पोलार्डनंतर CSKच्या या दिग्गज खेळाडूनं घेतली IPL मधून निवृत्ती, येत्या सीझनमध्ये नव्या भूमिकेत

मुंबई: टी-२० विश्वचषकानंतर आयपीएल २०२३ स्पर्धेच्या हालचालींना वेग आला. रिटेन आणि रिलीज खेळाडूंची यादी आणि मग आता आयपीएल २०२३ लिलावाची तारिखदेखील जाहीर झाली आहे. येत्या २३ डिसेंबरला कोची येथे हा लिलाव होणार आहे. तत्पूर्वी आयपीएलमधून अजून एका दिग्गज खेळाडूच्या निवृत्तीची बातमी समोर आली आहे. हा दिग्गज खेळाडू आयपीएलमधून निवृत्त झाला असला तरी त्याच संघाकडून एका नव्या भूमिकेत दिसणार आहे.

इंडियन प्रीमियर लीगमधील १६१ सामन्यांत १८३ विकेट्स घेऊन आयपीएलच्या इतिहासात सर्वाधिक विकेट घेणारा ब्राव्हो आपल्याला आता आयपीएलमध्ये मैदानावर खेळताना दिसणार नाही. वेस्ट इंडिजचा माजी अष्टपैलू खेळाडू ड्वेन ब्राव्होने निवृत्तीची घोषणा केली आहे. परंतु आगामी हंगामासाठी तो चेन्नई सुपर किंग्जचा गोलंदाजी प्रशिक्षक म्हणून काम करताना दिसणार आहे. ब्राव्हो चेन्नई सुपर किंग्ज संघामध्ये एल बालाजीची जागा घेईल, ज्याने वैयक्तिक कारणांमुळे २०२३ च्या सीझनमधून ब्रेक घेतला आहे.

वाचा: मुंबई इंडियन्स संघाबद्दल मोठी अपडेट, MI ला मिळाले दोन नवे कर्णधार

"मी या नवीन प्रवासाची वाट पाहत आहे, कारण माझे खेळण्याचे दिवस पूर्ण झाल्यानंतर मी स्वत: असे काहीतरी करताना पाहत आहे. मला गोलंदाजांसोबत काम करणे आवडते आणि ही एक भूमिका आहे ज्याबद्दल मी उत्सुक आहे. खेळाडूपासून प्रशिक्षकापर्यंत, मला वाटत नाही कि मला फार जुळवून घ्यावे लागेल. कारण मी खेळत असताना, मी नेहमी गोलंदाजांसोबत काम करतो आणि फलंदाजांपेक्षा एक पाऊल पुढे कसे असावे यासाठी योजना आणि कल्पना मांडण्याचा प्रयत्न करतो. फरक एवढाच आहे की मी यापुढे मिड ऑन किंवा मिड-ऑफवर उभा नसेन. "मला कधीच वाटले नव्हते की मी आयपीएलच्या इतिहासात आघाडीचा विकेट घेणारा गोलंदाज ठरेल. पण आयपीएलच्या इतिहासाचा एक भाग बनल्याचा मला आनंद आहे,” ब्राव्होने एका निवेदनात म्हटले आहे.

हेही वाचा: मुंबई इंडियन्स संघाबद्दल मोठी अपडेट, MI ला मिळाले दोन नवे कर्णधार


वाचा: ऋतुराज गायकवाडची बॅट पुन्हा तळपणार? महाराष्ट्राचा संघाची आज फायनल; वाचा कुठे पाह

कायरन पोलार्डने आयपीएलमधून निवृत्तीची घोषणा केल्यानंतर आणि मुंबई इंडियन्सच्या बॅटिंग कोचच्या भूमिकेत सामील झाल्याच्या एका महिन्यानंतर, ब्राव्होनेही अशाच पद्धतीचा अवलंब केला आहे. पहिल्या दोन सीझनमध्ये मुंबई इंडियन्ससोबत सुरुवात केल्यावर, ब्राव्होने २०१० मध्ये चेन्नईच्या संघात स्विच केले आणि तो सुपरस्टार बनला, दोनदा पर्पल कॅप जिंकून तो फ्रँचायझीसाठी महत्त्वाचा खेळाडू बनला. ब्राव्हो सीएसकेच्या चारही आयपीएल विजयी मोहिमांचा भाग होता.

हेही वाचा: फिफा विश्वचषकादरम्यान मोठी दु:खद बातमी, सराव करत असताना २२ वर्षीय फुटबॉलपटूचे निधन

"आयपीएलमधील जबरदस्त कारकिर्दीबद्दल ड्वेन ब्राव्होचे अभिनंदन. तो एका दशकाहून अधिक काळ सुपर किंग्ज कुटुंबाचा महत्त्वाचा सदस्य आहे आणि आम्ही हे नाते तसेच कायम ठेवण्यास उत्सुक आहोत. ब्राव्होचा अफाट अनुभव आमच्या खेळाडूंसाठी आणि सपोर्ट स्टाफसाठी खूप मोलाचा असेल. त्यांच्या मार्गदर्शनाखाली आमचा गोलंदाजी गट भरभराटीला येईल, असा आम्हाला विश्वास आहे," चेन्नई सुपर किंग्जचे सीईओ काशी विश्वनाथन म्हणाले.