अर्जुन तेंडुलकरचा मुंबई इंडियन्समधून पत्ता कट; फक्त ७ खेळाडूंना ठेवले कायम , पाहा संपूर्ण यादी

नवी दिल्ली: मुंबई इंडियन्सच्या संघाने आता आपल्या संघात जे खेळाडू कायम राहतील, याची एक यादी जाहीर केली आहे. या यादीमध्ये सात खेळाडूंचा समावेश करण्यात आला आहे. पण यामध्ये आता सचिन तेंडुलकरचा मुलगा आणि युवा वेगवान गोलंदाज अर्जुनचे नाव आहे की नाही, हे समोर आले आहे. त्यामुळे आता मुंबई इंडियन्समधून अर्जुन तेंडुलकरचा पत्ता कट झाला का, अशी चर्चा सुरु झाली आहे.

मेगा लिलावात अर्जुन तेंडुलकरला मुंबई इंडियन्स संघाने ३० लाखांची बोली लावून विकत आपल्या संघात दाखल केले होते, पण त्याला एकाही सामन्यात खेळण्याची संधी मिळाली नाही. त्याचवेळी काही जणांनी अर्जुन तेंडुलकरला पुढील आयपीएलपूर्वी मुंबई इंडियन्सच्या संघाने संघात ठेवले नाही, अशी चर्चा सुरु झाली होती.

मुंबई सोडून अर्जुन गोव्याशी जोडला गेला आहे
मुंबईतील युवा अष्टपैलू खेळाडूने अलीकडेच मुंबई सोडली आणि आपल्या कारकिर्दीला नवी दिशा देण्यासाठी गोव्याकडून खेळायला सुरुवात केली. मुंबई क्रिकेटमध्ये एकापेक्षा एक प्रतिभावान खेळाडूंची फौज आहे. या स्थितीत संधी मिळत नसल्याचे पाहून अर्जुन तेंडुलकरने देशांतर्गत क्रिकेटमध्ये मुंबईहून गोव्याला मजल मारली आहे. अशा परिस्थितीत मुंबईचा संघ त्याला आयपीएलमध्ये कायम ठेवत नसेल, तर नवल वाटायला नको. त्याचबरोबर अर्जुनला मुंबई इंडियन्समध्ये सतत संघाचा भाग राहूनही प्लेइंग इलेव्हनमध्ये खेळण्याची संधी मिळालेली नाही. अशा परिस्थितीत, जर तो मिनी लिलावात इतर कोणत्याही संघात सामील झाला तर कदाचित तो आयपीएलमध्ये पदार्पण करताना दिसू शकेल.

मुंबईच्या संघाने बाहेर काढलेल्या संभाव्य खेळाडूंची यादी
मुख्यतः किरॉन पोलार्ड, फॅब एलन आणि टायमल मिल्स यांची नावे जाहीर झाली असली तरी, याशिवाय अनमोलप्रीत सिंग, मोहम्मद अर्शद खान, मयंक मार्कंडेय, संजय यादव, रमणदीप सिंग, अर्जुन तेंडुलकर, आर्यन जुयाल, आकाश मधवाल, राहुल बुद्धी आणि मुरुगन अश्विन यांची नावे प्रसिद्ध झाली नाहीत, पण त्यांच्या या यादीमध्ये समावेश असल्याचे म्हटले जात आहे.

मुंबई इंडियन्सने रिटेन केलेले संभाव्या खेळाडू...रोहित शर्मा, जसप्रीत बुमराह, सूर्यकुमार यादव, डेवाल्ड ब्रेविस, ट्रिस्टन स्टब्स आणि टीम डेव्हिड आणि इशान किशन या खेळाडूंच्या नावांचा उल्लेख केला जात आहे ज्यांना मुंबई इंडियन्स संघ आयपीएलसाठी कायम ठेवू शकतो.