विजयानंतर चेन्नईच्या संघाला मिळाली अजून एक गुड न्यूज, सामन्यानंतर नेमकं काय घडलं पाहा...

नवी दिल्ली : चेन्नईच्या संघाने गुजरात टायटन्सवर मोठा विजय साकारला. त्यामुळे या विजयानंतर चेन्नईच्या संघासाठी अजून एक गुड न्यूज आली आहे. हा सामना संपला आणि त्यानंतर चेन्नईच्या संघासाठी ही आनंदाची बातमी मिळाली.

चेन्नईने आपल्या घरच्या मैदानात गुजरातचा चांगलाच समाचार घेतला. हा सामना एकतर्फी चेन्नईच्या बाजूने झाल्याचे पाहायला मिळाले. ऋतुराज गायकवाड आणि शिवम दुबे यांनी धडाकेबाज फटकेबाजी केली. त्यामुळेच चेन्नईच्या संघाला प्रथम फलंदाजी करताना २०६ धावांचा डोंगर उभारता आला. या आव्हानाचा पाठलाग करण्यासाठी गुजरातचा संघ मैदानात उतरला खरा, पण चेन्नईच्या गोलंदाजांनी अचूक मारा केला आणि त्यांना १४३ धावांवरच रोखले. त्यामुळे चेन्नईच्या संघाला या सामन्यात ६३ धावांनी विजय मिळवता आला. हा सामना संपला आणि त्यानंतर चेन्नईच्या संघाला अजून एक गुड न्यूज मिळाली.

आयीएलमध्ये आत्तापासूनच चढाओढ सुरु झाली आहे. चेन्नईचा संघ यामध्ये सर्वात पुढे आहे. कारण चेन्नईने पहिल्या सामन्यात आरसीबीवर विजय मिळवला होता. त्यानंतर चेन्नईचा हा या आयपीएलमधील दुसरा विजय ठरला आहे. चेन्नईने जेव्हा पहिला विजय मिळवला तेव्हा त्यांना गुणतालिकेत मोठी मजल मारता आली नव्हती. पण गुजरातच्या सामन्यात त्यांनी मोठा विजय साकारला. त्यामुळे आता दोन सामन्यांत चेन्नईचे दोन विजय झाले आहेत. त्यामुळे चेन्नईच्या खात्यात आता चार गुण आहेत. आतापर्यंत आयपीएलमध्ये चार गुण कमावणारा चेन्नई हा एकमेव संघ ठरला आहे. त्याचबरोबर चेन्नईचा संघ हा गुणतालिकेत अव्वल स्थानावर विराजमान झाला आहे, त्यामुळे त्यांच्या चाहत्यांसाठी ही एक आनंदाची बातमी आहे. चेन्नईचा दुसरा सामना संपला आणि त्यानंतर गुणतालिकेत अपडेट करण्यात आली. त्यामध्ये चेन्नईचा संघ हा गुणतालिकेत अव्वल स्थानावर पोहोचल्याचे समोर आले आहे.

चेन्नईचा संघ हा सध्याच्या घडीला चांगल्या फॉर्मात आहे. चेन्नईचा कर्णधार बदलला, पण तरीही त्यांच्या विजयाच्या मार्गात कोणताही अडथळा आलेला नाही. त्यामुळे चेन्नईचा संघ आता या आयपीएलमध्ये जेतेपद पटकावणार का, याची उत्सुकता सर्वांना लागलेली असेल.