IPL 2022 DC vs MI : ईशान किशनची पैसा वसूल फलंदाजी; दिल्लीच्या गोलंदाजांची धुलाई

मुंबई: आयपीएल २०२२च्या दुसऱ्या सामन्यात मुंबई इंडियन्सने दिल्ली कॅपिटल्सविरुद्धच्या लढतीत प्रथम फलंदाजी करत ५ बाद १७७ धावा केल्या. दिल्लीने टॉस जिंकून प्रथम गोलंदाजी करण्याचा निर्णय घेतला होता. मुंबईकडून ईशान किशनने ४८ चेंडूत नाबाद ८१ धावा केल्या.

वाचा- Saudi Arabian GP : मायकेल शूमाकरच्या मुलाचा भीषण अपघात; कारचे झाले तुकडे



वाचा- RCB vs PBKS Match Preview : कर्णधारपदाचं ओझं उतरलं; आता धोनीसारखी कमाल

आयपीएलचे पाच वेळा विजेतेपद मिळवणाऱ्या मुंबई इंडियन्सची पहिली लढत दिल्लीविरुद्ध होत आहे. दिल्लीचा कर्णधार ऋषभ पंतने टॉस जिंकून मुंबईला फलंदाजीचे आमंत्रण दिले. रोहित शर्मा आणि ईशान यांनी संघाला शानदार सुरुवात करून दिली. या जोडीने पहिल्या विकेटसाठी ६७ धावा जोडल्या. रोहित ३२ चेंडूत ४१ धावा करून बाद झाला. त्यानंतर आलेला अनमोलप्रीत सिंह ८ धावांवर माघारी परतला. तर तिलक वर्माने १५ चेंडूत २२ धावांचे योगदान दिले. वर्माच्या जागी आलेला कायरन पोलार्ड पुन्हा एकदा अपयशी ठरला, तो फक्त ३ धावांवर बाद झाला. मुंबईने या वर्षी पोलार्डला रिटने गेले होते. एका बाजूला मुंबईच्या विकेट पडत होत्या तर दुसऱ्या बाजूला ईशान किशन धावांचा वेग वाढवत होता. अखेरच्या काही षटकात टीम डेव्हिडने त्याला चांगली साथ दिली. डेव्हिडने ८ चेंडूत १२ धावा केल्या. तर डॅनियल सॅम्सने २ चेंडूत ७ धावा केल्या. ईशान किशन ८१ धावांवर नाबाद राहिला. त्याने ११ चौकार आणि २ षटकार मारले.

वाचा- Women World cup IND vs SA: नो-बॉलने विश्वचषकाचे स्वप्न भंगले, पाहा नेमके काय झाले

दिल्लीकडून कुलदीप यादवने सर्वाधिक ३ विकेट घेतल्या तर खलील अहमदने २ विकेट घेतल्या.