आयपीएल सुरु होण्यापूर्वीच धोनीने जिंकली सर्वांची मनं, एकच कृती अन् व्हिडिओ व्हायरल

चेन्नई : महेंद्रसिंग धोनीने आतापर्यंत खेळताना बऱ्याचदा चाहत्यांची मनं जिंकली आहेत. पण आता तर आयपीएल सुरु झाली नाही, पण आयपीएल सुरु होण्यापूर्वीच धोनीने सर्वांची मनं जिंकली आहेत. धोनीचा एक व्हिडिओ सध्याच्या घडीला जगभरात चांगलाच व्हायरल झाला आहे.

आयपीएल सुरु होण्यापूर्वी धोनी हा चेन्नईत दाखल झाला आहे. चेन्नईत धोनी हा चांगलाच घाम गाळत आहे आणि सराव करत आहे. धोनीचे सरावाचे व्हिडिओ सर्वच पाहत असतील. पण धोनीचा हा व्हिडिओ मात्र खास आहे. हा व्हिडिओ सराव करतानाचा नाही, तसेच नेट्समधला देखील नाही. हा व्हिडिओ चेपॉकच्या स्टेडियममधला आहे. धोनीन यावेळी अशी एक कृती केली आहे की, त्याने सर्वांचीच मनं यावेळी जिंकली आहेत.

आपल्या संघावर किती प्रेम असावं, हे धोनीकडून शिकायला हवं. कारण आपलं स्टेडियम चागलं दिसावं, यासाठी धोनीने एक पाऊल उचलले आहे. आयपीएल सुरु होण्यापूर्वी चेपॉक स्टेडियमच्या खुर्च्या पिवळ्या रंगाने रंगवल्या जात आहेत. आपणही त्यामध्ये सहभाग घ्यावा आणि संघासाठी हे एक काम करावे, असे धोनीला वाटले. त्यामुळे धोनीने स्प्रे हातात घेतला आणि त्याने खुर्च्या रंगवल्याचे पाहायला मिळाले. धोनीचा हा व्हिडिओ चाहत्यांच्या पसंतीस पडला आहे आणि तो व्हायरल झाला आहे.

IPL २०२३ ची सुरुवात ३१ मार्च पासून होत आहे. या हंगामाचा पहिला सामना आयपीएलचा सर्वात लोकप्रिय संघ सीएसके आणि गतविजेत्या गुजरात जायंट्स यांच्यामध्ये खेळला जाणार आहे. त्यामुळे भारताचा माजी कर्णधार एम. एस. धोनीला खेळताना बघायला मिळणार असल्याने चाहते उत्सुक आहेत. धोनीने २०२० साली आंतरराष्ट्रीय क्रिकेटमधून निवृत्ती घेतल्याने त्याचे चाहते त्याला खेळताना बघण्यासाठी उत्सुक असतात.

धोनी आयपीएलमध्ये सीएसकेचं नेतृत्व करताना दिसणार आहे. गेल्या वर्षी त्यानं सीएसकेचं कर्णधारपद सोडण्याचा निर्णय घेतला होता. कारण त्यावेळी जडेलाला कर्णधारपद देण्यात आले होते. पण जडेजाला हे कर्णधारपद सांभाळता आले नाही आणि त्यामुळे पुन्हा एकदा धोनीकडे संघाचे नेतृत्व सोपवण्यात आले होते. त्यावेळी जडेजाला संघाबाहेर करण्यात येणार, असेही म्हटले जाऊ लागले होते. पण जडेजा हा CSK च्या संघाला भाग कायम असणार आहे.