GT vs MI: मुंबई इंडियन्ससाठी क्वालिफायर सामन्यात ती १२ षटके अधिक महत्त्वाची, नाहीतर...

अहमदाबाद: IPL 2023 च्या अंतिम फेरीत स्थान मिळवण्यासाठी मुंबई इंडियन्स आणि गुजरात टायटन्स (MI vs GT Qualifier 2) यांच्यात सामना होणार आहे. या दोघांमध्ये दुसरा क्वालिफायर अहमदाबाद येथील नरेंद्र मोदी स्टेडियमवर खेळवला जाणार आहे. मुंबई आणि गुजरातमधून जो संघ जिंकेल तो २८ मे रोजी एमएस धोनीच्या चेन्नई सुपर किंग्जविरुद्ध अंतिम सामना खेळेल. मुंबई इंडियन्स आणि गुजरात टायटन्स या दोन्ही संघांना अंतिम फेरीत स्थान मिळवायचे आहे. तर दोन्ही संघही दमदार फॉर्मात आहेत पण मुंबई इंडियन्ससाठी आजच्या सामन्यात १२ षटके का महत्त्वाची असणार आहेत जाणून घेऊया.

हार्दिक पांड्याचा गुजरात आणि रोहित शर्माची मुंबई या मोसमात तिसऱ्यांदा आमनेसामने आहेत. दोघांमधील पहिला सामना २५ एप्रिल रोजी झाला, जिथे गुजरातने ५५ धावांनी विजय मिळवला. यानंतर १२ मे रोजी मुंबईने २७ धावांनी विजय मिळवत चांगलाच बदला घेतला. आता पुन्हा एकदा दोघेही मोठ्या स्पर्धेत आमनेसामने आहेत. मागील दोन्ही सामन्यांवर नजर टाकली तर मुंबईचा खरा सामना फक्त १२ षटकांचा आहे. या १२ षटकांत रोहितच्या फलंदाजांनी धावा केल्या तर गुजरातसाठी कठीण होईल, अन्यथा ही १२ षटके त्यांच्या पराभवाची वाट तयार करू शकतात.

GT vs MI क्वालिफायर-२ पावसामुळे रद्द झाल्यास मुंबई इंडियन्सला बसणार मोठा फटका, जाणून घ्या कारण
क्वालिफायर २ मध्ये मुंबईसाठी महत्त्वाची १२ षटके मोहम्मद शमी, रशीद खान आणि नूर अहमद यांची प्रत्येकी ४-४ षटके असतील. हे तिन्ही गोलंदाज रोहितच्या चाहत्यांसाठी डोकेदुखी ठरू शकतात. गुजरातच्या संघासाठी

वेगवान गोलंदाज शमीने १५ मध्ये १७.३८ च्या सरासरीने २६ विकेट घेतल्या. त्याच्याकडे सध्या पर्पल कॅप आहे. गुजरातचा स्टार गोलंदाज राशिद खान पर्पल कॅपमध्ये दुसऱ्या क्रमांकावर आहे. राशिदने १९ च्या सरासरीने २५ विकेट घेतल्या. म्हणजेच दोघांनी मिळून आतापर्यंत ५१ विकेट घेतल्या आहेत. नूर अहमदने ११ सामन्यात १४ विकेट घेतल्या. हे तिघेही मुंबईसाठी खूपच धोकादायक ठरू शकतात. त्यांच्या विकेट्सच्या आकड्यांवरून त्याची कल्पना स्पष्टपणे येत आहे, परंतु विकेट्ससोबतच तो धावांवरही नियंत्रण ठेवतो. शमीने या मोसमात सर्वाधिक १८२ डॉट बॉल टाकले आहेत.

सावधान!

मुंबईने गेल्या सामन्यात गुजरातविरुद्ध शानदार विजय नोंदवला. पण यामागील सामन्यात मुंबईने ५ विकेट्स गमावले होते. ज्यामध्ये ईशान किशन, रोहित शर्मा, नेहल वढेरा आणि टीम डेव्हिडच्या विकेट्स एकट्या राशिद खानने घेतल्या होत्या. तर दुसरीकडे पहिल्याच सामन्यात गुजरातने आपल्या गोलंदाजांच्या जोरावर मुंबईवर ५५ धावांनी मोठा विजय मिळवला. २१९ धावांच्या लक्ष्याला प्रत्युत्तर देताना गुजरातच्या गोलंदाजांनी मुंबईला २० षटकांत १५२ धावांत रोखले.


रशीदने इशान किशन, तिलक वर्मा यांना पॅव्हेलियनमध्ये धाडले, तर मुंबईचे सर्वात महागडे खेळाडू कॅमेरून ग्रीन, स्फोटक फलंदाज सूर्यकुमार यादव, टीम डेव्हिड यांना नूर अहमदने पॅव्हेलियनमध्ये पाठवले. ग्रीन आणि सूर्या हे दोघेही सध्या उत्कृष्ट फॉर्ममध्ये आहेत. अशा परिस्थितीत त्यांनी अधिक सावध राहण्याची गरज आहे.