Virat Kohli Viral Video: व्हिडिओ शूट करणाऱ्याला लाज वाटली नाही; विराटने रोखण्याचा प्रयत्न केला पण...

कोलकाता: रॉयल चॅलेंजर्स बेंगळुरूचा संघ आज २५ मे रोजी आयपीएल २०२२मधील एलिमेनेटरची लढत खेळणार आहे. कोलकाताच्या ईडन गार्डन्स मैदानावर त्यांची लढत शानदार फॉर्ममध्ये असलेल्या लखनौ सुपर जायंट्सविरुद्ध होईल. मुंबईने दिल्लीविर विजय मिळवल्यानंतर आरसीबीला प्लेऑफचे तिकीट मिळाले होते. बेंगळुरूसाठी आनंदाची बातमी म्हणजे विराट कोहलीला सामन्याच्या आधी लय सापडली आहे.

एलिमेनेटर सामन्याच्या आधी विराट कोहलीचा एक व्हिडिओ व्हायरल होत आहे. ज्यात विराट सराव सुरू करण्याआधी गार्ड घालतोय. या दरम्यान एक व्यक्ती त्याचा व्हिडिओ रेकॉर्ड करतोय. जेव्हा विराटला ही गोष्ट कळाली तेव्हा त्याने इशाऱ्याने रेकॉर्डिंग बंद करण्यास सांगितले, कारण तो एल-गार्ड घालत होता आणि व्हिडिओ शूट करू नये. पण जी व्यक्ती व्हिडिओ शूट करत होती त्याने विराटचे काही ऐकले नाही. त्यामुळे अखेर विराटने त्याला पाठ केली आणि गार्ड घातले.

वाचा- अर्जुनच्या करिअरबद्दल सचिन तेंडुलकर प्रथमच बोलला; क्रिकेटवर प्रेम असेल तर...


वाचा- पोस्टमास्तरने २४ कुटुंबियांचे १ कोटी बुडवले; IPL सामन्यांवर दोन वर्षापासून लावत होता सट्टा

आयपीएल २०२२मध्ये विराटला सध्या लय सापडली असली तरी त्याला अद्याप अपेक्षेनुसार खेळ करता आला नाही. कर्णधारपद सोडल्यानंतर विराटवरील दबाव कमी झाला असला तरी तो मोकळेपणाने खेळू शकला नाही. या हंगामात ३ वेळा तो शून्यावर बाद झाला. त्यापैकी २ वेळा तो पहिल्या चेंडूवर बाद झाला होता. १४ सामन्यात त्याने दोन अर्धशतक केली आहेत.

वाचा- स्वत:च्या चुकीने बाद झाला आणि राग काढला अश्विनवर, पाहा व्हिडिओ

आज लखनौविरुद्ध चाहत्यांना विराटकडून धमाकेदार फलंदाजीची अपेक्षा असेल. गेल्या दोन हंगामात आरसीबीला एलिमेनेटरमध्ये पराभव स्विकारावा लागला होता. २०२० मध्ये हैदराबादने तर २०२१ मध्ये केकेआरने त्याचा पराभव केला होता.