'हार्दिक,Live सामन्यात असे वागायला लाज वाटत नाही'; भारताच्या अनुभवी खेळाडूला दिली शिवी

नवी मुंबई: आयपीएल २०२२मध्ये विजयाची हॅटट्रिक करणाऱ्या गुजरात टायटन्सला काल सोमवारी झालेल्या लढतीत पराभवाचा धक्का बसला. सनरायझर्स हैदराबाद (Sunrisers hyderabad)ने त्यांचा ८ विकेटनी पराभव केला. या सामन्यात मैदानावर अशी एक घटना (Hardik Pandya abuses Mohammed Shami) घडली ज्यामुळे अनेक क्रिकेट चाहते नाराज झाले.

वाचा- टॉपलेस होऊन महिला Live सामन्यात मैदानात घुसली; फोटो, व्हिडिओची जगभरात चर्चा

हैदराबादविरुद्धच्या सामन्यात प्रथम फलंदाजी करत गुजरातने १६१ धावा केल्या होत्या. गोलंदाजी करताना गुजरातला फार यश मिळत नव्हते. अशाच एका खेळाडूने कॅच सोडला. यावर कर्णधार हार्दिक पंड्या (Gujrat Titans captain Hardik Pandya) इतका भडकला की त्याने थेट शिवी दिली. हैदराबादची गोलंदाजी सुरू असताना हार्दिक ओव्हर टाकत होता. त्याच्या गोलंदाजीवर भारताचा अनुभवी वेगवान गोलंदाज मोहम्मद शमीने कॅच सोडला. ही घटना १३व्या षटकात घडली.

वाचा- गुजरात टायटन्सच्या पहिल्या पराभवाला कर्णधार जबाबदार; हार्दिक कोणती चूक केली?

गुजरातकडून पंड्याने १३वी ओव्हर टाकली. या ओव्हरमध्ये हैदराबादचा कर्णधार केन विलियमसनने दुसऱ्या आणि तिसऱ्या चेंडूवर षटकार मारले. पंड्याच्या अखेरच्या चेंडूवर राहुल त्रिपाठीला बाद करण्याची संधी होती. त्रिपाठीने मारलेला अपर कट चुकला आणि डीप थर्ड मॅनकडे गेला. तेथे उभा असलेल्या शमीने थोडा प्रयत्न केला असता तर सोपा कॅच पकडता आला असता. पण शमीने कॅच पकडण्या ऐवजी दोन पाऊल मागे जात टप्पा पडल्यानंतर चेंडू पकडला. यावर हार्दिक जाम भडकला. केनने मारलेल्या दोन षटकारामुळे वैतागलेल्या हार्दिकने सर्व राग शमीवर काढला.

वाचा- षटकार मारताच फलंदाज मैदानावर कोसळला; IPLमधील घटना, पाहा झाले तरी काय


वाचा- सलग चार पराभवानंतर थेट नीता अंबानींचा फोन आला; मुंबईच्या ड्रेसिंग रुममधील वातावरण...

हार्दिकने ज्या पद्धतीने शमीवर राग काढला त्यावरून आता सोशल मीडियावर जोरदार चर्चा सुरू आहे. अनेकांनी हार्दिकला ट्रोल करण्यास सुरूवात केली आहे. एका चाहत्याने प्रिय हार्दिक, तु एक खराब कर्णधार आहेस. संघातील सहकाऱ्यांना खास करून शमी सारख्या खेळाडूवर राग काढणे बंद कर, असे म्हटले आहे. अन्य एका युझरने शमीचे वागणं लाजिरवाणे असल्याचे म्हटलय.