता. दोघांमध्ये वादही बराच काळ सुरू होता.

मुंबई इंडियन्स आणि रॉयल चॅलेंजर्स बंगळुरू यांच्यातील आयपीएल सामन्यादरम्यान पोलार्ड एकदा तोंडावर टेप लावून मैदानात उतरला होता. ही घटना २०१५ ची आहे, जेव्हा ख्रिस गेलशी झालेल्या वादानंतर अंपायरने पोलार्डला तोंड बंद करण्यास सांगितले. पोलार्डने पुन्हा त्याच पद्धतीने प्रत्युत्तर दिले आणि तोंडाला पट्टी लावून मैदानात आला.

वाचा: "माझी फसवणूक झाली आहे..." रोनाल्डोच्या या वाक्याने एकच खळबळ; फुटबॉल क्लबवर स्टार खेळाडूने काढला राग

पोलार्डने या वर्षाच्या सुरुवातीला श्रीलंकेचा फलंदाज दानुष्का गुनाथिलकाला मैदानात अडथळा आणण्याचे आवाहन करत बाद केले होते. वेस्ट इंडिज आणि श्रीलंका यांच्यातील पहिल्या वनडे सामन्यादरम्यान ही घटना घडली. तथापि, गुनाथिलका यांनी जाणूनबुजून असे केले नसल्याचे रिप्लेवरून दिसून आले. नंतर पोलार्डने गुणथिलकाची माफीही मागितली.

आयपीएलच्या दहाव्या हंगामात कोलकाता नाईट रायडर्स आणि मुंबई इंडियन्स यांच्यातील सामन्यादरम्यान समालोचक संजय मांजरेकर म्हणाले की, 'पोलार्डची फलंदाजी करण्याची मानसिकता नाही, तो फक्त शेवटच्या षटकात फलंदाजी करू शकतो. ज्याला पोलार्डने ट्विटरवर उत्तर दिले की, तुम्ही जे बोलत आहात ते बरोबर आहे असे तुम्हाला वाटते, कारण तुम्हाला बोलण्यासाठी पैसे मिळतात, तुम्ही तुमची वायफळ बडबड सुरू ठेवू शकता.