IPL 2022 : दीपक चहर आणि ऋतुराज यांच्या फिटनेसचा सस्पेंस कायम; CSKने दिली माहिती

IPL 2022 : चेन्नई सुपर किंग्जचा (CSK) कर्णधार महेंद्रसिंह धोनीसमोर सध्या संघातील दोन महत्त्वाच्या खेळाडूंची तंदुरुस्ती हा चिंतेचा विषय आहे. वेस्ट इंडिजविरुद्धच्या शेवटच्या मालिकेदरम्यान दोन्ही खेळाडूंना दुखापत झाली होती. दोघांच्या फिटनेसवर अजूनही सस्पेन्स कायम आहे. या संदर्भात फ्रँचायझीचे सीईओ काशी विश्वनाथन यांनी रविवारी (१३ मार्च) एक निवेदन दिले आहे.

वाचा- टीम इंडिया विश्वविक्रमाच्या उंबरठ्यावर; क्रिकेटमध्ये आजवर कोणी केली नाही अशी कामगिरी

विश्वनाथन म्हणाले की, संघ व्यवस्थापन अजूनही आमचे प्रमुख खेळाडू ऋतुराज गायकवाड आणि दीपक चहर यांच्या फिटनेसच्या अपडेटची वाट पाहत आहे. बीसीसीआयने आम्हाला सांगितले आहे की, हे दोघे खेळण्यासाठी योग्य झाल्यावर ते आम्हाला कळवतील. दोन्ही खेळाडू सध्या एनसीएमध्ये आहेत.' गेल्या महिन्यात वेस्ट इंडिजविरुद्धच्या मालिकेदरम्यान ऋतुराजच्या हाताला दुखापत झाली होती, दुसरीकडे चहरही हॅमस्ट्रिंगमुळे आराम घेत आहे. चहर किमान ६ ते ८ आठवडे संघाबाहेर असेल, असे बोलले जात होते.

वाचा- फॉलोऑन मिळाल्यानंतर लक्ष्मण-द्रविडने मोडला होता ऑस्ट्रेलियाचा...

दीपक चहर कदाचित आयपीएलच्या सुरुवातीच्या टप्प्यात खेळू शकणार नाही, अशी अटकळ बांधली जात होती. आयपीएल २०२२ च्या मेगा लिलावात सीएसकेने चहरला तब्बल १४ कोटी रुपयांना विकत घेतले. तर ऋतुराज गायकवाडला धोनी, जडेजा आणि मोईन अलीसह ८ कोटी रुपयांमध्ये फ्रेंचायझीने कायम ठेवले होते. अशा स्थितीत हे दोन खेळाडू फक्त कर्णधारासाठीच नाही, तर संपूर्ण व्यवस्थापनासाठी चिंतेचा विषय राहिले आहेत.

वाचा- ऑस्ट्रेलियाच्या खेळाडूने पाकिस्तान क्रिकेट बोर्डाची इज्जत काढली; पाहा काय झाले

सध्या सीएसकेचे इतर खेळाडू सुरतमध्ये जमले आहेत आणि लालाभाई कॉन्ट्रॅक्टर स्टेडियमवरील सराव शिबिरात सहभागी होत आहेत. भारतीय महिला संघाचे अनेक सामने येथे आयोजित करण्यात आले आहेत. चहर आणि गायकवाड यांचे बंगळुरू येथील राष्ट्रीय क्रिकेट अकादमी (NCA) येथे पुनर्वसन सुरू आहे.