IPL: मुंबईविरुद्धच्या लढतीआधी चेन्नईने खेळला सराव सामना; पाहा Video

दुबई : आयपीएल (IPL 2020) मधील दुसऱ्या क्रमांकाचा सर्वात यशस्वी संघ चेन्नई सुपर किंग्जची तयारी जोरदार सुरू आहे. दुबईमध्ये पोहोचल्यानंतर चेन्नई संघावर एकापाठोपाठ एक संकट आली होती. पण आता चेन्नई संघ पूर्णपणे सज्ज झाला आहे. चेन्नई संघातील खेळाडूंनी एक सराव सामना खेळला. आयपीएलमधील एखाद्या संघाने खेळलेला हा पहिलाच सराव सामना ठरावा. याचा व्हिडिओ चेन्नईने सोशल मीडियावर शेअर केला आहे.

वाचा- IPL: २१ क्रिकेटपटू कधी येणार, या संघांना कर्णधारांशिवाय खेळावे लागले

चेन्नई संघातील खेळाडूंच्या सराव सामन्याचा हा व्हिडिओ पाहताना खरोखर सामना सुरू असल्या सारखे वाटले. चेन्नईतील खेळाडूंचे दोन संघ केले जातात. त्याची यादी बोर्डावर लावली जाते आणि सुरू होतो सामना....

वाचा- IPL मधील ८ कर्णधार; जाणून घ्या सर्वात यशस्वी कोण

या सामन्यात धोनी (MS Dhoni) विकेटकिपिंग करत असल्याचे दिसत आहे. तर गोलंदाजी उत्साहाने चेंडू टाकत आहेत. व्हिडिओत शेन वॉट्सन, केदार जाधव आणि धोनी यांची फलंदाजी देखील दिसत आहे. आयपीएलचा १३वा हंगाम सुरू होण्याआधी धोनीने ऑगस्ट महिन्यात आंतरराष्ट्रीय क्रिकेटमधून निवृत्ती घेतली होती. आता धोनीला फक्त यलो जर्सीमध्ये पाहता येणार आहे.

वाचा- मुंबई इंडियन्सकडे आहे हा घातक गोलंदज; विकेटचे दोन तुकडे


दुबईला पोहोचल्यानंतर चेन्नई संघातील दोन खेळाडूंसह १३ जणांना करोना झाला होता. त्यानंतर सुरेश रैना आणि हरभजन सिंग यांनी वैयक्तीक कारणामुळे माघार घेतली होती. यासर्व धक्क्यातून सावरत चेन्नईने सरावात जोरदार कमबॅक केल्याचे चित्र आहे.

वाचा- IPLमध्ये रोहित शर्माची नजर 'या' चार विक्रमांवर; पाहा हिटमॅन कोणते रेकॉर्ड करू शकतो

चेन्नईचा पहिला सामना मुंबई इंडियन्स संघाविरुद्ध १९ सप्टेंबर रोजी होणार आहे.