पावसामुळे IPL Final 2023 झाली नाही तर कसा ठरवणार विजेता; जाणून घ्या आयपीएलचे नियम

अहमदाबाद : शुक्रवारी मुंबई इंडियन्स विरुद्ध गुजरात टायटन्स लढतीच्याआधी पावसाचा अडथळा आला होता. ज्यामुळे लढत जवळपास अर्धातास विलंबाने सुरू झाली. रविवारी रंगणाऱ्या आयपीएल अंतिम लढतीच्यावेळीही वीजांसह पावसाची शक्यता वर्तविण्यात आली आहे. त्यामुळे या सामन्यात जर पाऊस पडला तर काय होऊ शकते, याते नियम आता समोर आले आहे.

हवामानाच्या वेबसाइटनुसारही लढतीच्याआधी अगदी सातवाजेपर्यंत पावसाची शक्यता असल्याचे नमूद करण्यात आले असून त्यानंतर म्हणजेच संध्याकाळी साडेसातनंतर पावसाची शक्यता थोडी कमी आहे. पण सामन्याची जी नियोजित वेळ आहे त्यावेळी मात्र पाऊस पडणार असल्याची जोरदार शक्यता आहे. पण जोपर्यंत पाऊस थांबणार नाही तोपर्यंत सामना सुरु होऊ शकत नाही.

... तर राखीव दिवस
आयपीएलच्या नियमांनुसार आज, रविवार २९ मे रोजी अहमदाबादच्या नरेंद्र मोदी स्टेडियमवर रंगणाऱ्या अंतिम फेरीसाठी राखीव दिवसाचे प्रयोजन करण्यात आले आहे. या राखीव दिवशी अतिरिक्त १२० मिनिटांता अवधी उपलब्ध असेल. अन् जर का अंतिम लढत रविवारी सुरू झाली अन् सामन्यातील पहिल्या चेंडूनंतर काही कारणास्तव सामना झालाच नाही, तर सामना दुसऱ्या दिवशी म्हणजेच राखीव दिवशी होईल. असा सामना जिथे आदल्यादिवशी थांबला होता, तिथूनच सुरू होईल. अन् राखीव दिवशीदेखील पावसाचा व्यत्यय आला. सुपर ओव्हर खेळविणेही शक्य झाले नाही, तर प्रतिस्पर्धी संघांच्या साखळीतील क्रमांकावरून विजेता घोषित होईल. या गोष्टीचा अर्थ असा होतो की जर राखीव दिवशीही हा सामना होऊ शकला नाही तर गुजरात टायटन्स हा संघ विजेता ठरू शकतो. पण पावसानंतर साधारण सामना हा संध्याकाळी ७.३० ला सुरु होतो. पण त्यापूर्वी हा पाऊस आणि सामन्याचा एक तास त्यामुळे वाया जाऊ शकतो. त्यामुळे या सामन्याचा टॉस हा ७.४५ च्या दरम्यान सुरु होऊ शकतो आणि सामना रात्री ८.०० वाजता सुरु होऊ शकतो, असे भाकीत वर्तवले जात आहे. हा सामना जर रात्री ९.४० च्या आधी सुरु झाला तर तो २० षटकांचा होणार, आयपीएलच्या नियमांमध्ये म्हटले गेले आहे. त्यामुळे आयपीएलचा अंतिम फेरीचा सामना हा २० षटकांचा होऊ शकतो.

या सामन्याच्या पूर्वी पाऊस पडणार असल्याचे हवामान खात्याने म्हटले आहे. त्यामुळे आता या सामन्यात किती वेळ पाऊस पडतो, हे पाहणे महत्वाचे असेल.