RR vs KXIP स्फोटक फलंदाजी पाहून सेहवाग म्हणाला, तेवतियाच्या अंगात देवी आली!

नवी दिल्ली: IPL 2020 किंग्ज इलेव्हन पंजाब विरुद्धच्या सामन्यात राजस्थान रॉयल्सने (RR vs KXIP) विक्रमी विजय मिळवला. या विजयात स्फोटक फलंदाज संजू सॅमसन आणि त्यानंतर राहुल तेवतिया (Rahul Tewatia) ने धमाकेदार फलंदाजी केली. सोशल मीडियावर राहुल तेवतियाचे कौतुक केले जात आहे. प्रथम फलंदाजी करताना पंजाबने २२३ धावा उभ्या केल्या. धावांचा डोंगर पार करताना राजस्थानची अवस्था खराब झाली जेव्हा मोहम्मद शमीने संजू सॅमसनला बद केले. पण त्यानंतर शारजा मैदानावर एक वादळ आले.

वाचा- IPLच्या इतिहासात असा सामना झाला नाही; पाहा व्हिडिओ

राहुल तेवतियाने शेल्डन कॉर्टेलच्या एका षटकात ५ षटकार मारले आणि या सामन्याची दिशाच बदलली. तेवतियाच्या या स्फोटक फलंदाजीचे कौतुक सर्व जण करत आहेत. भारताचा माजी धडाकेबाज फलंदाज विरेंद्र सेहवागने ट्विटकरून म्हटले आहे की, तेवतियाच्या अंगात माता आली आहे. क्रिकेटमध्ये काय कमबॅक केले आहे. क्रिकेट देखील आयुष्यासारखे आहे एका क्षणात बदलते.


वाचा- IPL मध्ये आज महामुकाबला; रोहित विरुद्ध विराट, कोणाचे पारडे जड?

राहुल तेवतियाने ३१ चेंडूत सात षटकार मारले. त्याने पहिल्या १९ चेंडूत फक्त ८ धावा केल्या होत्या. पण त्यानंतरच्या १२ चेंडूत ४५ धावा केल्या. तेवतियाच्या या खेळीने राजस्थान रॉयल्सने आयपीएलच्या इतिहासातील सर्वात मोठ्या धावसंख्येचा यशस्वी पाठलाग केला. तेवतियाने १२ चेंडूत ६,०,२,१,६,६,६,६,०,६,६,W अशी खेळी केली.


वाचा- सामना झाल्यानंतर राहुल तेवतिया म्हणाला, मला छान वाटत आहे. मी २० चेंडू अत्यंत खराब खेळली होती. पण नेटमध्ये चांगला सराव केला होता. त्यामुळे स्वत:वर विश्वास होता. मी प्रयत्न करत गेलो.