IPLमध्ये असे काय झाले की, सुनील गावस्करांना आली १९८३ वर्ल्डकपची आठवण

दुबई: आयपीएलच्या १४व्या हंगामात बुधवारी झालेल्या लढतीत दिल्ली कॅपिटल्सने सनरायझर्स हैदराबादचा ८ विकेटनी पराभव केला आणि गुणतक्त्यात अव्वल स्थानी झेप घेतली. या सामन्यात हैदराबाद संघाची फलंदाजी आणि गोलंदाजी चांगली झाली नसली तरी कर्णधार केन विलियमसनने सर्वांचे मन जिंकले.

वाचा- क्रिकेटच्या नियमात ऐतिहासिक बदल; या पुढे फलंदाजाला...

केनने दिल्लीच्या डावातील तिसऱ्या षटकात मागे पळत जाऊन सलामीवीर पृथ्वी शॉचा कॅच घेतला. यासाठी त्याला बेस्ट कॅचचा पुरस्कार देण्यात आला. भारताचे माजी कर्णधार सुनील गावस्कर हा कॅच पाहिल्यानंतर म्हणाले, कपील देव यांची आठवण आली. १९८३च्या वर्ल्डकप फायनलमध्ये कपील देव यांनी मदन लाल यांच्या गोलंदाजीवर व्हिव्हियन रिचर्डस यांचा शानदार कॅच पकडला. त्या कॅचमुळे सामना भारताच्या बाजूने झुकला आणि भारताने वर्ल्डकप जिंकला.

वाचा- सामना सुरू होण्याआधीच मुंबई इंडियन्स बॅकफूटवर; रोहितच्या खेळण्यावर प्रश्नचिन्ह कायम


वाचा- न्यूझीलंड संघाला धमकीचा ईमेल भारतातून पाठवला; पाकचा कांगावा

या सामन्यात पंतच्या एका चुकीमुळे आर अश्विनला टी-२० मध्ये २५० विकेट पूर्ण करता आल्या नाहीत. हैदराबादच्या डावात अश्विनच्या चेंडूवर दिल्लीचा कर्णधार पंतने विलियमसनचा एक सोपा कॅच सोडला. भारताकडून टी-२० क्रिकेटमध्ये अमित मिश्रा आणि पियूष चावला यांनी सर्वाधिक विकेट घेतल्या आहेत. दोघांनी प्रत्येकी २६२ विकेट घेतल्या आहेत.

वाचा-रोहित, विराट मागे पडले; हा खेळाडू झाला IPLचा नवा किंग

हैदराबादवरील या विजयाने दिल्लीने १४ गुणांसह अव्वल स्थान मिळवले. तर हैदराबाद संघ सर्वात तळालाच राहिलाय. हैदराबादला ८ पैकी फक्त १ सामन्यात विजय मिळवता आलाय. त्याचे आता ६ सामने शिल्लक असून या सर्व सामन्यात विजय मिळाला तरी त्यांना प्लेऑफमध्ये पोहोचता येईल असे वाटत नाही.