IPL 2021 Points Table: पंजाब किंग्जच्या विजयाने दिल्ली कॅपिटल्सचा फायदा; मुंबई इंडियन्सची डोकेदुखी वाढली

नवी दिल्ली: आयपीएलच्या १४व्या हंगामात शुक्रवारी झालेल्या लढतीत पंजाब किंग्जने कोलकाता नाईट रायडर्सचा ५ विकेटनी पराभव केला. या विजयासह पंजाबने गुणतक्त्यात पाचवे स्थान मिळवले. पंजाबने मुंबई इंडियन्सला सहाव्या स्थानावर ढकलले आणि प्ले ऑफसाठीच्या आशा कायम ठेवल्या.

वाचा- IPLच्या इतिहासातील सर्वात मोठा विक्रम धोक्यात; या खेळाडूकडे सुवर्ण संधी

पंजाब आणि कोलकाता याची लढत सुरू होण्याआधी फक्त चेन्नई सुपर किंग्ज प्ले ऑफसाठी पात्र ठरला होता. पण पंजाबच्या विजयामुळे दिल्ली कॅपिटल्सला फायदा झाला. अन्य संघांच्या लढतीचा विचार करता पंजाबच्या विजयांतर दिल्लीने देखील प्ले ऑफमध्ये प्रवेश केला. त्यामुळे आता प्ले ऑफसाठीच्या दोनच जागा शिल्लक आहेत. त्यासाठी रॉयल चॅलेंजर्स बेंगळुरू, कोलकाता नाईट रायडर्स, पंजाब किंग्ज, मुंबई इंडियन्स हे चार संघ स्पर्धेत आहेत. या शिवाय राजस्थान रॉयल्स संघाला देखील प्ले ऑफमध्ये जाण्याची संधी आहे. पण त्यासाठी त्यांना इतर संघांच्या निकालावर अवलंबून रहावे लागले.

वाचा- क्रिकेट न्यूजमुंबई इंडियन्सच्या कोचने केली हार्दिक पंड्याची पोल खोल, उपस्थित केले गंभीर प्रश्न

सध्या चेन्नई १८ गुणांसह पहिल्या, दिल्ली १६ गुणांसह दुसऱ्या स्थानावर आहे. आरसीबीचे १४ गुण असून त्यांच्या अजून ३ लढती शिल्लक आहेत. कोलकाताचे १० गुण असून त्यांच्या २ लढती, पंजाबची देखील अशीच अवस्था आहे. मुंबई इंडियन्सचे १० गुण आहेत पण त्याच्या ३ लढती शिल्लक आहेत. मुंबईला प्ले ऑफमध्ये पोहोचायचे असेल तर कोणत्याही परिस्थितीत पुढील तिनही लढती जिंकाव्या लागतील.

वाचा- जिंका नाही तर घरी जा; प्लेऑफमध्ये पोहोचण्यासाठी मुंबई इंडियन्सला...